Jeremías 9:5 - Tayta Diosninchi Isquirbichishan

⁵ Jucnin-jucninpis engañanacunmi. Mayganpis manami rasun cajtaga rimanchu. Llullacuyllapämi yachacasha carcaycan. Jucha rurayllacho yachacasha carmi paycunaga mana wiyacunchu.

Jeremías 9:5 Iomraidhean Croise

Génesis 19:11

Jawacho caycaj runacunatana gaprayacäcachiran. Paycuna gaprayacäcuran wamra mösupita auquiscama. Gaprayasha carnaga wasipa puncunta ashir puriycällarna uticaranpis.

Job 11:3

¿Chay-jina rimashayquiwanchu nogacunata upällachimayta yarpanqui? ¿Manacajman churashayquipita pipis mana cutichishunayquitachu yarpanqui?

Job 15:5

Llutan yarpayniquimi mana allita rimachishunqui. Chaymi yachaj-tucoj runano gampis rimaycanqui.

Salmos 140:3

Paycunapa shimenga caycan culebrapa lansëtanno. Rimashancuna caycan culebrapa benënunno. Selah

Salmos 50:19

Mana allita rimanayquipaj, llullacunayquipaj ichanga shimiquipis cushishallaraj rimarcärin.

Salmos 52:3

Alli goyänayquipa ruquin juchallatami ruranqui. Rasun cajta rimanayquipa ruquin llullacuyllatami arunqui. Selah

Salmos 64:3

Paycuna parlashanga fïnu sabli nanächicushannörämi nanächicunpis. Paycuna parlashanga benënuyoj lëchanömi nanächicunpis.

Salmos 7:14

Masqui ricay fiyu runata: Juchallatami gueshyaj caycan. Mana allicunallatami gueshyaj caycan. Wachangapis llullacuyllatami.

Proverbios 12:5

Alli runacunaga alli cajcunallatami yarpan. Fiyucuna yarpashanmi ichanga llapanpis manacajlla.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Isaías 5:18

Ay imanöraj canqui llullacuypa mana allita apaycämojcuna, jucha rurayta garchaycämojcuna.

Isaías 57:10

Chay-jina purishpayquimi uticarayqui. Ichanga manami nirayquichu ‹yangallapämi ashinchi› nir. Sïguir ashinayquipäga imanöpapis balurcharayqui. Chaynöpami mana yamacaypa ashirayqui.

Jeremías 12:13

Acrashä runacunaga rïguta muruycärir cashallatami shuntasha. Chay-jina ñacar arushanpis yangallami casha. Noga fiyupa rabyacurcushäpitami cosëchanga pirdisha.»

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Jeremías 13:23

¿Yana runa ticranmanchuraj yurajman? ¿Tinripis muru caycashanpita ticranmanchuraj juc culurllaman? Chaynömi gamcunapis mana alli rurayllacho yachacasha car allitaga mana ruranquinachu.

Jeremías 4:22

Chaura Tayta Dios niran: «Acrashä runacunaga upa, mana tantiyacojmi. Manami rejsimanchu. Mana tantiyacoj yarpayniynaj wamräcunami. Allita ruraytaga manami yachanchu. Mana allita ruraytami ichanga fiyupa yachan.»

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.

Jeremías 7:28

Paycunata niy: ‹Cay nasyun runacunaga Tayta Diosnin nishanta manami ni imanillarpis wiyacunchu. Piñacuptinpis manami wiyacunchu. Nishancunataga manami cumlinnachu.

Jeremías 9:3

Tayta Diosga nin: «Chay runacunaga lëchawan illapananpaj camaricusha caycajnörämi llullacunanpäga listu carcaycan. Cay nasyunchöga llapanpis llullallami; manami rasun cajtaga parlanchu. Paycunaga ‹rejsëmi› nirpis manami rejsimanchu. Waranllanta waranllantami mas piyur ricacuycan.

Jeremías 9:8

Paycunapaga rimashancunapis wañuchicoj lëchanörämi. Engañacullarmi purircaycan. Janan shongullami amïguncunatapis alli parlapan. Shongullanchöga mana alliman jitarpunanpämi yarpapaycan.

Ezequiel 24:12

Ichanga yangami chayno ninawanpis wayllachishcä. Oxidashanga ninawanpis manami illgashachu.

Miqueas 6:12

Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Miqueas 6:3

Israelcuna, mä canan nimay. Gamcunataga ¿imatataj rurashcä? ¿Imachötaj rabyachishcä?

Habacuc 2:13

Chay-jina ñacar arushayquitapis munayniyoj Tayta Diosga manacajllamanmi ticrachengapaj. Llapan arushayquicunatapis nina ruparmi ushanga.

Malaquías 2:10

¿Manachu llapanchïpapis jucnaylla caycan taytanchëga? ¿Manachu llapanchïtapis camamashcanchi juc Dioslla? Chayno caycaptenga ¿imanirtaj jucninchi-jucninchïpis llullapänacunchi? Chayno rurarga manami cumliycanchïchu unay caj awilunchïcunawan Tayta Dios conträtu rurashanta.

Efesios 4:25

Chayno caycaptenga amana llullapänacuynachu. Llapaninchïpis jucnayllanöna caycarga rasun cajllatana rimashun.

1 Timoteo 4:2

Paycunaga llullacushpanmi ishcay cära canga. Chaymi llutancunata yachachirpis mana imapis gocongachu.

Jueces 2:10

Chaypitaga Josuëpa wiñay-masincuna, Canaán partiman chayajcuna llapanna wañucuran. Guepa yurej runacunaga mananami musyarannachu Tayta Dios nishancunata ni Israelcunata imano yanapashantapis.