Levítico 26:25 - Tayta Diosninchi Isquirbichishan

²⁵ Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Levítico 26:25 Iomraidhean Croise

2 Samuel 24:15

Chaura chay tutalla gallaycur Danpita Beersebacama intëru Israel nasyunman fiyu gueshyata Tayta Dios yurichimuran. Chay gueshyawanmi ganchis chunca waranga (70,000) runacuna wañuran.

1 Reyes 8:33

«Cuyashayqui Israelcuna juchata rurashanpita contrancuna binsir nasyunninman apacuptin cay Templu läduman ricäramur perdunta mañacamushuptiquega

1 Reyes 8:37

«Cay nasyuncho muchuy captin, gueshya captin, usyawan jachacuna chaquiptin, gueri ushaptin, chüpacacuna u malunya micuyta ushaptin, chiquinacushancuna siudänëcunata curalapaycärir magar wañuchiptin, man'chäga ima mana allicunapis, fiyu gueshyacunapis captin

2 Reyes 17:3

Asiriapa raynin Salmanasar suldäruncunawan yaycuran Oseasta magaj. Chaychömi Oseastaga uywayninman ticrachiran. Impuestuta pägachiran.

2 Crónicas 24:24

Siria suldärucunaga wallcajllami caranpis. Judá suldärucunataga aypalla caycaptinpis Tayta Diosmi wallcajllapa munayninman cachaycuran. Payta gongaycushanpitami chayno cachaycuran. Chaynömi Joastaga juchancunapita castigaran.

Salmos 94:1

Tayta Dios, gammi caycanqui juez cay pachachöga. Arriglayna ari. Juchayoj cajtaga castigay. ¡Alli-tucojcunataga rurashanman-tupu ayñita cutichiy!

Éxodo 5:3

Niptin Aaronwan Moisesga niran: «Hebreocunapa Diosninmi yuripämasha. Chaymi chunyajman aywashäcuna quimsa junaj aywayta. Chaychömi Tayta Diosta adurashpä sacrifisyuta rupachishaj. Man'chäga Dios castigamangami gueshyawanpis u guërrawanpis.»

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Isaías 65:12

Chaypitami gamcunapa distïnuyquega canga sabliwan cuchuypa wañuchicänayquipaj. Chaynöga päsashunquipaj noga gamcunata gayaptëpis mana wiyacushayquipitami, willapaptëpis mana tantiyacushayquipitami. Gamcunaga mana munashä cajtami rurashcanqui. Noga mana munashä cajtami acrashcanquipis.»

Jeremías 19:7

Chay partichömi Judá runacuna Jerusalén runacuna imapaj yarpashantapis mana camacächishächu. Contrancuna binsinanpämi, wañuchinanpämi camacächishaj. Chauraga wañusha mashtarpaycajtana aycha micoj äbicuna, jirca animalcunapis miconga.

Jeremías 24:10

Paycunamanga chayachishaj guërratami. Camacächishaj muchuycho cananpämi, fiyu gueshyawan wañunanpämi. Chayno ñacaycällarmi unay caj awiluncunatawan paycunata goycushä nasyunchöga ushajpaj ushacanga.»

Jeremías 50:28

«Babiloniapita waquin gueshpejcuna parlashanta wiyay-llapa. Ayñita imano cutichishätapis parlajta wiyay-llapa: ‹Templunta illgächishanpitami Tayta Diosga Babilonia runacunata ayñita cutichisha› nir.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 9:16

Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»

Lamentaciones 2:21

«Wamracunapis, auquincunapis cällicunachömi wañusha mashtarpaycan. Mösucunapis, jipashcunapis cuchuypami wañusha. Rabyasha caycashayqui örami wañuchishcanqui. Mana cuyapaypami wañuchishcanqui.

Ezequiel 14:17

«Capas chay nasyuncho guërrata gallaycachir noga camacächëman runatapis, uywatapis wañuchinanpaj.

Ezequiel 20:37

Nogami gamcunataga sumaj acrashayquipaj uyshëru uyshancunata acrashanno. Nircorga conträtuta rurashanchïta cumlinayquipämi camacächishaj.

