Lucas 1:72 - Tayta Diosninchi Isquirbichishan

⁷² Chayno cashpanmi musyachimaranchi unay caj awilunchicunata cuyapashanta, conträtuta rurar aunishancunata mana gongashantapis.

Lucas 1:72 Iomraidhean Croise

Génesis 12:3

Gamta bindisashoj cajtaga nogapis bindisyuntami goshaj. Gamta chiquishoj cajtaga nogapis maldisyunädu cananpämi nishaj. Gam-cashami mundu intërucho tiyaj runacunatapis bindisyunta goshaj.»

Génesis 22:18

Paycuna-cashami mundu intërucho tiyaj runacunatapis bindisyunta goshaj noga nishäta gam wiyamashayquipita› nir.»

Génesis 26:4

Nogami gampita mirajcunata yanapäshäpaj goyllarcunanöpis yupayta mana atipaypaj mirananpaj. Paycunatami cay particunataga goycushäpaj. Paycuna-raycumi mundu intërucho tiyaj runacunatapis bindisyunta goshaj.

Génesis 28:14

Gampita mirajcunaga ñuchu allpano yupaytapis mana atipaypämi cangapaj. Wamrayquicuna mirashpanmi may-chaypapis mashtacangapaj. Gam-cashami, gampita mirajcuna-cashami mundu intërucho tiyaj runacunatapis bindisyunta goshaj.

1 Crónicas 16:16

Abrahamta aunishanta, Isaacta aunishantapis yarpashami.

Salmos 105:42

Chayno ruraran sirbejnin Abrahamwan parlacushanta yarparmi.

Salmos 106:45

Tayta Diosga yarpäriran paycunawan conträtuta rurar parlacushanta. Chaymi yapay yanaparan. Chaynöga yanaparan fiyupa cuyacoj cashpanmi.

Salmos 111:5

Payta rispitajcunataga micuyta tarichinmi. Conträtuta rurar alli parlacushanta payga imaypis yarparaycanmi.

Salmos 98:3

Tayta Diosninchëga yarpäriranmi cuyashan Israel runacunata. ¡Mundupa jucaj cuchuncho tiyaycajcunapis musyashami Tayta Diosninchi salbamashanchïtaga!

Ezequiel 16:60

Nogaga yarparäshaj jipash cashayqui wichan conträtuta rurar parlacushanchïtami. Nircur gamwanga imaycamapis allina cananchïpämi conträtuta rurashun.

Ezequiel 16:8

« ‹Chaypitaga, ñaupayquipa yapay päsarä. Chaychöga jatuntana ricarä. Chay öraga allina caycarayqui majayoj canayquipaj. Chauraga gamwan camacashpanchi cäpäta mashtarcamur galalla caycaptiqui chaparcurä. Nircur alli goyänapaj parlaranchi. Chay örapita-pachami nogapana cashcanqui. Noga Tayta Diosmi chayno në.

Levítico 26:42

Chauraga nogapis yarpärishäpaj Jacobwan, Isaacwan, Abrahamwan conträtuta rurar parlacushäta. Chaynöllami nasyunninpäpis yarpärishäpaj.

Miqueas 7:20

Tayta Dios, cumliycuy ari Jacobta aunishayquita, Abrahamta cuyapänayquipaj aunishayquitapis. Chaynömi unay awilöcunata aunirayqui.»

Romanos 11:28

Canancunaga Israelcunapa contran-nirajmi Tayta Diosninchi caycan. Ichanga chayno caycan gamcuna Jesucristuman yäracunayquipämi. Israelcunataga jinallami Tayta Dios cuyaycan. Unay awiluncunatami auniran acrashan runacuna cananpaj.

Romanos 9:4

Paycunaga Israel castami. Paycunatami wamran cananpaj Tayta Diosninchi wamrachacuran. Munayniyoj cashantapis Tayta Diosninchi musyachiran. Paycunawan conträtucunata ruraran. Laynincunata entregaran. Imano adurananpäpis yachachiran. Tayta Diosninchi aunishantapis paycunami chasquiran.