Levítico 10:3 - Tayta Diosninchi Isquirbichishan

³ Chaypita Moisesna Aaronta niran: «Chayno päsananpaj captinmi Tayta Diosninchi niran: « ‹Ñaupäman yaycamojtaga Nogami tantiyachishaj santo captë wiyacamänanpaj. Acrashä Israelcunatami tantiyachishaj munayniyoj cashäta.› » Chayno niptin Aaronga imatapis mana rimacuranchu.

Levítico 10:3 Iomraidhean Croise

Génesis 18:25

¿Juchaynaj runacunatawan juchasapa runacunata tallucashata wañuchinquimanchuraj? Juchaynajcunataga juchayojcunatano manami wañuchinquimanchu. Chaytaga ruraycunquimanrächu. Mundu intërucho llapanpa juchaynaj jueznin caycarga ¿manachu alli arriglanquiman?» nir.

Job 2:10

Chaura Job niran: «¡Diosman mana yäracoj warmicuna-niraj rimaycanqui! Tayta Dios ima-aycatapis tarichimashaga cushishami goyashcanchi. ¿Imanirtaj mana awantashwanchu mana allicuna chayamashapis?» Chayno mana allicuna chayaycaptinpis Jobga manami juchata ruraranchu ni parlayllapapis.

Salmos 119:120

Gamta manchacur nogaga sicsicyaycä. Imanöpis jusganayquipaj cashayquipitami fiyupa llaquicö.

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Salmos 39:10

Amana castigamaynachu ari. Castigamashpayquimi wañuycächimanquina.

Salmos 39:9

Gam llapantapis camacächiptiquimi imatapis mana rimacurächu.

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 89:7

Janaj pachacho llapan shuntacasha caycashanchöpis gamtaga manchacushunquimi. Anjilcuna tumaparaycäshushayquichöpis gamga canqui fiyupa manchacuypaj munayniyojmi.

Salmos 93:5

Tayta Dios, gammi estatutuyquicunata willaparayqui. Chaycunaga yäracuypämi caycan. ¡Santo Dios cashayquimi Wasiquita sumaj camarächin! ¡Tayta Dios gamga imaypis caycanquimi!

Éxodo 14:17

Nogami camacächishaj Egiptucuna rumi shonguno contra ricacunanpaj. Chaymi gamcuna aywashayquipa gatishunquipaj. Chaynöpami faraonta, llapan suldäruncunata carrëtancunatawan, muntädu suldäruncunatawan imanöpis rurashpä pï-maytapis noga musyachishaj munayniyoj cashäta.

Éxodo 14:4

Nogami camacächishaj faraón rumi shonguno contra ricacushpan guepayquita gatishushpayqui shamunanpaj. Chayno gatishuptiqui nogami suldäruncunata ushacächishaj. Chaynöpami musyachishaj munayniyoj cashäta. Chayrämi Egiptucunaga musyanga noga Tayta Dios cashäta.» Chaymi Israelcunaga Tayta Dios nishannölla cutiran.

Éxodo 19:22

Cüracunapis nogaman shamunanpäga purificacur limyuyächun. Man'chäga usharpis ushaycömanmi.»

Éxodo 19:24

Chayno niptinmi Tayta Dios niran: «Runacuna caycashanman cutircur Aaronta pushacurcur cutimunqui. Cüracunawan runacunaga amana päsamonganachu ricachishayqui señalpita mas janaman noga caycashä cajmanga. Päsamoj cajtaga usharpis ushaycömanmi.»

Éxodo 30:30

«Chay asëtita wiñapanqui Aaronta wamrancunata acrashä sirbimaj cüräcunana cananpaj.

Isaías 39:8

Chaura ray Ezequiasga Isaiasta niran: «Tayta Dios nishanta willamashayqui nogapäga allimi. Noga cawashäcamaga allillami goyäshaj. Pipis imatapis manami rimapämangachu» nir.

Isaías 49:3

Paymi nimaran: «Israel, gamga sirbimajnëmi canqui. Gampitami nogaga alabasha cashaj.»

Isaías 52:11

Chay Babiloniapita llojshicuyna-llapa. Ama yataychu imatapis ganrayächicoj cajtaga. Chaycho caycashayquipitaga llojshicuyna ari. ¡Tayta Diospa rispitädu cösancunata cutichejcunaga ganrayächicojcunata ama yataychu!

Ezequiel 20:41

Nasyuncunacho canan machicasha caycajta shuntaptë llapan runacunami musyanga noga alli car santo cashäta. Chayrämi insinsuta rupachishayquipa jömuyninpis shongöpäno canga.

Ezequiel 28:22

cayno ninqui: ‹Caynömi Tayta Dios nin: « ‹Sidón, nogami gampa contrayqui ricacö. Imano canayquipäpis nishä öra, santo cashäta musyacächishä öra, rejsicanga noga Tayta Dios cashä. Chauraga gampa ñaupayquichömi alabasha cashaj.

Ezequiel 38:16

Nircorga acrashä Israelcunata maganquipaj. Gam Gog, chay partipaga juntacuycunquipaj yana pucutaynörämi. Öra chayamuptinnaga camacächishaj acrashä partiman shamunayquipaj. Gamwan imanöpis rurachishäta ricar-raj waquin nasyun runacuna musyangapaj noga munayniyoj cashäta.

Ezequiel 40:46

Norte caj-läman ricaraycaj cuartoga caycan altarcho ima ruraychöpis aroj cüracunapämi. Chay caj cüracunaga Sadocpita mirar aywajmi. Paycunallami Leví trïbupita cäga yaycun Tayta Dios caycashanman chaycho sirbinanpaj.»

