Lucas 13:19 - Tayta Diosninchi Isquirbichishan

¹⁹ Tayta Diospa maquincho goyänanpaj willacuyga nustäsa murumanmi tincun. Runa chay muruta wertanman muruptin wiñamushpanga jatunyan. Rämancunachöpis äbicuna gueshtancunata ruran.»

Lucas 13:19 Iomraidhean Croise

Cantares 4:12

Cuyayllä, majallä, gam caycanqui intërunpa guenchasha wertano, ushajpaj chapasha yacu pösuno, pashtaj yacuta lläbishano.

Cantares 4:16

Wichaypa aywaj wayra, sumaj wayrämuy. Uraypa aywaj wayra, shamuy cayman. Wertäman wayrämushpayqui cuyayllapaj asyayninta cuyaynë cajman mashtacächiy. Chayrämi cuyaynëga wertanman shamonga. Chaycho frütacunapa mishquej wayuyninta miconga.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Cantares 8:13

Wertacunacho cuyayllapaj caycaj warmi, rimashayquita wiyashaj ari. Yanasanchïcunami wiyayta munarcaycan.

Isaías 53:1

¿Piraj riguiran noganchi willacushanchïtaga? Tayta Diosga ¿pitataj munayniyoj cashanta musyachisha?

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Isaías 61:11

Imanömi chacracho muru pashtamun, wertachöpis imanömi lanta chillguir wiñan, chaynömi Tayta Diosga camacächenga rasun caj alli ruraytana yapay gallaycunanpaj, alabansacunatapis cantananpaj. Chaytaga llapan nasyun runacunami ricanga, wiyanga.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.

Jeremías 31:12

Cutiycamorga Sionman aywaycärir cushisha cantanga. Bindisyunnëwanmi cushisha goyanga. Achcami canga rïgupis, bïnupis, asëtipis, uyshapis, wäcapis. Chaura paycunaga caycangapaj alli pargusha wertanömi. Manami yapayga imaypis ñacanganachu.

Ezequiel 31:6

Llapan casta äbicunami rämancunacho gueshtancunata ruraj. Chay yörapa chaquincho tucuy casta animalcuna wachaj. Chay yörapa llantuyninchöga achca nasyun runacunami tiyarcaycaran.

Daniel 4:12

Chay yörapaga öjancunapis cuyayllapämi casha. Wayuynincunapis aypallami caycasha. Wayuycasha aypallata llapan micunanpaj aypajpänömi. Llapan jirca animalcunami llantucuycasha. Pärej äbicunapis rämancunacho gueshwancunata ruraycasha. Cay pachacho cawaj cajtaga llapantami chay yöralla cawaycächisha.

Daniel 4:21

öjancunapis cuyayllapaj caycaj, wayuynincunapis aypalla llapanpaj aypaj caycaj, yörapa llantuynincho animalcuna llantucuycashan äbicunapis gueshwanta rurashan

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Mateo 17:20

Chaura Jesús niran: «Yangalla yäracurmi garguyta mana camäpacushcanquichu. Gamcunata në: Ñäpushpa murunno tacshallapis yäracuyniqui captenga manami imapis sasachu gamcunapaj canga. Tagay jircata ‹witicuy› niptiquipis witicunmanmi. ¡Rasunpa yäracorga imatapis ruranquimanmi!

Marcos 4:30

Mastapis Jesús niran: «Tayta Diospa maquincho goyänapaj willacuytaga ¿imawanraj tincuchishwan?

Lucas 17:6

Chaura Jesús niran: «Nustäsa muruno tacshallapis yäracuyniqui captenga cay jatuncaray sicómoro yörata: ‹Sapipita achucarcur lamarman jawicämuy› niptiquipis jawicämongami.

Hechos 2:41

Chaura Pedro nishanta wiyacojcunaga llapanmi chay junaj bautisacuran. Bautisacojcunaga caran quimsa waranganömi (3,000).

Hechos 21:20

Chaura wiyaycajcunaga Tayta Diosninchïta alabaran. Nircur Pabluta niran: «Ermänu, musyashayquinöpis waranganpami Israel runacunaga Jesusman yäracusha. Jesusman yäracurpis paycunaga munaycan Moisespa laynincunataraj pï-maypis cumlinantami.

Hechos 4:4

Ichanga Pedruwan Juan willapashanta wiyajcuna achcajmi riguiran. Riguejcuna llapanga caran pichga waranganönami (5,000).

Romanos 15:19

Chaynöpis runacuna tantiyacunanpämi Espíritu Santu yanapaycäman milagrucunata ruranäpaj. Chaynöpami Jesucristupa willacuyninta sumaj willacushcä Jerusalenpita gallaycur may-chaypapis Ilírico probinsyaman chayanäcama.

Apocalipsis 11:15

Ganchis caj anjil trompëtata tucamuran. Chaura syëlucho sinchipa cayno nimushan wiyacämuran: «Llapan nasyuncunapis Tayta Diospa y cachamushan Cristupa maquinchönami caycan. Tayta Diosnami llapanpäpis munayniyoj car imaycamapis mandanga.»