Lucas 12:43 - Tayta Diosninchi Isquirbichishan

⁴³ Cushishami canga, patrunnin cutimur mincacushannölla ruraycajta tarishan uywayga.

Lucas 12:43 Iomraidhean Croise

Salmos 101:6

Allita ruraj runacunatami acrashaj nogawan iwal tiyananpäga. Allita rurar goyajcunallami canga nogata sirbimänanpäga.

Proverbios 27:18

Ïgusta alli cuydäga poguptin wayuynintapis micongami. Patrunninta alli atindejpis alli rispitashami canga.

Isaías 56:2

Cushishami cawanga nishäta cumlej runaga. Cushishami cawanga säbadu jamay junajta rispitaj runaga. Cushishami cawanga mana alli ruraycunata mana ruräshej runaga.»

Mateo 24:46

Cushishami canga, patrunnin cutimur mincacushannölla ruraycajta tarishan uywayga.

Lucas 12:37

Cushicuytami tarenga ricchaycajta patrunnin tarishan uywayno cajcunaga. Chaynöta tariycur quiquinmi patrunnenga jamaycachir garanga.

Lucas 12:42

Niptin Jesús niran: «¿Piraj tincun alli uywayman, tantiyaj uywayman? Alli uyway captin, tantiyaj uyway captenga patrunnin churan llapanninta ricananpaj. Chauraga paynami örancho waquin cajta garachin.

Lucas 12:44

Chayno allita rurashanpitami patrunnenga llapan ima-aycantapis chay uywaypa maquinman cachayconga.

2 Pedro 3:14

Ermänucuna, chayno cananpaj caycaptenga llapan juchapita witicushun Taytanchi Jesucristo cutimur allita rurar goyaycajta tarimänanchïpaj.