Jueces 14:2 - Tayta Diosninchi Isquirbichishan

² Wasinman cutiycur maman-taytanta niran: «Timnat marcachömi ricashcä Filistea jipashta. Chay jipashwan majachacänäpaj tapupämay.»

Jueces 14:2 Iomraidhean Croise

Génesis 21:21

Paycuna tiyaran chunyaj Parán jutiyoj particho. Jatunyaptinnami Ismaeltaga maman Agar majacharan Egipto warmiwan.

Génesis 34:4

Chaypita Shequemga papänin Hamorta cayno niran: «Chay jipashta ashipämay warmëpaj» nir.

Génesis 38:6

Judäga guechpa caj wamran Erta majacharan Tamar jutiyoj warmiwan.

2 Reyes 14:9

Chaura Joasga Amasiasman cutichiran: «Cardun jachashi Libanucho caycaj sedruta willachisha: ‹warmi wamrayquita wamräpa majanpaj entregay› nir. Niycaptinshi jirca animal päsar carduntaga lluchcariran.

Jeremías 29:6

Majachacay. Wamrayquicuna cachun warmipis ollgupis. Paycunapis jatunyar majachacächun. Paycunapapis wamrancuna cachun. Chayno goyashpayqui chaychöga aypallaman miray. Ama ushacaychu.

Jueces 14:1

Sansón juc junaj aywaran Timnat marcaman. Filistea jipashta ricar majanpaj munaran.

Jueces 14:3

Chaura maman-taytanga niran: «¿Imanirtaj munanqui Filistea nasyun jipashwan majachacayta? Paycunaga manami Tayta Diosman riguinchu. Warmita munaptiquega caycanmi castanchïcuna, Israel-masinchïcuna.» Chaura Sansón niran: «Chay jipashtami cuyä. Payta ashipämay majäpäga.»