Juan 7:7 - Tayta Diosninchi Isquirbichishan

⁷ Gamcunataga runacuna manami chiquishunquichu. Nogatami ichanga chiquiman juchayoj cashanta niptë.

Juan 7:7 Iomraidhean Croise

1 Reyes 21:20

Eliasta Acab niran: «Conträ, tariycamanqui ¿au?» Chaura Eliasga niran: «Au tarishcämi. Tayta Diosta mana wiyacur gamga fiyupa mana allicunallatami ruraycanqui.

1 Reyes 22:8

Chaura Israelpa raynenga Josafat-ta niran: «Mas juc caycanrämi. Paywanpis Tayta Diosta tapucushwanmi. Payga Imlapa wamran Micaiasmi. Payga imaypis mana allillatami willaman. Chaypitami chiquë.» Chaura Josafat niran: «Ama chaynöga niychu.»

Salmos 109:5

Allita rurashäpitami mana alliwan cutichimasha. Cuyashäpitami chiquircaycäman.

Proverbios 15:12

Mana rispitacojcunaga pï piñacuptinpis manami wiyacunchu. Yachajcunawan goturpaytapis manami munanchu.

Proverbios 8:36

Nogata mana yarpämajcunami ichanga quiquillan mana allita ruracuycan. Chiquimajcunaga quiquincunami wañuyta ashiycan.»

Isaías 29:21

Ushacanganami manacajpita jitapajcunapis, dimanduta arriglaj juezcunata mana alliman chayachejcunapis. Manami canganachu alli runata lebantashpan jitapajcunapis.

Isaías 49:7

Israelcunapa Salbacoj Santo Tayta Diosninmi sirbejninta nin: «Gamga juc nasyun runacunapita chiquishami, manacajman churashami cashcanqui. Fiyu mandajcunapa uywayninmi cashcanqui. Cananpitami ichanga raycunapis waquin mandajcunapis ñaupayquiman gongurpaconga. Chaynöga canga Israelcunapa Santo Tayta Diosniqui gamta acrasha captëmi, aunishäta cumlej captëmi.»

Jeremías 20:8

Imaypis nogaga willapä, «Fiyupa ñacaycunami canga. Llapanmi ushacanga» nillarmi. Gam willamashayquita willapaptëmi runacunaga tucuyta gayapäman, manacajman churaman.

Levítico 13:10

Cüranami imano cashantapis ricanga. Garan jacashpan yur'gacäcuptin, ajchanpis yur'gacäcuptin, gueri chaupincho llullu aychana ricacaptenga

Zacarías 11:8

Chaypita juc quillallachömi jitarirä quimsaj uyshërucunata. Paycunaga fiyupana rabyachimaran; quiquincunapis chiquicarcäramaran.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Lucas 6:26

«Ay imanöraj canqui llapan runacunapita alabasha caycajcuna. Gamcunanöllami unay caj awiluyquicunapis llutan yachachicojcunata alabaj.

Juan 17:14

«Paycunataga alli willacuyniquita maynami willapashcä. Chaymi waquin runacunaga paycunata chiquicarcärisha, chay runacunano mana captin. Nogapis manami mana riguej runacunanöchu cä.

Juan 3:19

Juchasapa cäga castigashami canga. Paycunaga achqui chayamusha caycaptinpis juchallancho cawayta munaywan chacajllacho cacuyta munasha.

Romanos 8:7

Juchata rurajcunaga shongun munashallanta ashir Tayta Diosninchïpa contranmi carcaycan. Paycunaga laycuna nishanta wiyacuyta manami munanchu, ni camäpacunpischu.

Gálatas 4:16

Cananga ¿rasun cajta nishäpitachu nogapa conträ ricacushcanqui?

Santiago 4:4

¡Diosta mana wiyacoj runacuna! Mana allicunata ruraycarga ¿imanirtaj yarpanqui Tayta Dios munashanno goyaycashayquita? Mana allicunata rurarga Tayta Diosninchïtami chiquircaycanqui.

1 Juan 4:5

Paycunaga juchasapallami. Chaymi juchallata rimaptin juchasapa-masincuna wiyan.