Jonás 4:11 - Tayta Diosninchi Isquirbichishan

¹¹ Chay manacaj calabäsallapaj llaquicurpis Ninivecho tiyajcunataga manami llaquipashcanquichu. Chay siudächöga caycan pachac ishcay chuncan waranga (120,000) runacunami. Paycunaga manami musyanchu alli mana alli cashantapis. Uywacunapis aypallami caycan. Chayno caycaptenga ¿manachu nogapis cuyapäman?» nir.

Jonás 4:11 Iomraidhean Croise

Génesis 9:10

Büquipita llapan casta llojshej animalcunawanpis conträtutami rurashun. Conträtuta rurashanchëga canga llapan casta äbicunapaj, uywana caj animalcunapaj, chucaru caj animalcunapaj, mundu intërucho caj animalcunapäpis.

Salmos 104:14

Uywacuna micunanpaj guewapis wiñamun. Runa murushancunatapis wiñachimunqui allpa wayuchiptin runa micunanpaj.

Salmos 36:6

Alli arriglaj cashayquega altunnin puntacunanömi. Imano cananpaj nishayquipis jatun lamarno rurimi. Tayta Dios, gammi ricaycanqui runacunata, animalcunatapis.

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Isaías 37:37

Chaura Asiriapa raynin Senaqueribga tolduncunata shuntacurcur cuticuran Nínive siudäman.

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.

Jonás 1:2

«Ayway jatun Nínive siudäman. Chaycho willapanqui paycuna fiyupa mana allita ruraycashanpita chay siudäta illgächinäpaj caycashäta.»

Jonás 3:10

Tayta Dios ricaran Ninivecho tiyajcuna arpinticushanta. Chaynöpami illgächinanpaj caycashancho manana illgächirannachu.

Jonás 4:10

Chaura Tayta Dios yapay niran: «Gamga manami arushcanquichu, ni ñacashcanquipischu chay calabäsa wiñamunanpäga. Chay calabäsaga quiquillanmi juc chacay wiñacamusha. Warannin cajchöna chaquicäcusha. Chaypis chay calabäsapaj gamga fiyupa llaquicushcanqui.

Mateo 18:33

Gampis uyway-masiquita cuyapanquiman caran gamta cuyapashäno.›

Deuteronomio 1:39

«Chiquimajninchïcunami warminchïta, wamranchïcunata guechumäshun» nir Israelcuna wamrancunapaj yarpashanrämi chay nasyunmanga yaycongapis. Paycunatami duyñun cananpaj goycushaj.