Juan 16:21 - Tayta Diosninchi Isquirbichishan

²¹ Musyanchïmi nanay chariptin warmicuna llaquicushanta. Wamran yuriptinnami ichanga cushicur mana yarpannachu nanaywan gueshyacushantapis.

Juan 16:21 Iomraidhean Croise

Génesis 3:16

Nircur warmitana niran: «Gueshyaj ricacur amatarmi ñacanquipaj. Fiyupa nanaywanrämi gueshyacunquipäpis. Runayquiwanga iwal goyaytami amatar munanquipaj. Paypa munayninchöna canquipäpis.»

Job 11:16

Imano ñacashayquitapis gongaycunquipänami. Yacu päsacushannömi llapan yarpachacushayquipis cangapaj.

Salmos 113:9

Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Isaías 13:8

Fiyupa mancharishami ricacongapaj. Fiyupa llaquicuymi charengapaj. Cuerpuncunapis fiyupami nanacuycongapaj. Chauraga warmi nanaycho caycajnörämi milluycachangapis. Jucninpis-jucninpis mancharishami ricapänacongapaj. Pengacuyllawan cärancunapis pucayacäcongapaj.

Isaías 21:3

Babiloniata Tayta Dios imanöpis castigananpaj cashanta musyarmi cuerpöcunapis manchariywan shiririn. Gueshyacunanpaj warmi nanaycho caycajnörämi nanächicuycäpis. Wiyashäga fiyupami llaquicaycächiman. Ricashäcunapis fiyupami manchariycächiman.

Isaías 66:7

«Gueshyacunanpaj manaräpis nanay chariptinmi ollgu wamrata illajpita gueshyacurisha.

Miqueas 4:10

Sión siudächo tiyajcuna, nanaywan guempuycachay. Nanaycho caycaj warminöpis gaparay ari. Gamcunaga cay siudäpita aywacunquipämi. Chunyaj jircacunachömi tiyanquipaj. Babilonia nasyunmanmi prësu apashunquipaj. Chaypitanami Tayta Diosga salbashunquipaj contrayquipa munayninpita.

Miqueas 4:9

Cananga ¿imanirtaj nanay chariptin warmi gaparajno gaparanqui? ¿Manachu rayniqui can? U ¿tantiyachishojniquichu wañusha?

Gálatas 4:27

Tayta Diosninchïpa palabranpis nin: «Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Chaynöga cushicuy runan cachaycusha warmi runayoj warmipita mas wawata tarishanpita.»

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.