Levítico 26:32 - Tayta Diosninchi Isquirbichishan

³² «Chay nasyun runacunata ushaypa wañuchishaj. Chaymi contrayquicuna tiyaj shamushpanpis manchacasharaj ricaconga.

Levítico 26:32 Iomraidhean Croise

1 Reyes 9:8

Chaura cay Temploga quëdangapaj ragällami. Llapan chaypa päsajcunaga ‹¿imanir-raj Tayta Diosga chayno ruraycusha cay nasyuntawan Templutaga?› nirmi asipanga.

Isaías 24:1

Masqui ricay-llapa. Tayta Diosga llapantami cay pachata usharenga. Cay pachata fiyupami cuyurachenga. Runacunatanami wacpa-caypa mashtacächenga.

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Isaías 5:9

Munayniyoj Tayta Dios nimasha: «Aypalla wasicunami illgächisha canga. May-jina jatuncaray ni cuyayllapaj captinpis manami pipis tiyangapänachu.

Isaías 6:11

Chayno nimaptin tapurä: «Tayta, ¿imaycamaraj chaynöga canga?» nir. Paynami nimaran: «Chaynöga canga siudäcuna ushajpaj illgänancamami, chay siudächo runacuna jucnayllapis mana tiyanancamami, wasicunapis chunyaj canancamami, chacracunapis purunyänancamami,

Isaías 64:10

Rispitädu siudäniquicunaga chunyajman ticrashami caycan. Jerusalenga pasaypa juchusha ragällanmi caycan.

Jeremías 12:11

Chaymi pasaypa garayashata cachaycärisha. Cuyapaypaj llaquicurcaycajtami nogaga ricaycä. Nasyun intërumi chunyaj caycan. Chaypis manami mayganpis yarpachacunchu.

Jeremías 18:16

Chayno cashanpitami nasyunnintapis chunyajna cananpaj camacächisha. Fiyupa manchariypaj ragällanna caycan. Llapanpis chaypa päsajcunaga almirashami umanta awiconga.

Jeremías 19:8

Cay siudätami chunyajman ticrachishaj. Fiyupa manchariypämanmi ticrachishaj. Pipis chaypa päsajcunaga ushajpaj ushacasha caycajta ricaycur manchariywan chiyacasha ricarpanga.

Jeremías 25:11

Cay nasyunpitaga ima-aycantapis ushajpämi apaconga. Siudäcunapis ragällanmi quëdanga. Cay nasyuncunacho tiyajcunaga ganchis chunca (70) watacamami Babiloniapa rayninpa maquincho canga.

Jeremías 25:18

Jerusalencho tiyajcunata, Judächo caycaj siudäcunachöpis llapan raynincunatawan mandajnincunatawan-cama upuchirä. Chaynöpami paycunapa wasincunapis ricacuran ragällan, manchariypaj llaquicuypaj, pï-maypis ricacunanpaj, asipänanpaj. Canancamapis chayno maldisyunädumi carcaycan.

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.

Jeremías 33:10

Tayta Dios nin: «Gamcunaga nircaycanqui: ‹Cay partiga chunyajllanami caycan. Runapis, uywapis mananami cannachu› nir. Ichanga Judächo, siudänincunacho, Jerusalenpa cällincunacho canan chunyaj captinpis chaychöga wiyanquipämi

Jeremías 44:2

Chaura Jeremiasnami Judá runacunata cayno niran: «Israelcunapa munayniyoj Tayta Diosninmi cayno nin: ‹Gamcunaga ricashcanquimi fiyupa castïguta Jerusalencho tiyaj runacunaman, chayno Judächo caycaj waquin siudäcunamanpis chayachishäta. Cananga chay siudäcuna caycan chunyaj, juchusha ragällanmi.

Jeremías 44:22

Ichanga mana alli rurashayquicunata Tayta Diosga manami awantashanachu. Gamcunaga Tayta Diosta fiyupami rabyachishcanqui. Chaypitami cananga nasyunniquicho siudäcunaga juchusha ragällan caycan. Pipis mana tiyaptin manchariypaj y pï-maypis ricacunanpämi caycan.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Lamentaciones 4:12

Cay pachacho caycaj raycuna, ni pï runapis cay munduchöga manami imaypis riguinmanchu caran chiquimajcuna Jerusalenta charicurcunantaga.

Lamentaciones 5:18

Sión lömapis cananga caycan gotuy-gotuy juchushallami. Chaychöga atojcunallanami cutir ticrar puricunpis.

Ezequiel 5:15

Gamcunapaj rabyasha cashpä imanöpis castigaptë, llapanmi ashllir wiyachipäshunquipaj. Sercayquipa tiyaj runacunapäpis ricacunanpämi canquipaj. Noga Tayta Diosmi nishcä chayno cananpaj.

Daniel 9:18

Tayta Diosnillä ruwacur mañacushäta wiyaycamay. Sumaj ricäriy ari gamta rispitar adurana siudä imano ushacasha caycajtapis. Nogacunaga manami allillata ruraj cashpächu gamta mañacamö. Chaypa ruquenga mañacamö cuyapäcoj cashayquita musyarmi.

Daniel 9:2

Pay juc watana ray car mandaycaptinmi noga Daniel liguiycarä Tayta Diospa profëtan Jeremías isquirbishanta. Chaychöga caycaran ganchis chunca (70) watayaj Jerusalén juchushalla cacunanpaj profëtanta Tayta Dios musyachishanmi.

Habacuc 3:17

Ïgus yöra mana waytaptinpis, übascuna mana wayuptinpis, olivopa wayuynin mana captinpis, chacracunacho ima micuy mana wayuptinpis, juc canchacho caycaj uyshacuna ushacäcuptinpis, curralnincho wäcacuna manana captinpis,

Lucas 21:20

«Jerusalenta intëru cantunpa suldärucuna tumaparaycajta ricarmi musyanquipaj chaycho caycajcunata ushajpaj illgächinanpaj cashanta.

Deuteronomio 28:37

Chayno Tayta Dios maymanpis apachishushayquichöga canquipaj mana alli ricasha, pï-maypitapis chiquisha, rimashallami.