Joel 3:18 - Tayta Diosninchi Isquirbichishan

¹⁸ Chay wichanga intëru jircacunacho, intëru lömacunachöpis bïnuwan lëchi canga yacu-jina aypallami. Judächo caj ragracunapapis aypalla yacumi aywanga. Templöpitanami yacu pashtaycangapaj. Chaynami parguycangapaj Sitim guechwa pampata.

Joel 3:18 Iomraidhean Croise

Job 29:6

Chay wichanga lëchipis pampantin yacunöraj caran. Asëtipis gagacunapita quiquillanmi llojshicamoj.

Salmos 46:4

Juc mayumi caycan Tayta Dios acrashan siudächo tiyaj runacuna cushicunanpaj. Chay siudäga Tayta Dios tiyashanmi.

Éxodo 3:8

Chaymi urämushcä acrashä runacunata Egiptucunapa munayninpita jorgunäpaj. Chay nasyunpita jorgurcurmi pushashaj alli jatun may-may partiman. Chaychöga ima-aycapis allimi wayun. Lëchipis, mishquipis yacunörämi aypalla caycan. Chay partichöga tiyarcaycan: Cananeo runacuna, Het runacuna, Amorreo runacuna, Ferez runacuna, Hev runacuna, Jebús runacunapis.

Isaías 30:25

Wañuchinacuy cashan wichan, pacacuna siudäcunapa perganta juchuchishan wichanga intëru puntacunapita, altunnin puytush lömacunapitapis yacu shamongapaj chayasha mayu-jinarämi.

Isaías 35:6

Wegrucunapis capshinörämi pinticachangapaj. Mana rimaj upacunapis shimin pashtaptin gayarayparämi rimanga. Chunyaj jircachönami yacu pashtacaramonga pultutuyllana. Chaqui jircapanami mayunöraj yacu aywanga.

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Isaías 45:8

«Chauraga syëlu quichacäcuptin bindisyunta mashtamushaj. Chaycunaga cangapaj shullay shicwamojno, pucutaypita tamyamojnömi. Chaycunata allpachöga cushishami chasquenga. Chaynöpami salbacoj cashäga imapis wayojno achcaman miranga. Chaynönami alli cajllata ruraypis waytajno canga. Chaycunataga noga Tayta Diosmi camacächë.

Isaías 55:1

Tayta Dios cayno nin: «Llapayqui yacunaycajcunaga yacuta upunayquipaj shamuy. Rïguta rantinayquipaj guellayta mana tarejcunaga dibaldi micunayquipaj shamuy. Bïnutapis lëchitapis mana pägayllapa tarinayquipaj shamuy.

Isaías 66:11

Paynami mamayquinöpis micuyta garajno jauca goyächir cushicachishunquipaj gamcuna sacsashano canayquiyaj.»

Jeremías 31:12

Cutiycamorga Sionman aywaycärir cushisha cantanga. Bindisyunnëwanmi cushisha goyanga. Achcami canga rïgupis, bïnupis, asëtipis, uyshapis, wäcapis. Chaura paycunaga caycangapaj alli pargusha wertanömi. Manami yapayga imaypis ñacanganachu.

Miqueas 6:5

Acrashä runacuna, cananga yarpäriy Moabpa raynin Balac gamcunapa contrayqui imano yarpashantapis. Chaynöpis yarpäriy Beorpa wamran Balaam imano nishantapis. Yarpäriy Sitimpita Gilgalcama imano aywashayquitapis. Chaynöpami musyanqui noga Tayta Diosniqui gamcunapaj allicunata rurashäta.»

Zacarías 14:8

Chay junäga Jerusalenpita llojshiycangapaj imaypis mana chaquej yacu. Chay yacuga chaynöllami aywaycanga tamya wichanpis usya wichanpis. Pullanga aywanga Cachi Lamarman, pullan cajna Mediterráneo lamarman.

Números 25:1

Israelcunaga Sitimcho tiyar Moab warmicunawan cacuran.