Jueces 4:14 - Tayta Diosninchi Isquirbichishan

¹⁴ Chaura Baracta Débora niran: «Juclla ayway. Canan junajmi Tayta Dios gampa munayniquiman Sisarataga cachayconga. Quiquin Tayta Diosmi aywanga suldäruyquicunapa ñaupantapis.» Baracga Tabor jircapita urämuran chunca waranga (10,000) suldäruncunawan.

Jueces 4:14 Iomraidhean Croise

Génesis 19:14

Chayno niptin Lotga aywaran mashan cananpaj caycajcunata willaj. Chayar paycunata niran: «Caypita juclla aywacushun. ¡Tayta Diosmi illgächej-aywan cay siudätaga!» Chayno niptin Lotpa mashan cananpaj caycajcunaga mana riguir asicuran.

Génesis 44:4

Aywacoj runacuna siudäpita manaraj caruta aywaptinmi Josëga sirbintinta cayno niran: «Ayway chay runacunapa guepanta. Tariparcur cayno ninqui: ‹¿Imanirtaj gamcunapaj alli caycaptëga mana allita rurashcanqui? ¿Imanirtaj guellay bäsuta suwacamushcanqui?

2 Samuel 5:24

mayanquipämi yöracunapa jananpa runa aywaycajtano. Chaura jinan öra pillyaj yaycunqui. Chayga canga musyanayquipämi. Nogaga gamcunapa ñaupayquitami aywashaj Filistea runacunata wañuchinäpaj».

Isaías 52:12

Ichanga manami apuräduchu llojshicunquipaj. Manami gueshpiypachu aywacunquipaj. Chaynöga canga gam Israelcunapa Tayta Diosniqui imapitapis chapäshuptiquimi.

Miqueas 2:13

Tayta Diosmi nänita ricachishushpayqui ñaupayquita aywangapaj. Gamcunanami guepanta aywanquipaj. Chayno aywarmi siudä puncunpa llojshinquipaj. Rayniqui Tayta Diosnami gamcunapa ñaupayquita aywangapaj.

Deuteronomio 9:3

«Chayno captinpis gamcunapa ñaupayquitami Tayta Dios aywanga. Paymi ricapaycaptiqui chay runacunata usharenga nina ushajnöpis. Chaynöpami aunishannölla yanapäshunquipaj paycunata binsir juclla ushajpaj wañuchinayquipaj.

Josué 10:8

Tayta Diosnami Josuëta niran: «Gamcuna ama manchacuychu. Nogami paycunataga munayniquiman churamushcä llapanta wañuchinayquipaj. Manami mayganpis ichipäshunquipächu.»

Josué 7:13

Cananga willapay llapan runacunata. Wara nogapa ñaupäman shamunanpaj purificacur limyuyächun. Israel runacunapa Tayta Diosninmi cayno në: ‹Ushajpaj illgächinayquipaj nishätami gamcunaga charicarcärishcanqui. Pacaraycächishayquita manaraj illgächir, manaraj jitarerga contrayquicunata manami binsinquipächu.›

Jueces 19:28

Chaura puñuycashanta yarpar «Ricchay. Aywacushunna» niran. Chayno niptinpis warmenga mana rimacurannachu. Chaura wañushata bürrunman cargacurcur wasinman apacuran.

Jueces 4:10

Baracga shuntaran Zabulontawan Neftalí trïbuta. Nircur acraran paypa munaynincho cananpaj chunca waranga (10,000) runacunata. Chay runacunawan aywaran. Deborapis iwal aywaran.

Jueces 7:9

Chay chacay Gedeonta Tayta Dios niran: «Canan öra ayway Madián runacunaman. Munayniquimanmi paycunata cachaycushaj.

1 Samuel 9:26

Chaura chay chacay Saulga chaycho puñuran. Warannin tuta Samuelga Saulta niran: «Cananga aywacuyna.» Niptin Saulga Samuelwan chaypita llojshiran.