Levítico 9:10 - Tayta Diosninchi Isquirbichishan

¹⁰ Nircur juchapita sacrifisyuta pishtashan uywapataga altarcho rupachiran wirancunata, ruruncunata, ñatinpa puntanta. Llapantapis ruraran Moisesta Tayta Dios nishannölla.

Levítico 9:10 Iomraidhean Croise

Salmos 51:17

Gampäga caycan umildi cajcunami y wiyacushoj cajcunami allinninta garashushayquino. ¡Tayta Dios, gamga manami manacajman churanquichu llapan shongunpa arpinticoj cajtaga!

Éxodo 29:13

Pacha wirancunata, ñatinpa puntanta, ishcan rurunta wirantinta jorgurcur altarcho rupachinqui.

Proverbios 23:26

Ïju, willapashäcunata sumaj wiyacuy. Noga imanömi goyashcä; chayno gampis goyay.

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Levítico 9:11

Aychantawan garantami ichanga tiyaycashanpita juc-läman apaycur rupachiran.

Levítico 9:9

Pishtariptinna wamrancuna yawarta apaparan. Chaura Aaronna yawarman dëdunta tawircur pichuran altarpa wagrancunata. Puchoj caj yawartana altarpa chaquinman jichariran.