Joel 3:1 - Tayta Diosninchi Isquirbichishan

¹ Tayta Diosmi nin: «Chay junaj chayamuptinmi camacächishäpaj Judäwan Jerusalén runacuna yapay allina goyänanpaj.

Joel 3:1 Iomraidhean Croise

Salmos 14:7

¡Ima alliraj canman Sionpita Israelcunata salbananpaj chayaycamuptin! Acrashan runacunata Tayta Dios alliman churaptin Jacobpita mirar aywaj Israelcunaga llapanmi cushiconga.

Salmos 85:1

Tayta Dios, acrashayqui nasyun runacunawanga allimi goyashcanqui. Jacobpa surtintaga allimanmi ticrachishcanqui.

Proverbios 1:23

Willapashäcunata sumaj wiyacuy-llapa. Chauraga nogami llapan yachashäta musyachishayqui. Yarpaynëcho caycajtaga llapantami yachachishayqui.

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Jeremías 16:15

Chaypa ruquenga jurar nengapaj: ‹Israelcunata norte caj-lä nasyunpita jorgamoj Tayta Diospa jutincho, intëru nasyunman mashtashanpita shuntar cutichimoj Diospa jutincho› nirna. Unay awiluncunata goycushä nasyunman cutimunanpäga nogami camacächishaj.

Jeremías 29:14

Nogaga gamcunawannami caycäshaj. Chaymi gamcunataga may nasyunpitapis, mayman gargusha cashpäpis cashgan cutichimushayquipaj. Shuntamur camacächishäpaj cay nasyunniquiman cutimunayquipaj. Noga Tayta Diosmi chayno në.»

Jeremías 30:18

Tayta Dios nin: «Jacobpita mirajcunata nogami cutichimushaj. Paycuna tiyashan nasyunninta cuyapäshämi. Juchusha caycaj janancunachömi siudänincunatapis yapay ruranga. Palasyuncunatapis maychöpis cashanchömi yapay jatarachenga.

Jeremías 30:3

Juc junäga acrashä Israelcunapa, Judá runacunapa surtinta rucachishämi. Noga Tayta Diosmi chayno cananpaj në. Unay caj awiluncunata goycushä nasyunmanmi cutichimushäpaj.»

Ezequiel 16:53

« ‹Chaypitanaga nogami camacächishaj Sodoma, Samaria, caseryuncunapis ñaupata cashanno allina goyänanpaj. Gampis yapay allina goyänayquipämi camacächishaj.

Ezequiel 39:25

«Chaypitami, noga Tayta Diosga në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.

Daniel 12:1

« ‹Chay wichanmi yurimongapaj waquin anjilcunapita mas munayniyoj anjil Miguel. Paymi gam Israelcunataga llapayquita imapitapis chapäshunqui. « ‹Chay junäga fiyupa llaquicuypämi canga. Nasyuncuna gallarishanpita-pacha canancama manaraj cashannömi cangapaj. Chay junaj chayamuptenga llapanmi marca-masiquicuna salbaconga librucho jutincuna isquirbisha caycajcunaga.

Joel 2:29

Chay junajcunaga ollgu cajmanpis warmi cajmanpis uywayniquicunaman Espiritötami cachamushaj.

Amós 9:14

Chayrämi prësu apashanpita cutichimushäpaj acrashä Israel runacunataga. Juchuchisha caycaj siudäcunatapis yapay allchanga. Nircur chay siudäcunacho tiyanga. Übastapis lantanga. Poguptinnami bïnuta rurarcur uponga. Wertacunata ruranga. Wayuynincunatana miconga.

Números 11:29

Moisesna niran: «¿Imanirtaj nogalla profëta canäta munanqui? ¡Ojalä Tayta Diosga llapan runacunaman Espiritunta churanman! ¡Ima alliraj canman llapanpis profëtallana captin!»

Números 12:6

Tayta Dios niran: «Sumaj wiyamay. Nogaga profëtäwan parlä ricapacushallanchömi, man'chäga suyñuyllanchömi.

Deuteronomio 30:3

Tayta Diosninchi cuyapäshushpayquimi alli goyaymanna churashunquipaj. May nasyuncunamanpis jitarishushayquipita shuntamushunquipämi.