Lucas 10:31 - Tayta Diosninchi Isquirbichishan

³¹ Chay nänillapashi juc cürapis aywaycaran. Chaycho wañushano jitaraycajta ricaycarpis mana ricaj-tucuypashi päsacuran.

Lucas 10:31 Iomraidhean Croise

2 Samuel 1:6

Chay runa niran: «Nogaga puriycashächo mana yarpashapita camacarä Gilboa jircaman. Chaychömi ricashcä Saultaga lansanman tuncacuycajta. Filistea runacunaga carrëtanwan y cawallun muntasha cajcuna jananchöna caycaran.

Salmos 142:4

Derëchu caj-lädöpami ricachacö. Pitapis manami ricächu yanapämaj shamojta. Pipis manami canchu washämaj. Nogapäga manami pipis yarpärinchu.

Salmos 69:20

Gayapämashpanmi shongötapis fiyupa jagayächisha. ¡Gänasnëpis ni callpäpis manami cannachu! Yangami ashishcä cushicachimänanpaj, cuyapämänanpäpis.

Proverbios 21:13

Pobri runa ruwacur mañacuptin mana cäsojtaga quiquintapis ruwacur mañacuptin Tayta Diosga manami cäsongachu.

Eclesiastés 9:11

Chayno juctapis cay pachachöga ricashcämi. Llallinacuychöpis manami mas cörrej cajchu llallin. Pillyachöpis manami jinyu cajchu binsin. Micunanpaj micuytapis manami yachajcunallachu charan. Manami yarpaysapacunallachu rïcupis. Manami yachajcunatapis alli jamachinchu. Pitapis öraga allimi llojshipan; öraga mana allimi llojshipan.

Isaías 58:7

Noga munä yargaypita caycaj runata micuyniquita garanayquitami; wasiynaj pobri runata wasiquiman pachächinayquitami; röpaynaj captin röpayquita goycunayquitami; pitapis runa-masiquitaga cuyapänayquitami.

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Oseas 5:1

«Cüracuna, noga nishäta sumaj wiyacuy. Israelpa mandajnincuna, wiyashpayqui sumaj tantiyacuy. Raypa famillyan cajcunapis sumaj wiyacuy: Gamcunatami jusgashayquipäga. Gamcunaga Mizpacho cashcanqui tuninanpaj wascata churashanömi. Tabor puntachöpis cashcanqui redanömi.

Oseas 6:9

Cüracunaga carcaycan juc röpa suwacunanömi. Paycunaga asaltanticuna pacarpaycajnömi carcaycan. Shequemman näni aywajcunachömi mana allicunata rurarcaycan.

Malaquías 1:10

Ima alliraj canman maygallayquipis Templupa puncunta wichgarcuptiqui. Chaura manami pipis manacajllapäga altarnëcho ninata ratachinmannachu. Nogaga manami cushicöchu gamcuna rurashayquipita. Ima ofrendata goycamashayquicunatapis manami chasquishayquichu.

Lucas 10:30

Chaura Jesús tincuchiypa willaparan: «Juc runashi aywaycasha Jerusalenpita Jericó marcaman. Aywaycaptinshi caminucho shuyaycur suwacuna fiyupa magarcur apaycashanta ushajpaj guechusha. Quiquintana wañushatano röpaynajllata cachaycuran.

Lucas 10:32

Chaynöshi Leví trïbu runapis chayasha runa jitaraycashan cajman. Paypis tumarcurshi päsacuran.

Rut 2:3

Chaura Rut aywaran sebädata ruturcaycashanman. Nircur shuntacuran rutojcuna shicwapacushanta. Chayashan chacraga canaj suyrun Elimelecpa famillyan Boozpami.