Joel 2:1 - Tayta Diosninchi Isquirbichishan

¹ Sioncho trompëtata tucay-llapa. Tayta Dios acrashan rispitädu jircacho willacachiy musyananpaj. Judächo tiyaycajcunaga llapayqui manchariywan sicsicyay. Tayta Dios jusganan junäga chayaycämunnami.

Joel 2:1 Iomraidhean Croise

1 Crónicas 15:28

Israelcunaga fiyupa cushicur gaparpashpanmi aparan Tayta Dioswan parlar rurashan babulta, uyshapa wagranta, trompëtacunata, latillucunata tucashpan, arpano salteriocunata, arpacunata tucashpan.

Salmos 119:120

Gamta manchacur nogaga sicsicyaycä. Imanöpis jusganayquipaj cashayquipitami fiyupa llaquicö.

Salmos 87:1

Quiquin Tayta Diosmi Jerusalén siudäninta camacächisha rispitädu lömacho.

Éxodo 10:14

Imaypis mana cashannömi chüpacacunaga intëru Egiptuman juntaycuran. Chaynöga unaypis manami caranchu; ni yapaypis manami canganachu.

Isaías 13:6

Llaquicur shanaypa shanar gaparpay-llapa. Munayniyoj Tayta Dios castigananpäga wallcanami pishiycan. Tayta Diosga llapantami usharenga.

Isaías 13:9

Tayta Dios castiganan junäga chayaycämunnami. Chay junäga manchariypämi cangapaj. Tayta Dios fiyupa rabyasha cashpanmi cay pachataga ticrarachengapaj chunyaj chaqui jircaman. Cay pachacho caj juchasapacunataga ushajpämi illgächengapaj.

Isaías 2:12

Chay junäga munayniyoj Tayta Dios manacajmanmi churanga alli-tucojcunata, llapan ollgojcunata, munayniyoj-tucojcunatapis.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Isaías 66:5

Tayta Dios nishanta manchacojcunaga pay nishanta wiyay-llapa: «Nogata rispitamashayquipita chiquishoj, gaticachäshoj marca-masiquicunaga asipäshushpayqui nircaycan: ‹Mä Tayta Dios munayninta musyachimäshun. Mä ñacashpayquipis cushisha goyay› nir. Ichanga chayno nishojcuna fiyupa pengaychömi cangapaj.

Jeremías 16:10

«Chayno niycashäta willaptiqui runacunaga tapushunquipaj: ‹¿Imanirtaj Tayta Dios chayno fiyupa manchariypaj llaquicuywan castigamäshun? ¿Ima mana allitataj rurashcanchi? ¿Ima juchatataj rurashcanchi Tayta Dios mana munashantaga?› nir.

Jeremías 16:7

Wañuptin llaquicojcunata shogananpäpis manami pipis alli micuycunata rurangapänachu. Taytan maman wañuptinpis manami ima micuytapis rurangapänachu.

Jeremías 4:5

«Jerusalencho, Judächo tiyajcunata willay-llapa. Trompëtacunata tucashpayqui nasyun intërupa willacuy-llapa. Callpaypa gayacuy: ‹¡Llapanchi shuntacäshun! ¡Curalasha siudäcunaman yaycucushun!› nir.

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.

Ezequiel 12:23

Cananga mana wiyacoj runacunata niy: ‹Caynömi Tayta Dios nin: Nogami camacächishaj Israelcho chay rimayta yapayga manana parlananpaj. Nircur willanqui profëtäcunawan suyñuyninchöno ricachishäcuna cumlinanpaj wallcallana pishiycashanta.

Ezequiel 21:12

Runa, gamga gaparaypa gayacuy. Acrashä runacunataga chay sabliwan wañuchinanpämi caycan. Israelpa mandajnincunatapis llapanta wañuchinanpämi caycan. Paycunapis acrashä runacunawan iwal wañunanpämi caycan. Chaymi gamga llaquicushpayqui pëchuyquita tacacuy.

