Juan 4:20 - Tayta Diosninchi Isquirbichishan

²⁰ Nogacunapa unay caj famillyäcunaga tagay puntachörämi Tayta Diosta aduraj. Israel runacunaga ‹Jerusalenllachömi Tayta Diosta aduranchi› nircaycanqui.»

Juan 4:20 Iomraidhean Croise

1 Reyes 9:3

Nircur niran: «Wiyashcämi llapan mañacamashayquita. Imaycamapis tiyanäpaj rurachipämashayqui Templutapis chasquishcämi. Chaymi mana gongaypa ricaycäshaj.

1 Crónicas 21:26

Nircur chaychömi Tayta Diospaj altarta ruraran. Chaychömi rupachina sacrifisyucunata y alli goyaypita sacrifisyucunata rupachiran. Nircur Tayta Diosta mañacuran. Chaura Tayta Diosna alli chasquir syëlupita ninata altarman cachamuran.

1 Crónicas 22:1

Chaymi David niran: «Caychömi arucanga Tayta Diospa Templun, Israelcuna imatapis Tayta Diospaj rupachinan altarpis.»

2 Crónicas 6:6

Jerusalentami ichanga acrashcä goyänäpaj. Davidtami acrashä Israelcunata mandananpaj.›

2 Crónicas 7:12

Tayta Dios chacaypa yuriparcur niran: «Wiyashcämi mañacamashayquita. Cay Templutapis acrashcämi uywacunata pishtapämänayquipaj.

2 Crónicas 7:16

Cay Templutami imaycamapis tiyanäpaj acrashcä. Chaymi mana gongaypa ricaycäshaj.

Salmos 132:13

Tayta Diosmi acrasha Sión lömataga. Chaycho tiyananpämi acrasha.

Salmos 78:68

Chaypa ruquenga Judäpita miraj cajtawan cuyashan Sión lömatanami acraran.

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Lucas 9:53

Chaura chay marcacho tiyaj runacunaga chasquicuyta mana munaranchu Jerusalenman aywaycashanta musyar.

Juan 4:12

Unay awilunchi Jacobmi cay pösuta uchcuchiran. Paymi nogacunataga cachapämasha. Quiquinpis wamrancunapis uywancunapis cay pösullapitami yacuta upuran. ¿Gamrächuraj payman tincunquiman?»

Deuteronomio 11:29

«Canaán nasyunman yaycunayquipaj Tayta Dios yanapäshuptiqui Gerizim puntaman wicharcur sinchi nimunqui Tayta Diosta wiyacur bindisyunninta goshunayquipaj cashanta. Ebal puntamanna wicharcur sinchi nimunqui Tayta Diosta mana wiyacuptiqui maldisyunasha canayquipaj cashanta.

Deuteronomio 27:12

«Jordán mayuta llapaniqui chimparcäriptiquega Simeón trïbu, Leví trïbu, Judá trïbu, Isacar trïbu, José trïbu, Benjamín trïbu runacuna Gerizim jircaman wichanga. Chaypitanami nimonga Israelcuna Diosta wiyacur bindisyunta chasquinanpaj cashanta.