Juan 7:37 - Tayta Diosninchi Isquirbichishan

³⁷ Ramäda fista ushanan junajmi jatun diya caran. Chay junajmi llapan wiyananpaj sinchipa Jesús cayno niran: «Pipis yacunaycaj cäga nogaman shamuchun. Nircur upuchun.

Juan 7:37 Iomraidhean Croise

Nehemías 8:18

Diosta rispitashpan fistata ganchis junaj ruraran. Esdrasnami waran-waran liguiparan Tayta Diospa layninta gallaycunan junajpita ushanancama. Pusaj junaj cajchöna jatun diya captin rispëtuwan shuntacaran laycho niycashanno.

Salmos 143:6

Gam cajmanmi macyaraycämö. Gamtaga shuyaraycä chaqui allpa yacunaycajnömi. Selah

Salmos 42:2

Imaycamapis cawachicoj Tayta Diostami yacunaycajno ashiycä. ¿Imayraj cutishaj Tayta Diosta aduranäpaj?

Salmos 63:1

¡Tayta Dios, gammi canqui Diosnë! Gamtami fiyupa ashiycä. Gamwan iwal caytami munä. Gampa buluntäniquitami llapan shongöpa rurayta munä. Gamwan caytaga munaycä chaqui jirca yacuta munaycajnörämi.

Proverbios 1:20

Yachayga willacoj warminöpis cällicunachömi, läsacunachömi sinchipa gayacuycan.

Proverbios 8:1

Yachayga willacoj warminömi gayacuyparaj willacuycan. Tantiyaypis llapan wiyanantami munan.

Proverbios 8:17

Cuyamajcunata nogaga cuyämi. Ashimajcunapis yachacunmi.

Proverbios 8:3

Marcaman yaycuna puncucunacho gayacuycan:

Proverbios 9:3

Nircur warmi uywaynincunata cachasha gayacunanpaj. Chaura altunninman wichaycur gayacusha shuntacämunanpaj

Cantares 5:1

Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Isaías 12:3

Gamcunapis cushicushpayqui aywanquipaj salbasyunta tarichicoj pashtaj yacuta upoj.

Isaías 40:2

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»

Isaías 40:6

«Sinchipa gayacuy» nimashantami wiyashcä. Chaura nogaga tapushcä: «¿Ima nirtaj gayacushaj?» nir. Chaymi nimaran: «Gayacuy llapan runacuna llullu guewanölla caycashanta; alli cawashanpis waytanölla caycashanta.

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Isaías 55:1

Tayta Dios cayno nin: «Llapayqui yacunaycajcunaga yacuta upunayquipaj shamuy. Rïguta rantinayquipaj guellayta mana tarejcunaga dibaldi micunayquipaj shamuy. Bïnutapis lëchitapis mana pägayllapa tarinayquipaj shamuy.

Isaías 55:3

Noga cajman shamuy. Nircorga willapashäta wiyacuy. Nishäcunata wiyamay. Chauraga cawanquipämi. Gamcunawanmi conträtuta rurashun imaycamapis alli goyänanchïpaj. Chaynöpami ray Davidta cuyar aunishäta cumlishaj.

Isaías 58:1

Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 2:2

Jerusalenman aywanäpaj, chaycho tiyajcunata noga willapänäpaj. Caynömi Tayta Dios nin: «Nogaga yarpaycämi ñaupa wichan Nogallata wiyacamar cawashayquita. Chayraj majachacasha jipashnömi cuyamarayqui. Micuy mana wayunan chunyaj chaqui jircapapis gatirämarayquimi.

Ezequiel 47:9

Maymanpis cay yacu chayashan cajchöga tucuy-niraj animalcunami cawanga. Chaynömi aypalla pescäducunapis canga. Cay mayu yacuga ashgaj yacucunata mishquej yacumanmi ticrarachenga. Chauraga llapanmi imapis yacuwan cawaj cäga cangana.

Levítico 23:36

Ganchis junaj fistata rurashpayqui cada junaj rupachiypa ofrendata garamanqui. Pusaj junaj cajchöpis rispëtuwan shuntacanqui. Chay junajpis nogata garamar ofrendata rupachinqui. Fista captinmi ama arunquichu.

Levítico 23:39

«Ganchis quillacho chunca pichga junajnincho cosëchata shuntaycur rispitamashpayqui fistata ruranqui ganchis junajmi. Gallarinan junajpis ushanan junaj waranninpis jamanqui.

Miqueas 6:9

Tayta Diosga Jerusalén siudächömi gayaraycan. Payga cayno nin: «Siudächo caycajcuna llapayqui wiyay. Tantiyachejcunapis wiyay.

Zacarías 9:15

Acrashan runacunataga munayniyoj Tayta Dios chapangami. Chaura paycunami lluchcargärengapaj contrancuna waracashan rumicunatapis. Binsiycur paycunaga bïnuta upyajnömi cushiconga. Altarman wiñananpaj tasunman yawarta juntachishannörämi cöpancunamanpis bïnuta wiñanga.

