Jeremías 5:9 - Tayta Diosninchi Isquirbichishan

⁹ Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Jeremías 5:9 Iomraidhean Croise

Proverbios 6:29

Chaynömi runapa warminwan cacojpis juchata aparicushanpita castïgucho canga.

Isaías 1:24

Chaypitami, Israelcunapa munayniyoj Tayta Diosnin cayno nin: «Cananmi ichanga chiquimajcunataga jusgashayqui imallata rurashayquipitapis. Gamcunataga ayñitami cutichishayqui.

Isaías 57:6

«Israel, gamga yacu aywaj ragra cantuncunacho caycaj ullush rumicunatami adurayta munanqui. Bïnu ofrendacunatapis chaycunamanmi wiñapashcanqui. Chaqui micuy ofrendacunatapis ‹paypaj› nir apashcanqui. ¿Chayno rurasha caycaptiquichi nogaga upällalla cacushaj?

Jeremías 23:2

Gamcunaga chay uyshäcunatami mashtarishcanqui. Mana sumaj ricaptiquimi gueshpir aywacusha. Mana allita rurashayquipitaga nogapis castigashayqui imanöpis rurashayquimannömi. Noga Tayta Diosmi chayno në.

Jeremías 32:31

Cay siudächo tiyayta gallarishanpita-pachami canancama pasaypa rabyachimasha. Chaypitami caycho tiyajcunataga ushajpaj usharishaj.

Jeremías 44:22

Ichanga mana alli rurashayquicunata Tayta Diosga manami awantashanachu. Gamcunaga Tayta Diosta fiyupami rabyachishcanqui. Chaypitami cananga nasyunniquicho siudäcunaga juchusha ragällan caycan. Pipis mana tiyaptin manchariypaj y pï-maypis ricacunanpämi caycan.

Jeremías 5:10

¡Chaymi contrancuna yaycuchun übas wertacunata muturinanpaj! Chillguiycajcunatapis rachirgärichun. Chaycunaga manami nogapanachu.

Jeremías 5:29

Chayno rurarcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman? Noga Tayta Diosmi chayno në.

Jeremías 6:11

Nogapis Tayta Dios rabyashanta willacunäpämi caycä. Chaytaga manami amuräcömanchu.» Chaymi Tayta Dios nimaran: «Rabyasha caycashätaga willay cällicho caycaj wamracunata, röpanpa puriycaj mösucunata. Runacunataga prësumi apacongapaj warmintawan-cama, auquincunatapis mana cuyapaypa.

Jeremías 6:6

Munayniyoj Tayta Diosnami cayno nin: «¡Guerucunata muturir Jerusalenpa curralnin wajtancunaman ichichiy chaypa yaycunayquipaj! Chay siudächo caycaj runacunaga castigasha cananpämi caycan. Chaychöga llapanpis fiyu runacunallami carcaycan.

Jeremías 9:8

Paycunapaga rimashancunapis wañuchicoj lëchanörämi. Engañacullarmi purircaycan. Janan shongullami amïguncunatapis alli parlapan. Shongullanchöga mana alliman jitarpunanpämi yarpapaycan.

Jeremías 9:9

Chayno rurarcaycaptenga ¿imanirtaj mana castigämanchu? ¿Imanirtaj mana castigämanchu yapaycho chayno mana rurananpaj?» Chaynömi Tayta Dios nisha.

Lamentaciones 3:42

Nogacunaga gam nishayquita mana rurarmi juchata rurashcä. Chaymi gamga mana perdunamashcanquichu.

Lamentaciones 4:22

Sión, castïguyqui cumplishanami. Tayta Diosga mananami imaypis jitarishunquipänachu. Edom runacuna, gamcunatami ichanga mana allita rurashayquipita castigashunquipaj. Nircur juchayquicunata pï-maytapis musyachengami.

Ezequiel 7:9

Manami cuyapäshayquipächu. Rurashayquimannömi castigashayqui. Melanaypajcunata rurashayquipitaga llapanpitami rurashayquimanno castïguwan cutichishayqui. Chaynöpami gamcuna tantiyacunquipaj noga Tayta Dios castigaycashäta.›

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Oseas 8:13

Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.

Levítico 18:25

Chayno ganracunata rurashanpitami nasyunninpis ganrana ricacusha. Chaymi jusgar marcanpitapis llapanta gargushcä.

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Nahúm 1:2

Tayta Diosga payllata sirbinanchïtami munan. Mana allita rurashaga pay rabyar castigacunmi. Pay nishanta mana rurajcunataga rurashanmannömi castïguta gon. Paypa contran cajcunapäga fiyupami rabyan.

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»