Levítico 6:2 - Tayta Diosninchi Isquirbichishan

² «Pipis ñaupächo juchatami ruran runa-masin mañashanta mana cutichir, ricapänanpaj paytacushanta mana cutichir, imantapis suwapar, firsapita guechur.

Levítico 6:2 Iomraidhean Croise

Génesis 26:7

Chaycho tiyaj runacunaga Rebecapaj tapupäcuran. Rebeca cuyayllapaj captinmi Isaacga yarparan warmin-rayculla runacuna wañuycachinanta. Chaymi mana willacuranchu Rebeca warmin cashanta. Rasun cajta ninanpa ruquin «Pañëmi» niran.

Salmos 51:4

Gamta mana wiyacushpämi contrallayqui jatarishcä. Ricaycämaptiquimi llutanta rurashcä. «Juchasapa» nimar rasun cajtami niycämanqui. Manami «Juchaynaj cä» nëmanchu.

Proverbios 24:28

Manacajtaga runa-masiquipaj ama declaraychu. Manacajpitaga ama rasuntano rimanquichu.

Proverbios 26:19

amïgunta llullapäga. Llullapariycorga «rasyallami nishcä» nin.

Isaías 21:2

Fiyupa manchacuypätami Tayta Diosga ribilamasha: Engañacöga engañacun. Wañuchicöga wañuchicun. ¡Shamuy ari Elam! ¡Media jutiyoj nasyun runacunapis yaycupaycäriy! Chauraga Babiloniacho ñacaycaj runacuna manami ñacanganachu.

Isaías 24:16

Cay pachapa cuchunpita-pacha cantamojtami wiyashcäcuna «¡Juchaynäga alabasha cachun!» nir. Noganami nishcä: «Ay, ima ruraytapis manami camäpacöchu. Pasaypa llaquishami caycä. Fiyu runacunaga engañacunmi. Paycunamanga manami yäracuypächu.»

Isaías 33:1

Ay imanöraj canqui jucta illgächej. Gamtaga manarämi illgächishunquirächu. Ay imanöraj canqui juccunata engañaj. Manami engañasharächu caycanqui. Illgächiyta ushaycorga quiquiquipis illganquipämi. Juccunata engañayta ushaycuptiquega quiquiquitapis engañashunquipämi.

Jeremías 9:5

Jucnin-jucninpis engañanacunmi. Mayganpis manami rasun cajtaga rimanchu. Llullacuyllapämi yachacasha carcaycan. Jucha rurayllacho yachacasha carmi paycunaga mana wiyacunchu.

Ezequiel 40:46

Norte caj-läman ricaraycaj cuartoga caycan altarcho ima ruraychöpis aroj cüracunapämi. Chay caj cüracunaga Sadocpita mirar aywajmi. Paycunallami Leví trïbupita cäga yaycun Tayta Dios caycashanman chaycho sirbinanpaj.»

Levítico 1:3

«Rupachina sacrifisyupaj wäcancunapita apamorga sänu töruta apamonga. Tincuna Toldu puncu pampaman apaycur ñaupächo pishtanga. Chaynöpami noga Tayta Diospa shongöpäno canga.

Levítico 19:11

«Ama suwacunquichu. Ama llullacunquichu. Ama engañacunquichu.

Levítico 5:15

«Pipis mana musyayninpa Tayta Diospaj rispitädu cajcunata quiquinpaj quëdachicorga juchayojmi ricaconga. Chaura multata pägar uyshanpita sänu carnita Tayta Diospaj apamonga. Chay carniga duyñunman cutichina sacrifisyumi canga. Tincuna Tolducho caj pësacunawan pësarcur chay carnipa risyunta cüra täsanga.

Levítico 5:19

Chay runa mandamintöcunata mana cumlishanpitami juchayoj caycan. Chaymi apamushan carniga cutichina sacrifisyu canga.»

Levítico 6:1

Mastapis Moisesta Tayta Dios niran:

Amós 8:5

Gamcunaga cayno niycanqui: «¿Imayraj ushacanga cay llullu quilla fista rïgunchïta ranticunanchïpaj? ¿Imayraj ushacanga jamay-junaj, chaqui micuyninchïcunata chanincho ranticunanchïpaj? Pishej tupullawan tupushun. Suwa pësallawan pësaypa ranticushun.

Habacuc 1:13

Gamga limyu juchaynaj cashpayquimi mana alli ruraycunataga mana munanquichu. Runa-masinta ñacaycächejtaga manami ricapaycanquimanchu. Chayno caycarga ¿imanirtaj mana rimapayllapaga ricapaycanqui chay wañuchicojcunata? ¿Imanirtaj upällalla cacunqui chay fiyu runacuna alli runacunata illgaycächiptinpis?

Juan 8:44

Gamcunapa taytayquega dyablumi. Taytayqui munashallantami imatapis rurarcaycanqui. Payga unaypita-pachapis wañuchicojmi. Rasun cajtaga fiyupami chiquisha. Rasuntaga manami rimanpischu. Shongunpis llullacuyllapämi yarparaycan. Payga llullacunapa taytallanmi.

Hechos 5:4

Chacrayquega quiquiquipami casha. Chasquishayqui guellaypis quiquiquipami casha. Quiquiquipa caycaptenga ama llullacunquimanchu. Manami nogatachu llullapämashcanqui, chaypa ruquenga Tayta Diostami.»

Efesios 4:25

Chayno caycaptenga amana llullapänacuynachu. Llapaninchïpis jucnayllanöna caycarga rasun cajllatana rimashun.

Colosenses 3:9

Ama llullapänacuynachu. Canan gamcunaga chayno jucha ruraycunata cachaycushcanquinami.

Apocalipsis 22:15

Chay siudächöga manami cangachu juchasapacuna: Diosman mana yäracojcuna, brüjucuna, majayoj caycar jucwan cacojcuna, runa-masinta wañuchejcuna, ïdulucunata adurajcuna, runa-masinta engañajcunapis.