Ezequiel 29:8

« ‹Chaymi, noga Tayta Dios në: Egipto, gamta magashunayquipaj shamonga sablincunawan. Wañuchenga runacunata, uywancunatapis.

Ezequiel 33:2

«Runa, gamga marca-masiquicunata willapay. Noga cayno nishäta willay: ‹May nasyunchöpis guërra cananpaj camacächiptë chay nasyuncho tiyaj runacunaga juctami acran ricachacojpaj.

Ezequiel 5:17

Rasunpami camacächishaj gamcunachöga yargay, gueshya, wañuypis cananpaj. Micucoj animalcunapis wamrayquicunatami micucurcongapaj. Waquinniquinami guërracho wañunquipaj. Noga Tayta Diosmi chayno në.»

Ezequiel 6:3

‹¡Tayta Dios nishanta wiyay Israel jircacuna! Jircacunapaj, puytush lömacunapaj, guechwa pampacunapaj, mayucunapäpis Tayta Diosga caynömi nisha: Gamcunapa janayquichömi fiyupa guërra canga. Ïdulucunata adurananpaj altunnin jircacunacho caycajcunatapis illgächishämi.

Oseas 11:6

Siudächo tiyajcunataga sabliwanmi wañuchenga. Llapan runacunatami illgächir ushanga. Yarpashancunatapis manami camacächenganachu.

Levítico 26:6

Tiyashayqui nasyunchöga jaucallami goyäcunquipaj. Mishquilla puñucunquipaj. Nogami chapäshayqui micucoj animalcunapita. Wañuchinacuypis manami cangachu.

Amós 4:10

«Egiptuman yurichishäno castïgutami gamcunamanpis chayachimurä. Nogami camacächishcä gamcunacho caycaj mösucuna guërracho wañunanpaj. Camacächirä cawalluyquicunata chiquishojcuna guechurishushpayqui apacunanpaj. Nogami camacächirä pillyacho wañoj runacuna ismushan asyaytapis tiyarcaycashayquicho mayanayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Habacuc 3:5

Paypa ñaupantami shamonga fiyupa manchariypaj gueshya. Paypa guepantanami chayamonga fiyupa rupay gueshya.

Números 14:12

Canan paycunataga gueshyawanmi usharishaj. Mananami aunishä partichöpis tiyanganachu. Gampitami ichanga mirachishaj mas aypallata, mas callpayojta.»

Números 16:49

Chay örapäga mayna wañuran chunca chuscu waranga ganchis pachacnin (14,700) runacuna. Chayno caran Corëwan wañojcunata mana yupayllapami.

Números 31:3

Chaura Moisesga Israelcunata niran: «¡Waquinniquega pillyanayquipaj camaricuy-llapa! Nircorga Madián runacunata ayñita cutichir Tayta Diospa jutincho wañuchimuy.

Lucas 21:11

Timlurpis fiyupami juc-lächo juc-lächo canga. Muchuypis, gueshyapis cangami. Syëluchöpis mana imaypis ricashan manchariypajcunami canga.

Deuteronomio 28:21

Charicarcärinayquipaj caycaj nasyunman yaycur tiyaptiquipis tucuy-niraj gueshyacunawanmi Tayta Dios llapayquita ushacächishunquipaj.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Deuteronomio 32:41

Conträcunata jusganäpaj achicyaypa achicyaycaj espädäta afilashaj. Chiquimajcunataga llapantami castigashaj. ¡Chiquimajcunataga merësishanman-tupumi ayñita cutichishaj!

Jueces 15:11

Chayno niptin Judá runacunaga quimsa waranga (3,000) aywaran Etam machayman. Chayaycärir Sansonta niran: «¿Manachu musyanqui Filistea runacuna noganchïpita mas munayniyoj cashanta? Musyaycarga ¿imanirtaj inrïduman gaycamashcanqui?» Niptin Sansonga niran: «Ayñillatami cutichishcä.»