Ezequiel 42:13

Chay runa nimaran: «Norte cajcho caycaj cuartucunapis, sur cajcho caycaj cuartucunapis cüracunapämi caycan. Chaycunaga fiyupa rispitädumi caycan. Tayta Diosta sirbinanpaj yaycoj cüracunami chaychöga micun Diospaj goycushan mas rispitädu ofrendacunata. Chayman paycunaga churan rispitädu cananpaj goycushancunallatami. Chay cuartucunamanga churan: chaqui micuy ofrendacunata, juchapita sacrifisyuta, cutichina sacrifisyutapis.

Levítico 21:15

Chaynöpami paypita mirar aywajcunapis mana manacajman churasha cangachu. Chaynöga canga paycunata santo cananpaj noga acracusha captëmi.»

Levítico 21:17

«Aaronta willapanqui: Cananpitaga Aaronpita mirar aywajcuna sänu cajcunallami cüra canga. Paycunallami runacuna apamushanta nogapaj tantata churanga.

Levítico 21:21

Aaronpita mirar aywajcuna mana sänu cajcunaga altarcho nogapaj manami rupachinmanchu. Chay apamushancuna nogapaj captinmi sänu cajcunalla rupachenga.

Levítico 21:6

Chaypa ruquenga noga munashänölla rurar santo cawachun. Manacajman ama churamangachu. Cüracunami altarcho rupachin runacuna garamashancunatapis. Chaymi paycunaga munashäno santo cawachun.

Levítico 21:8

Paycuna santo cashanta tantiyacur Israel runacuna rispitachun. Chayno rispitanga noga Tayta Diosniquipaj apamushanta altarcho rupachej cashanpitami, noga Tayta Dios Santo cashäpitami, gamcunatapis santo cawanayquipaj churashäpitami.

Levítico 22:9

«Cüracunata willay mandamintöcunata llapanta cumlinanpaj. Mana cumlerga juchayoj ricacur wañongami. Noga Tayta Diosmi cüracunata acrashcä santo cananpaj.

Levítico 8:35

Chaymi gamcunaga Tincuna Toldu puncullacho goyäcunqui pagasta junajtapis ganchis junajcama. Mana wañunayquipaj Tayta Dios nishanta wiyacuy. Chayno ruranayquipämi Tayta Dios nimasha.»

Números 16:5

Nircur Corëtapis waquin runacunatapis niran: «Wara tutami Tayta Dios musyachimäshun pï paypa cashanta, pita acrashanta, pï ofrendancunata churananpaj cashanta. Pay quiquinmi nenga picuna ñaupanman witinanpäpis.

Números 20:12

Chaypitanami Tayta Diosga Aarontawan Moisesta niran: «Gamcunaga nishäta manami riguishcanquichu. Ni Israelcunapa ricay-ñawinchöpis manami wiyacamashcanquichu. Chaypitami cay runacunata aunishä partiman mana yaycunquipächu.»

Mateo 10:37

«Pimi papäninta mamanta nogapita mas cuyan, chayga manami allichu disïpulö cananpaj. Pimi cuyamashanpita mas cuyan wamrancunata, chayga manami allichu nogapa cananpaj.

Juan 12:28

Chayno nishpan Tayta Diosta mañacuran: «Papä, munayniyoj cashayquita musyaycachiy ari» nir. Niptin janaj syëlupita nimuran: «Munayniyoj cashätaga maynami musyachishcä. Yapaypis musyachishämi.»

Juan 14:13

Nogapa jutëcho Taytäta mañacushayquitaga nogami camacächishaj. Chaynöpami noga-raycu Tayta Dios rispitasha canga.

Deuteronomio 32:51

Gamga wauguiqui Aaronwan ishcaniquimi Israelcunapa ñaupancho mana wiyacamarayquichu. Chayno rurarayqui Zin jutiyoj chunyaj Meriba-cades yacu llojshimojchömi. Israelcunapa ñaupancho gamcunaga manami rispitamarayquichu.

2 Tesalonicenses 1:10

Jesucristuman yäracojcunami ichanga cushicushpan Taytanchi Jesucristuta adurangapaj. Chaynömi gamcunapis paypa ñaupanman chayar cushisha aduranquipaj. Chayno canga Jesucristupa alli willacuyninta willacushäta wiyacushayquipitami.

1 Pedro 4:17

Tayta Dios jusgananpaj caj timpu chayamushanami. Tayta Diosga payman yäracoj cajcunatami jusgayta gallaycusha. Diosman yäracojcunapis jusgasha caycaptenga ¿imanöraj canga Tayta Diospa alli willacuyninta mana chasquicojcuna?

1 Samuel 2:30

«Ñaupataga famillyayquicunata Tayta Diosninchi niran ‹Gammi, gampita mirajcunami imaypis sirbimanquipaj›. Cananga Tayta Dios yapay nin: ‹Cananpitaga manami jucha rurajcunata awantashächu. Chaypa ruquenga nogata rispitamaj cajtami yanapäshaj. Manacajman churamajcunatanami pengayman churashaj. Quiquëmi niycä.

1 Samuel 3:18

Chaura Samuelga Tayta Dios nishancunata llapanta willaran. Willaptin Elïga niran: «¡Imanöpis Tayta Dios yarpashanno rurachun ari! ¡Payga munayniyojmi!»

1 Samuel 6:20

Chaymi Bet-semes runacuna niran: «Manami pipis awantanchu santo Tayta Diospa ñaupanchöga. ¿Caypitaga mayllamanraj apaycachishwanpis?»