Joel 3:9 - Tayta Diosninchi Isquirbichishan

⁹ «¡Nasyuncuna, wiyay-llapa! ¡Guërrapaj camaricuyna-llapa! ¡Jinyu suldärucunata shuntay-llapa! ¡Pillyajcunaga shuntacarcur aywachunna!

Joel 3:9 Iomraidhean Croise

Salmos 96:10

Nasyuncunacho tiyajcunata «Tayta Diosmi Rayga» niy. Paymi cay mundutapis sumaj tacyachisha mana cuyunanpaj. Paymi llapan runacunatapis iwalninchïta mandamanchi.

Isaías 34:1

Llapaniqui shamuy wiyanayquipaj. Tantiyanayquipaj sumaj wiyay marcacuna, nasyuncuna. Wiyachun cay pachapis, cay pachacho cajcunapis. Wiyachun mundu intërupis, munducho llapan cajcunapis.

Jeremías 31:10

Nasyuncunata Tayta Dios nin: «Noga imata nishätapis wiyay. Nircur lamar cantunpa carucho tiyajcunata willapay. Willapar ninqui: ‹Israel runacunataga Diosmi intëruman mashtacächiran. Cananga shuntaycushpannami ricanga uyshëru uyshancunata ricashanno.›

Jeremías 50:2

«Nasyuncunaman willacuy. Llapanta musyachiy. Señalpaj bandërata churay. Willapashätaga juctapis mana gongaypa willacuy. Cayno niy: ‹Babiloniataga maynami charisha. Bel diospis pengaychömi caycan. Marduc diosga fiyupa mancharishami caycan. Ïduluncunaga, manacaj diosnincunaga pengaychömi, mancharishami carcaycan.›

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:27

«¡Nasyuncunacho bandëracunata awiy Babiloniaman pillyaj yaycunanpaj! ¡Trompëtata tucashpayqui nasyuncunacho tiyajcunata ushajpaj camaricachiy! ¡Babiloniaman pillyaj aywananpaj shacyächiy Araratcho, Minicho, Askenazcho caycaj raycunata! ¡Pillyacho mandananpaj juc capitanta churay! Muntädu aywaycajcunata gaycuy aypalla chüpacacuna aywaycajtanöraj.

Jeremías 6:4

Chay contrancunaga nin: «¡Sumaj camaricuy Jerusalén runacunawan pillyanapaj! ¡Llapaniqui shamuy pullan junaj yaycapaycärinapaj! Ichanga inti yagaycannami. Llantuycunapis ñitiycämunnami.

Ezequiel 38:17

« ‹Noga Tayta Diosmi në: Gampämi noga nirä unay, Israelcho sirbimaj profëtacunawan willacachishpä. Chay wichan paycuna willacuran Israelcunata maganayquipaj noga aywachinäpaj cashantami.›

Ezequiel 38:7

« ‹Gamcunaga sumaj camaricuy. Gog, llapanmi gampa munaynillayquicho aywanga. Llapan suldärucunapis gamwan caycajcunaga camaricuchunna.

Miqueas 3:5

Chayno caj profëtacunata Tayta Diosga nin: «Israelcunaga manami alli cajta ruranchu. Chaynöga caycan profëtacuna llullapaptinmi. Chay profëtacunaga pipis micuyta garaycoj cajta ‹allillami goyanquipaj› nin. Micuyta mana garaj cajtanami ichanga ‹Mana allimi goyanquipaj› nin.

Hageo 2:7

Llapan nasyuncunatapis cuyurachishaj. Chauraga ima-aycanpis caymannami chayamongapaj. Chaynöpami Templöchöga ima-ayca bälejcunapis junta caycanga. Noga munayniyoj Tayta Diosmi chayno në.

Zacarías 14:2

Chaypäga Tayta Diosmi shuntamongapaj llapan nasyuncunata Jerusalencho tiyajcunawan pillyananpaj. Nircorga contrancunami siudächöga tiyacaycärenga. Wasicunapita ima-aycantapis apaconga. Warmicunatana bigulanga. Nircur chaycho tiyajcunata pullantaga prësu juc-läman apanga. Jinanchöga waquillannami quëdangapaj.

Zacarías 14:3

Chayno ruraptinrämi quiquin Tayta Dios pillyanga chay nasyun runacunawan. Unaycuna guërracho pillyashannörämi pillyangapaj.