Juan 8:32 - Tayta Diosninchi Isquirbichishan

³² Chaymi Tayta Diospita rasunpa cajta musyanquipaj. Chay rasunpa cäga jorgushunquipaj libri canayquipämi.»

Juan 8:32 Iomraidhean Croise

Salmos 119:45

Chayrämi goyäshaj mana yarpachacuypa. Nogaga willapämashayquicunatami cumlishcä.

Salmos 25:5

Yachachimay ricachimay rasun cajta. Gamllami canqui Salbamaj Tayta Diosnëga. Imay örapis gamllamanmi yäracaycämö.

Proverbios 1:23

Willapashäcunata sumaj wiyacuy-llapa. Chauraga nogami llapan yachashäta musyachishayqui. Yarpaynëcho caycajtaga llapantami yachachishayqui.

Proverbios 1:29

Gamcunaga yachayta manacajmanmi churaycanqui. Tayta Diosta rispitaytapis manami munanquichu.

Proverbios 4:18

Alli runacuna alli goyashanga caycan pacha warämur achicyajnömi.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Isaías 30:21

Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.

Isaías 35:8

Chunyaj chaqui jirca cashan chaupinpana näni caycangapaj. Chay nänipa jutinmi canga «Rispitädu näni». Juchanpita manaraj limyu cäga manami chaypa aywangapächu. Mana tantiyaj upacunaga manami chaypa aywangachu.

Isaías 54:13

Nogami yachachishaj llapan wamrayquicunata. Paycunaga llapanpis allimi goyangapaj.

Isaías 61:1

Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; llaquisha caycajcunata cushicachinäpämi; prësu caycajcunata librina cananpäna willapänäpämi; carsilcho wichgaraycajcunatapis jorgunäpämi;

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Levítico 25:41

Chaypita ichanga wasiquipita aywaconga wamrancunawan. Cuticonga castancunamanna, chacrancunamanna.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Mateo 11:29

Nogapa yügöta matancacuy. Nogaga cuyapäcoj, umildimi cä. Nogami yachachishayqui. Chaynöpami alli jamayta tarichishayqui.

Juan 1:14

Camacächej Palabraga runamanmi ticraran. Nircur nogacunawanmi cay pachacho goyaran. Paywan purirmi ricarä Tayta Diospa japallan wamran cashpan munayniyoj caycajta. Chaynöpami ricarä payga cuyapäcoj cashanta; rasun cajllata rimaj cashanta.

Juan 1:17

Musyashanchïnöpis laynincunataga Moiseswanmi Tayta Dios willacachiran. Fiyupa cuyapäcoj cayninta alli caynintami ichanga Jesucristuwanna tantiyachimashcanchi.

Juan 14:6

Chaura Jesús niran: «Nogami cä caminu. Nogami Diospita rasun cajta willacoj caycä. Nogami cawachicoj caycä. Chaymi nogaman mana yäracorga Taytäman mana chayangapächu.

Juan 16:13

Espíritu Santu shamurmi ichanga llapanta sumaj tantiyachishunquipaj. Payga manami quiquinpa yarpayllanpitachu tantiyachishunquipaj, chaypa ruquenga Tayta Dios willashancunallatami. Chaynöllami tantiyachishunquipaj ima päsananpaj cashantapis.

Juan 17:17

«Gam nishayquega rasun cajmi. Chaymi acrashayqui disïpulöcunata sumaj tantiyaycachiy munashayquinölla goyänanpaj.

Juan 6:45

Juc profëta isquirbishanchöpis niycan: ‹Tayta Diosmi llapan runacunata tantiyachenga› nir. Chaymi Tayta Dios tantiyachishanta alli chasquicoj cajlla nogatapis chasquicaman.

Juan 7:17

Tayta Dios munashanta rurayta munaj cäga tantiyacongami yachaycächishä Tayta Diospita cashanta u quiquinpa yarpayllanpita cashantapis.

Juan 8:36

Chaymi libri canayquipaj Diospa Wamran jorgushuptiquega manana uywaynachu canquipaj.

Romanos 6:22

Cananga jucha rurayta cachaycur Tayta Diosninchi munashallanta rurajnami yaycushcanqui. Chaypitami mana ushacaj cawaytana tarichishunquipaj.

Romanos 8:15

Tayta Diospa wamran caycarnaga manami payta manchacunchïnachu. Chaypa ruquin Espíritu Santu shuntacushan cajcuna mana manchacuypana «Papä» nir Tayta Diosninchïta mañacunchi.

Romanos 8:2

Cawachicoj Espíritu Santumi Jesucristuman yäracuptinchi jorgamashcanchi juchapa munayninpita y wañuypitapis.

1 Corintios 7:22

Uyway caycaptiqui Tayta Diosninchi acrasha-cashuptiqui librinami caycanqui Tayta Jesucristo munashanta ruranayquipaj. Libri caycajta Tayta Diosninchi acrasha-cashuptiquega Tayta Jesucristupa maquinchönami caycanqui pay munashanta ruranayquipaj.

Gálatas 5:1

Taytanchi Jesucristuman yäracuycarnaga manami laycunapa munayninchönachu caycanchi. Chayno caycaptenga chay laycunata cumlinayquipaj pipis obligashuptiqui ama cäsupaychu.

Gálatas 5:13

Ermänucuna, Tayta Diosninchi salbasha-cashunqui laycunapa munaynincho cashayquipita librina canayquipämi. Librina carpis ama yarpaychu juchata ruranayquipaj librina cashayquita. Juchata ruranayquipa ruquenga jucniqui-jucniquipis cuyanacur alli caway.

2 Timoteo 3:7

Chay warmicunaga pï yachachishantapis wiyaj-wiyajllami shuyaraycan. Ichanga manami imaypis Jesucristupa alli willacuyninta tantiyacunchu.

Santiago 1:25

Jesucristupa willacuyninta wiyar jucha rurashanchïcunata cacharirmi ichanga espëjucho ricacur cäranchïcho ganrata mayllacojno caycanchi. Chayno goyashaga Tayta Diosninchi imachöpis yanapämäshunmi.

Santiago 2:12

Chayno caycaptenga sumaj yarpachacunquiman pita imano ricanayquipäpis, imata ruranayquipäpis. Willacuynincho nishannöllami Tayta Diosninchëga fisyu junajcho jusgamäshunpaj.

1 Pedro 2:16

Chaymi gamcunaga unay cawayniquicunata cachaycur libri runacunanöna caway-llapa. Ichanga ama «librinami cä» nir llutancunata ruraychu. Chaypa ruquenga Diosninchïpa sirbejnincunano caway.

2 Juan 1:1

Tayta Dios acrashan warmi y wamrancuna: Noga mayur ermänumi cartata apaycächimö. Gamcunataga llapan shongöpami cuyä. Manami nogallachu cuyä, man'chäga Tayta Diospa willacuyninta chasquicojcunapis cuyashunquimi.