Jonás 1:3 - Tayta Diosninchi Isquirbichishan

³ Ichanga Tayta Dios mandashanta rurayta mana munar Jonasga gueshpir aywacuran lamar cantuncho caycaj Jope siudäman. Chaychöna juc büquita tariran Tarsis siudäman llojshinanpaj caycajta. Chaura chayman aywacunanpaj pasäjinta pägaran. Nircur Tarsismanna büquiwan aywacuran.

Jonás 1:3 Iomraidhean Croise

Génesis 3:8

Chay tardi inti päsariptin, llantullata wertacho Tayta Dios puriycaran. Chayta mayar runaga warminwan pacacaycäriran yöracunapa wajtanman.

Génesis 4:16

Chaynömi Cainga Tayta Dioswan parlaycashanpita aywacuran «Nod» nishan partiman. Chayga caycaran Edenman inti yagamunan caj-lächo.

1 Reyes 19:3

Chaura Eliasga wañuchinanpaj caycashanta musyaycur gueshpir aywacuran Judá particho caycaj Beersebaman. Chaychöna uywayninta cachaycuran.

1 Reyes 19:9

Chayaycur machayman yaycuycur puñuran. Chaychöna Tayta Dios gayarcur niran: «Elías, ¿imatataj caycho ruraycanqui?»

2 Crónicas 2:15

Tayta, gamga apachimuy ari ‹apachimushaj› nishayqui rïguta, sebädata, bïnuta, asëtita.

2 Crónicas 2:16

Aycatapis munashayquitami nogacunaga Libanupita sedru guerucunata jorgachimushaj. Nircurnami lamarpa balsawan apamushaj Jopecama. Gamnami imanöpis apachicunqui Jerusalenmanga.»

2 Crónicas 9:21

Raypa büquincunataga Tarsisman apaj Hiram mandashan runacuna. Chay büquicunaga cada quimsa watacho juc cutilla chayamoj. Apamoj gorita, guellayta, marfilta, mönucunata, päbu riyalcunata.

Esdras 3:7

Chaypita albañilcunata carpintërucunataga guellayninpa pägaran. Tiro runacunatawan Sidón runacunatanami pägaran micuyta, asëtita, bïnuta. Chaura paycunaga Libanupita lamarpa Jopecama sedru guerucunata apapämuran Persiapa raynin Ciro nishanno.

Job 1:12

Chaura Tayta Diosga Satanasta niran: «Mä gam yarpashayquino ruray. Munayniquimanmi cachaycö Jobpa llapan ima-aycantapis. Quiquin Jobta ichanga ama imatapis ruranquichu.» Chayno niptin Satanasga Tayta Dios cajpita aywacuran.

Job 2:7

Chayno niptin Satanasga Tayta Dios cajpita aywacuran. Nircur Jobta gueshyachiran manchariypaj gueriwan. Gueripäcuran chaqui-puntapita umancama.

Salmos 107:23

Paycuna waquenga büquicunata rantiran. Nircur chaycunawan juc-lä nasyuncunacho nigusyuta aruran.

Isaías 2:16

Tarsispita shamoj büquicunata, cuyayllapaj büquicunatapis Tayta Diosga illgächengami.

Isaías 23:1

Tiro imano cananpäpis Tayta Dios ribilashanta Isaías cayno willacuran: Büquita manijaj Tarsis runacunaga llaquishami carcaycan. Chipripitami willapa chayasha «Tiro siudätami juchuchisha» nir. «Lamar cantunman büqui chayanantami illgächisha» nir.

Isaías 23:10

Tarsis runacuna cananga Nilo mayu chayar mashtacashanno juc-läman juc-läman mashtacäcuy. Lamar cantuncho büquicuna jamanan manami cannachu.

Isaías 23:6

Lamar cantuncho tiyaj runacuna, Tarsisman aywacuy-llapa; fiyupa wagay-llapa.

Isaías 60:9

Chaycunaga shuntacasha aywarcaycämoj büquicunami. Ñaupa puntantanami Tarsis büquicuna aywaycämun. Chay büquicunaga wamrayquicunatami gorintawan guellaynintawan-cama fiyupa carupita apaycämun. Paycunaga aywaycämun Jerusalencho fiyupa almiraypajcunata rurashäpita aduramänanpämi. Nogaga Israelcunapa Santo Tayta Diosninmi caycä.

