Levítico 7:16 - Tayta Diosninchi Isquirbichishan

¹⁶ Aunircamar uywata apamur, y shongun shacyaptin apamushan uywata pishtar ichanga puchuptenga waranninpis micunman.

Levítico 7:16 Iomraidhean Croise

Salmos 116:14

Tayta Diosta aunishätaga acrashan runacunapa ñaupanchömi cumlishaj.

Salmos 116:18

Tayta Diosta aunishätaga cumlishämi acrashan runacunapa ñaupanchöpis,

Salmos 66:13

Wasiquiman yaycuycurmi gampaj uywacunata rupachishaj. Chaychömi cumlishayqui

Éxodo 35:29

Israel runacuna ollgupis warmipis ofrendata churayta munaj cäga buluntänin cashanpita apapäcamuran Tayta Dios Moisesta nishan cajcunata llapanta rurachinanpaj.

Proverbios 7:14

«Alli goyaypita sacrifisyuta garanäpämi aunirä. Chayno aunishätaga canan junajmi cumlishcä.

Ezequiel 46:12

«Shongun shacyaptillan mandaj nogapaj rupachina sacrifisyuta u alli goyaypita sacrifisyuta pishtananpaj apamuptenga inti yagamunan caj-lä puncuta quichapanga. Chaychöna ruranga säbadu jamay junajcho rurashanno. Chaypita llojshicuptinnaga puncuta yapay wichgarconga.

Levítico 22:23

Shongun shacyaptillan apamuptenga chasquishämi macllu töruta, macllu uyshata apamuptinpis. Aunishanta cumlir apamuptinmi ichanga chaynötaga mana chasquishäpächu.

Levítico 22:29

«Agradësicamar garamashpanga garamanga llapan shongunpa. Chaura nogapis cushishami chasquishaj.

Levítico 23:38

Chay fistacunataga ruranqui jamay junajcuna rurashayquipita shuyni. Fistacunapaj apamushayqui uywacunawan ofrendacuna shuynimi canga waquin ofrendacunapita, pishtanayquipaj apamushayquipitapis. Aunishayquita cumlir pishtanayquipaj apamushayquipitapis, quiquiquipa buluntäniquipita pishtanayquipaj apamushayquipitapis shuynimi canga.

Nahúm 1:15

¡Judá runacuna, masqui ricay! Willacoj maynami jircacunapa aywaycämun alli goyay cananpäna willapata apamushpan. Diosta adurana fistayquicunata rurayna. Tayta Diosta aunishayquicunatapis cumliyna. Yapayga imaypis manami fiyu runacunapa munaynincho canquipänachu. Chay fiyu runacunaga ushajpänami ushacasha.

Números 15:3

Nogapaj sacrifisyucunata rupachenga. Chaycunapa jömuynenga nogapa shongöpänömi canga. Chay sacrifisyucunata rupachinqui rupachina sacrifisyu captinpis o aunimashayquita cumlishpayquipis, o buluntäniquipita uywata apamushpayquipis o fistapaj uywata apamushpayquipis. Chay sacrifisyucunapaj uywayquicunapita apamunqui töruta carpis, uyshata carpis, o cabrata carpis.

Deuteronomio 12:11

Tayta Dios acrashan pachaman llapan nishäcunata apanqui chaychöna payta aduranayquipaj. Chayno captenga chayman apanqui rupachina sacrifisyuyquicunata, sacrifisyuyquicunata, diesmuyquicunata, aunishayqui ofrendayquicunata, waquin ofrendacunatapis.

Deuteronomio 12:17

«Diesmucunataga manami marcayquicho micunquimanchu, rïgupita, bïnupita, asëtipita diesmu captinpis. Chaynölla marcayquicho manami micunquimanchu wäcayquipa, uyshayquipa, cabrayquipa rimir wawancunata, ni aunishayqui ofrendacunata, ni buluntäniquipita caj ofrendacunata ni waquin ofrendacunatapis.

Deuteronomio 12:26

Aunishayqui ofrendacunata y waquin ofrendacunataga Tayta Dios acrananpaj caj pachamanraj apanquicuna.

Deuteronomio 12:6

Chaychömi Tayta Diosta rispitar sacrifisyu uywacunata pishtanqui, rupachina sacrifisyucunata pishtanqui. Chayman apanqui diesmuta, purätata, aunishayqui ofrendacunata, buluntäniquipita caj ofrendacunata, wäcayquipa, uyshayquipa rimir wawancunatapis.