Ezequiel 30:3

Chay castïgu junäga rasunpami chayaycämunna. Wallcanami pishin Tayta Dios castigashunayquipaj caycaj junajpäga. Chay junäga pachapis chacacäcongarämi. Nasyuncunapäga fiyupa manchariypämi cangapaj.

Ezequiel 33:3

Contran suldärucuna nasyunninman yaycuycajta ricar chay ricachacöga trompëtata tucashpan runacunata musyarachin.

Ezequiel 33:6

« ‹Ichanga capas chay ricachacoj runa ricanman contran suldärucuna aywaycämojta. Chayno ricaycarpis runacunata musyachinanpaj trompëtata mana tucaptin contrancuna chayaycur pitapis wañuchiptenga chay ricachacoj runami juchanpita wañonga. Chay runacuna wañushanpitaga ricachacoj runatami nogaga tapushäpaj.›

Ezequiel 7:10

«¡Ushacänayquipaj junaj janayquichönami! ¡Chay junaj chayamushanami! Mana allita rurayllanami, alli-tucuyllanami may-chaychöpis caycan.

Ezequiel 7:12

Örapis, junajpis chayamushanami. Ranticojpis ni rantejpis ama cushicuchunnachu. Fiyupa rabyashpämi castigashaj Israelcuna alli-tucushanpita.

Daniel 6:26

«Cananga noga në: Cay mandashächöga llapaniquipis Danielpa Diosninta rispitar aduray-llapa. «Paymi cawaj Diosga. Payga imaycamapis caycanmi. Pay mandashanga manami imaypis ushacangachu. Munayniyoj cayninpis chaynöllami imaypis caycanga.

Daniel 9:16

Nogacunaga musyämi Tayta, llapantapis alli jusgashayquita. Jerusalenpaj ama rabyashallaga caynachu ari. Jinachöpis Jerusalenga caycan rispitädu lömacho caycaj acrashayqui siudämi. Bisïnun nasyuncunacho tiyaj runacunaga fiyupa jamurparmi asipan Jerusalentawan acrashayqui runacunatapis nogacunapa juchäpita, unay caj awilöcunapa juchanpita.

Daniel 9:20

Jinallami nogaga Tayta Diosta mañacuycarä, juchäcunata, Israel-masëcuna juchata rurashanpitapis cunfisacushpä. Pay acrashan rispitädu lömacho caycaj Jerusalenpäpis mañacuycarä.

Oseas 5:8

«Guërra gallaycunanpaj willacuna wagrata Gabaa siudächo tucay-llapa. Trompëtata tucay Ramá siudächo. Camaricunanpaj willacachiy Bet-avén siudächo. Benjamín runacunatapis manchachiy.

Oseas 8:1

«¡Ricachacoj, trompëtata tucay! Acrashä runacuna cajmanmi juc anca aywaycämun. Aywaycämun acrashä runacuna conträtuta rurar parlashäta mana cumlishanpitami, yachachishäcunata mana wiyacushanpitami.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Joel 2:11

Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

Joel 2:15

Sión lömacho trompëtata tucay-llapa. Llapan runacunata willay ayunananpaj.

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Joel 3:14

Chay Jusgana Pampachöga aypallami shuntacasha carcaycan. Chaynöga shuntacasha carcaycan Tayta Dios jusganan junaj chayamunanpaj wallcana pishiptinmi.

Joel 3:17

Acrashan runacunata Tayta Dios niran: «Chay junaj chayamuptin gamcuna tantiyacunquipaj noga Tayta Diosniqui cashätami. Nogaga tiyashaj Templö caycashan Sión lömachömi. Chay Jerusalén siudäga cangapaj acracushä siudämi. Jäpa runacuna yapayga chay siudäta manami imaypis munaynincho chararanganachu.

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Amós 5:18

¡Ay imanöraj canga, Tayta Dios shamunan junajta shuyarpaycajcuna! ¿Gamcunaga musyaycanquichu gamcunapaj imano chay junaj cananpaj cashantapis? Achicyaj cananpa ruquin chay junäga cangapaj yanauyaycaj chacaymi.