Números 29:35

«Pusaj caj junajcho ichanga jatun diya captin llapayqui shuntacanqui. Ama arunquichu.

Mateo 11:28

«Lasaj yüguta apar ñacaycajcuna yüguyquita cachaycuyna. Nogamanna shamuy. Nogaman shamuptiquega jamaytami tarichishayqui.

Mateo 3:3

Juanpämi Diosninchïpa unay profëtan Isaías cayno willacuran: «Chunyajchömi gayacuypa willacuycan: ‹Tayta Diosninchi shamunanpaj nänita allchay. Diosninchi shamunanpaj chunyajpa nänita dirichay› nir.»

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Juan 1:23

Chaura Juanga profëta Isaías nishannömi niran: «Nogaga cä chunyajcho runacunata sinchipa cayno willapajmi: ‹Tayta Diosninchi shamunanpaj nänita allchay.› »

Juan 14:6

Chaura Jesús niran: «Nogami cä caminu. Nogami Diospita rasun cajta willacoj caycä. Nogami cawachicoj caycä. Chaymi nogaman mana yäracorga Taytäman mana chayangapächu.

Juan 4:10

Chaura Jesús niran: «Gamchush musyanquiman Tayta Dios allita tarichishunayquipaj cajta y pï yacuta mañacuycäshushayquitapis; chauraga gampis yacuta mañacamanquimanmi. Mañacamaptiquega imaycamapis cawachicoj yacutami tarichëman.»

Juan 4:11

Chayno niptin warmi niran: «Yacuga pösucho rurichörämi caycan. Gampaga manami imayquipis canchu jorgamunayquipaj. ¿Maypitataj chay cawachicoj yacuta jorgapämanquiman?

Juan 4:14

Noga tarichishä yacuta upoj cäga mananami imaypis yacunanganachu. Noga tarichishä yacuga quiquin runachömi pucyuno canga. Chaymi chay yacuga canga imaycamapis cawachicoj yacu.»

Juan 5:40

Willacushanta tantiyaycarpis chay cawayta tarinayquipäga manami nogata chasquicamanquichu.

Juan 6:35

Chaymi Jesús niran: «Nogami cä cawachicoj tantaga. Nogaman yäracamoj cäga manami imaypis yargangachu; nogaman riguej cäga imaypis manami yacunangachu.

Juan 6:37

Taytä acrashan cäga nogamanmi shamonga. Nogaman shamoj cajtaga manami gargushächu.

Juan 6:55

Nogapa cuerpöga rasun caj micuymi, yawarnëpis rasun caj upunami.

Juan 7:28

Jesusga Templupa sawannincho yachaycächishancho wiyaran chayno parlarcaycajta. Chaymi sinchipa niran: «Achyä, gamcunaga rejsimanquichari; maypita cashätapis musyanquichari. Ichanga noga manami quiquëpa munaylläpitachu shamushcä. Chaypa ruquenga Tayta Dios cachamaptinmi shamushcä. Paytaga gamcuna manami rejsinquichu.

1 Corintios 10:21

Gamcunaga Santa Sënata upurcur ama upunquimanchu dyablucunata adurar churashan bïnutapis. Chaynöpis Santa Sënacho tantata micuycarga ama micunquimanchu dyablucunata adurar churashan micuytapis.

1 Corintios 10:4

Yacutapis Tayta Diosninchi camaripashallantami upuran. Tayta Dios camarishan gagapitami yacuta upuran. Chay gagaga caran Jesucristumi. Payga Israelcuna aywashanpami aywaycaran.

1 Corintios 11:25

Micuyta usharcurnami bïnuyoj cöpata aptarcur niran: «Cay bïnuwanmi mushoj conträtuta ruraycanchi. Yawarnëwanmi chay conträtu cumlicanga. Chaymi bïnuta uporga imaypis yarpanqui gamcuna-raycu wañushäta.»

1 Corintios 12:13

Bautisacojnömi Espíritu Santuta chasquishcanchi juc cuerpunölla cananchïpaj. Chaymi Jesucristupa cuerpun caycanchi Israel carpis o mana Israel carpis, uyway carpis o mana uyway carpis. Cada ünunchïtapis Tayta Diosga chay Espíritu Santullatami gomashcanchi.

Efesios 5:18

Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.

Apocalipsis 21:6

Chaypita yapay nimuran: «Llapanpis cumlishanami. Nogaga gallaycunanpita ushanancamami caycä. Yacunajcunataga dibaldillami cawachicoj yacuta upuchishaj.

Apocalipsis 22:1

Chaypitanami anjil ricachimaran imaycamapis cawachicoj chuya mayuta. Chay yacuga llojshiycämuran Tayta Dios y Cashni uysha jamaraycashan sillun rurinpitami.

Apocalipsis 22:17

Espíritu Santupis Jesucristuta chasquicojcunapis «¡Juclla cutimuyna tayta!» niycan. Cay librucho isquirbiraycajcunata liguimushanta wiyajcunapis «Cutimuyna tayta» nichun. Yacunajcunaga shamuchun. Munajcunaga dibaldilla upuchun imaycamapis cawachicoj yacuta.