Jeremías 10:9

Paycunapa ïduluncunaga caycan Tarsispita apamushan guellaywan chapyashallami, Ufazpita apamushan goriwan chapyashallami. Chay ïdulucunataga llagllay yachajcunallami, ruray yachajcunallami rurasha. Murädupitawan puca tëlapita jirasha röpacunata jatiraycan. Chay ïdulucunaga llapanpis caycan yachaj runa rurashallanmi.

Ezequiel 2:8

Runa, gamga noga niycashäta sumaj wiyamay. Ama caychu paycunano mana wiyacöga. Cananga äyay. Cay amupaycashäta micucurcuy» nir.

Ezequiel 27:12

Gampaga ima-aycayquipis fiyupa aypallami caran. Chaymi Tarsispita shamojcunapis gampita rantej. Imatapis goshayquipitana paycuna pägashoj-cashunqui guellayta, fyërruta, estañota, plömuta.

Ezequiel 3:14

Tayta Diospa Espiritun jogarimar chaypita apacamaran. Noganami aywacurä fiyupa llaquisha, rabyasha. Ichanga Tayta Diosmi sumaj charisha apaycämaran.

Jonás 1:10

Chayno willashpan Jonasga büquicho arojcunata willaran Tayta Diospita gueshpiycashanta. Chayno willaptin lamar yacu pullchajyar masta mastana büquita tallpuchiyta munaptin büquicho arojcunaga fiyupa manchariran. Chauraga Jonasta tapuran: «¿Imanirtaj chayno gueshpicuycanqui? ¿Imatataj gamta ruräcunaman lamar gocha pullchajyaynin chawänanpaj?» nir.

Jonás 4:2

Chaymi Tayta Diosta mañacushpan niran: «Tayta Dios, willacoj aywanäpaj wasëcho caycajta gayamaptiqui nogaga maynami musyarä cuyapäcoj cashayquita. Chaypitami Tarsisman aywacuyta munarä. Nogaga musyämi gam fiyupa cuyapäcoj alli cashayquita, jucllaga rabyayta mana yachashayquita. Chaymi castiganayquipaj willacarcachirpis cuyapanqui.

Lucas 9:62

Chaymi Jesús niran: «Pipis guepapa ricacusha yapyaj cäga mana allimi yapyan. Ñaupata cawashanno cawayta munajcunaga manami disïpulö canmanchu.»

Hechos 15:38

Pablo ichanga mana munaranchu ñaupatapis Panfiliapita cuticamur willacoj mana aywäshishanpita.

Hechos 26:19

«Chayno niycämaptenga ¿imanirtaj mana cumlëmanchu Tayta Agripa?

Hechos 9:36

Chay wichanmi Jope marcacho Jesusman yäracoj warmi tiyaran. Paypa jutin caran Tabita, griego rimaychöna «Dorcas». Dorcasga amatar alli warmi cashpanmi pishïpacojcunata yanapaj.

Hechos 9:38

Chaura Pedro Lida marcacho caycashanta mayar ishcaj runacunata cacharan. Chay marcaga Jopepita sercallachömi caycaran. Chayaycur Pedruta ruwaran «Tayta, juclla Jopeman aywayculläshun» nir.

Hechos 9:42

Chaytaga Jope marcacho tiyajcuna llapanmi mayaran. Chaynöpami achcajna Tayta Jesusman yäracuran.

Hechos 9:43

Pedroga suyla ruraj Simonpa wasincho achca junajmi goyaran.

1 Corintios 9:16

Nogaga willacuycä manami alli-tucunäpächu. Alli willacuyninta willacunäpaj Tayta Diosninchi acramasha captinmi willacuycä. Imaraj päsamanman alli willacuyta mana willacuptëga.

2 Tesalonicenses 1:9

Paycunaga munayniyoj Tayta Diospa ñaupanman manami chayangapächu. Chaypa ruquenga infiernuchömi imaycamapis ñacangapaj.

Josué 19:46

Mejarcón, Racón. Paycunapämi caran Jope siudäpa lädun particunapis.