Jueces 16:13 - Tayta Diosninchi Isquirbichishan

¹³ Dalilaga Sansonta niran: «Rasun cajtaga manami willamanquichu. ¡Llullapaycämanquillami! ¿Imanöparätaj gamtaga watashunquiman?» Niptin Sansón niran: «Tilarcho caycaj awaman ganchis ajcha pilltäta miñiy. Nircorga sumaj tacanqui. Chaymi ichanga callpä mana canganachu. Chauraga cashaj lluta runallanami.» Dalilaga Sansonta fiyupa puñucäcachiran. Nircur ganchis ajcha pilltanta awarcuran.

Jueces 16:13 Iomraidhean Croise

Jueces 14:17

Warmenga Sansonta wagaparan waran-waran fista ushacänancama. Yaparir-yaparir tapuycaptillan fista ushanan ganchis junajchöga willaycuran ima ninan cashantapis. Willaycuptenga marca-masin mösucunata warmi willaycuran.

Jueces 16:10

Sansonta Dalila niran: «¡Llullapämashcanqui! Cananga rasun cajta willamay. Amana llullapämaynachu. ¿Imanöparätaj watarächishunquimanga?»

Jueces 16:12

Chaymi Dalilaga mushoj wascacunawan liyaran. Nircur gayacuran: «¡Sansón Filistea runacuna charishunqui!» Chay örapis Dalilaga runacunata pacaraycächiran. Sansonga jatarcur llanu jïlutanölla llapan wascacunata rachiriran.

Jueces 16:14

Painawan sumaj tacaran. Nircorga gayacuran: «¡Sansón, Filistea runacuna charishunqui!» nir. Niptin Sansonga puñuycashanpita jatarishancho tilarnintinta achuriycuran.