Amós 8:2

Pay tapumaran: «¿Imatataj ricaycanqui Amós?» nir. Chaura noga nirä: «Juc canastacho frütacuna pogusha caycajtami» nir. Chaura Tayta Dios nimaran: «Israel runacunaga pogusha frütanönami caycan. Chaymi juchanpita mastaga manana perdunashänachu.

Abdías 1:15

Imanömi juccunata rurashcanqui, chaynöllami gamcunatapis rurashunquipaj. «Shamur llapan nasyuncunata jusganä junajpäga wallcanami pishiycan.

Sofonías 1:14

Tayta Dios jusganan junaj chayamunanpäga wallcanami pishin. Chay junäga rätumi chayaraycamoj-aywan. Chay junäga canga fiyupa manchariypämi. Chaura mana manchacojnin cajpis gaparangami.

Sofonías 1:16

Chay junäga intërunpa curalasha caycaj siudäcunaman magaj yaycunanpämi, jatuncaray törricuna caycajmanpis yaycunanpämi trompëtata tucashpan mandanga.

Sofonías 1:7

Tayta Dios caynömi nin: «Upällalla cay-llapa. Jusganäpaj caj junäga chayaycämunnami. Chay junajpäga llapanpis camarishallanami caycan. Gayachishäcunapis chayamushanami.

Sofonías 3:11

Chay junäga gamcunapita illgächishämi ollgojcunatawan alli-tucojcunatapis. Chauraga chay mana alli runacuna manami acrashä runacunata pengayman churanganachu. Chaynöpami rispitädu jircächöga manana imaypis alli-tucojcuna canganachu.

Zacarías 14:1

Jerusalén, chayamongapänami Tayta Dios castigashunayquipaj caj junaj. Chay junäga imayquitapis guechushushayquita jinan siudäniquichömi raquipänacongapaj.

Zacarías 8:3

«Noga, Tayta Diosmi cayno në: Nogaga Sión lömacho caycaj Jerusalenmannami cutimushaj chaycho tiyanäpaj. Chaura Jerusalentaga runacuna nengapaj ‹Diosnin nishanta Cumlej› nir. Noga munayniyoj acrashä Sión lömapänami runacuna nengapaj ‹Rispitädu Löma› nir.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Números 10:2

«Guellaypita ishcay trompëtacunata ruray martilluwan tacayllapa. Chay trompëtacunaga canga runacunata shuntanayquipaj u aywayta gallaycärinanpäpis musyachinayquipaj.

Números 10:3

Ishcan trompëtacunata tucaptenga llapan runacuna shamonga gam caycashayqui Tincuna Toldu puncuman.

1 Corintios 14:8

Guërraman aywarpis trompëtata mana tonädachiypa tucaptenga suldärucunapis manami camaricunmanchu pillyananpaj.

Filipenses 2:12

Cuyashä ermänucuna, chayno caycaptenga gamcunawan caycar yachachishäcunata wiyacushayquinölla canan carucho caycaptëpis mas wiyacamay. Salbashana cashayqui musyacänanpäga llapan shonguyquiwan Tayta Diosta manchapacur, rispitar caway-llapa.

1 Tesalonicenses 5:2

Gamcunaga musyanquinami suwa illajpita chacaypa shamushanno pay cutimunanpaj cashanta.

Santiago 5:8

Gamcunapis shuyaraytaga ama yamacaychu. Llapan shongunchïwan yäracushun. Tayta Jesucristo cutimunanpäga wallcanami pishin.

1 Pedro 4:7

Cay pacha ushacänanpaj caj öra chayaycämunnami. Chayno caycaptenga allillana cawanayquipaj yarpachacuy. Mana gongaypa Tayta Diosninchïta mañacuy.

Apocalipsis 6:17

¡Llapan runacunata jusgananpaj caj timpu chayamushanami! ¡Tayta Diospa castïguntaga manami pipis awantangachu!»