Jueces 20:7 - Tayta Diosninchi Isquirbichishan

⁷ Cananga Israelcuna llapayqui yarpachacuy imano ruranayquipäpis.»

Jueces 20:7 Iomraidhean Croise

Proverbios 20:18

Imata rurananpäpis alliga camacan sumaj tapucuriptinrämi. Imano pillyananpäpis sumaj yarpachacurir-rämi guërrata ruran.

Proverbios 24:6

Guërra gallaycuptenga sumaj yarpachacuycurmi pillyayta gallaycun. Achcaj tantiyachejnincuna captinrämi guërrachöga binsin.

1 Corintios 5:1

Ermänucuna, noga mayashcämi gamcunacho juc runa märistanwan tiyaycashanta. Chayno tiyashanga fiyupa pengaypaj juchami. Jesucristuman mana yäracoj runacunapis chayno juchata ruraj runataga fiyupami jamurpan.

1 Corintios 5:6

Gamcuna alabacur mana allitami ruraycanqui. Chay runa allita ruraycashanta yarpar chasquiparga mana allitami ruraycanqui. ¿Manachu musyanqui «Wallca lebadürallami mäsata achcaman jacachin» nishanta?

Deuteronomio 4:6

Chayno caycaptenga yachachishäcunata mana gongaypa cumlinqui. Chayrämi ricashojcuna musyangapaj yarpaysapa cashayquita. Nishäcunata cumliptiquega paycuna nenga: ‹¡Cay runacunaga sumaj yarpaysapami!› nir.

Santiago 1:5

Tayta Diosninchi munashanno goyänayquipaj cashayquita mana tantiyarga mañacuy tantiyachishunayquipaj. Mañacuptiquega yanapäshunquipämi. Mañacoj cajtaga mana pengacachiypami yanapan.

Josué 9:14

Gabaón runacuna micunanpaj apamushanta ricar Israelcunaga riguiran. Ichanga Tayta Diosta mana tapucuranchu.

Jueces 19:30

Chayta ricäga llapanpis niran: «Egiptupita llojshimushanchïpita-pacha manami imaypis ricashcanchïchu caynötaga. Cayno rurashanpitaga sumaj yarpachacushun. Imano rurananchïpäpis juclla parlacushun.»

Jueces 20:8

Chaura llapan runacuna juc yarpaylla niran: «Mayganchïpis manami wasinchïman cutishunchu.