Joel 2:19 - Tayta Diosninchi Isquirbichishan

¹⁹ nenga: «Gamcunapaj rïgupis, bïnupis, asëtipis yapay fiyupa aypalla cananpänami camacächishaj. Chayrämi cushisha goyanquipaj. Cananpita yapayga mananami camacächishäpänachu mana yäracamajcuna gamcunata manacajman churashunayquita.

Joel 2:19 Iomraidhean Croise

Jeremías 31:12

Cutiycamorga Sionman aywaycärir cushisha cantanga. Bindisyunnëwanmi cushisha goyanga. Achcami canga rïgupis, bïnupis, asëtipis, uyshapis, wäcapis. Chaura paycunaga caycangapaj alli pargusha wertanömi. Manami yapayga imaypis ñacanganachu.

Ezequiel 34:29

Paycunapäga fiyupami micuycunatapis wayuchishaj. Chaura yapayga mananami muchuycho cangapänachu. Ni juc-lä nasyun runacunapis manami asipangapänachu.

Ezequiel 36:15

Yapayga manami camacächishänachu juc-lä nasyun runacuna ashllishunayquita. Chay nasyun runacuna yapayga manami ashllir manacajman churashunquipänachu. Gamcunaga imaypis mananami wamracunata micunquipänachu. Noga Tayta Diosmi chayno në.»

Ezequiel 36:29

Ganracushayquipitami limyuyächishayqui. Bindisyunta goshayquipaj rïgu alli wayunanpaj. Chaura yapayga mananami muchuy ni yargaypis cangapänachu.

Ezequiel 36:30

Chayno camacächishaj frütacunapis alli wayunanpaj, chacracunachöpis micuy alli wayunanpaj. Chaura gamcunataga yargay manana captin juc-lä nasyun runacuna mananami pengayman churashunquipänachu.

Ezequiel 39:29

Israelcunacho Espiritö captinmi yapayga manana cachaycushänachu. Noga Tayta Diosmi chayno në.»

Oseas 2:15

Chaycho gayaptë pay wiyamanga jipash cashpan wiyamashanno, Egiptupita llojshimushan öra imanömi caran, chayno. Chaypitaga yapaymi cutichishaj übas chacrancunata. Disigrasya päsashan Acor guechwatanami ticrachishaj bindisyunyoj cananpaj.»

Oseas 2:21

Chay wichanga nogami syëlupita allpaman tamyachimushaj.

Oseas 2:22

Chaura allpanami alli wayuchenga rïguta, bïnuta, asëtita. Chaycunawanmi Jezreelga alli cawanga.

Joel 1:10

Chacracunapis gallpallanami caycan. Llapan chacrami llaquisha caycan. Rïgupis shuntananpaj manami cashanachu. Übas yöra chaquiptin bïnupis manami cannachu. Olivo yöracuna chaquiptin asëtipis manami cannachu.

Joel 2:24

Chaymi rïgupis alli wayonga. Asëtipis bïnupis aypallami canga.

Levítico 26:5

Rïguyquipis aypangapaj übas pogumunancamami. Übasnami aypangapaj murupacunayquicama. Sumaj micushami cawanquipaj. Nasyunniquichöpis allimi goyäcunquipaj.

Zacarías 8:12

Alli goyaynami paycunachöga cangapaj. Übascunapis wayonga. Allpachöpis micuycuna allimi wayonga. Tamyapis tamyamongami. Acrashä runacuna cawaycar quëdajcunapäga nogami camacächishäpaj chayno paycunapaj alli cananpaj.

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Deuteronomio 11:14

tamyatapis timpullanchömi tamyachimonga. Chaymi rïgupis, bïnupis, ni asëtipis mana pishëshunquipächu.

Rut 1:6

Chaypita juc junaj Noemí mayaran Israel runacunata cuyapar Tayta Dios micuyta wayuchishanta.