8 Moisesta Tayta Dios niran:
«Rupachina sacrifisyupaj wäcancunapita apamorga sänu töruta apamonga. Tincuna Toldu puncu pampaman apaycur ñaupächo pishtanga. Chaynöpami noga Tayta Diospa shongöpäno canga.
Chaypitaga cüracunanami altarcho ninata ratarcachir yantata shancanga.
Chayrämi yarpaypa ñaupächo maygan juchacunata rurasha carpis perdunasha canga.»
«Aarontapis wamrancunatapis uywacunata rupachina sacrifisyuta rurananpaj sumaj willapanqui: Pishtashan uywapa aychanga warayllata altar shanshacho rupanan.
