Levítico 26:22 - Tayta Diosninchi Isquirbichishan

²² Micucoj animalcunatami cachamushaj. Chauraga chay animalcunami wamrayquicunata miconga; uywayquicunatapis ushanga. Chaynöpami gamcunaga wallcajllana quëdanquipaj. Chauraga näniquicunapis chunyajna ricaconga.

Levítico 26:22 Iomraidhean Croise

2 Reyes 17:25

Apamushan runacunaga chaycho tiyar Tayta Diosta manami aduraranchu. Chaymi Tayta Diosga liyuncunata yurichiran. Liyuncunaga waquin runacunata wañuchiran.

2 Reyes 2:24

Niptin Eliseoga paycuna cajman ricärir Diospa jutincho «mana alli chayashunqui» niran. Chaura jinan öra muntipita ishcay ösucuna llojshiraycamur rachir-ushariran chuscu chunca ishcaynin (42) wamracunata.

Isaías 24:6

Chaypitami castïgu chayamur cay pachataga usharisha. Chay castïguwanmi cay pachacho tiyajcunapis ñacaycan. Chaypitami cay pachacho tiyajcuna ushacasha. Wallcallanami runacunaga cawaycar quëdasha.

Isaías 33:8

Nänicunapis chunyajmi ricacusha. Pipis manami purinnachu. Alli goyänanpaj parlacushantapis manami cumlinnachu. Manami mayganpis rispitanacunnachu.

Jeremías 15:3

«Noga Tayta Diosmi në: Chuscu casta castïguwanmi castigashaj. Guërrachömi wañuchenga. Allgucunami garachash purichenga. Aycha micoj äbicunami miconga. Aycha micoj jirca animalcunami rachir-ushanga.

Jeremías 42:2

profëta Jeremiasta. Nircur niran: «Ruwacuyculläshayqui ari tayta. Tayta Diosniquita mañacuycuy nogacuna wallcajllapis quëdajpaj. Quiquiqui ricashayquinöpis ñaupataga aypallami caranchi. Cananga pasaypa wallcajllanami quëdashcanchi.

Lamentaciones 1:4

Sión lömaman aywaj caminucunaga fiyupa llaquicuypaj chunyajmi ricacusha. Fistacunamanpis mananami pipis shamunnachu. Siudäman yaycuna puncupis pasaypa chunyajmi caycan. Siudächöga cüracunallami wagaycan. Jipashcunapis fiyupa llaquicurcaycan. Quiquin siudäpis fiyupami llaquicuycan.

Ezequiel 14:15

«Micucoj animalcunata juc nasyunman yurichiptë, chaycho tiyajcunata ushacurcuptin, chay nasyun chunyajna ricacuptenga animalcunata manchacuyllawan ni pipis manami chaypa purinmannachu.

Ezequiel 14:21

«Noga Tayta Dios në: Mas piyur-rämi canga Jerusalenta chuscu casta castïguwan castigaptëga. Chay castïgucunaga caycan: guërra, yargay, gueshya, micucoj animalcuna. Chaycunaga runata, uywatapis wañuchengami.

Ezequiel 33:28

Chay Israel nasyuntaga pasaypa chunyajtami cachaycushaj. Israel jircacunaga chunyajmi ricaconga. Chaypaga manami pipis purenganachu. Runacuna alli-tucurcaycashantapis manacajmanmi churashaj.

Ezequiel 5:17

Rasunpami camacächishaj gamcunachöga yargay, gueshya, wañuypis cananpaj. Micucoj animalcunapis wamrayquicunatami micucurcongapaj. Waquinniquinami guërracho wañunquipaj. Noga Tayta Diosmi chayno në.»

Levítico 26:6

Tiyashayqui nasyunchöga jaucallami goyäcunquipaj. Mishquilla puñucunquipaj. Nogami chapäshayqui micucoj animalcunapita. Wañuchinacuypis manami cangachu.

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.

Zacarías 7:14

Chaypitami shucucuy wayra machip-machir apajnöpis wacpa caypa mashtacächishcä mana rejsishan nasyuncunaman. Paycuna aywacuptin nasyunga ricacuran pasaypa chunyajna. Chaychöga pipis manami tiyarannachu. ¡Cuyayllapaj nasyuntami paycunaga chunyajman ticrachiran!»

Deuteronomio 32:24

Yargaywan rupay gueshyawan wañunanpämi camacächishaj. Fiyu gueshyami ushangapaj. Micucoj animalcunatami, wañuchicoj culebracunatami yurichishaj.

Jueces 5:6

«Anatpa wamran Samgar cashan wichanpis, Jael cashan wichanpis carupa puriyta manchacojmi. Caminanticunapis mananami näninpaga purirannachu. Juc-läpanami puriran.