Jeremías 4:3 - Tayta Diosninchi Isquirbichishan

³ Jerusalén runacunatawan Judá runacunata Tayta Dios cayno nin: «Jamaj chacrata quichajno shonguyquicunata camariy. Amana sïguir muruynachu mana alli custumriquicuna shatano caycajmanga.

Jeremías 4:3 Iomraidhean Croise

Génesis 3:18

Allpapitapis wiñamonga cashayoj mana alli jachacunallami. Allpacho wiñamoj jachacunatami micunquipäpis.

Éxodo 23:11

Watannin ganchis wataman aywaj cajchönaga chacrayquita jamachinqui. Chacrayquicho shiwa wiñamur pogojcunaga canga pobricuna shuntacunallanpäna, jirca animalcuna micunallanpäna. Übas chacrayquita olivo chacrayquitapis chaynölla ruranqui.

Oseas 10:12

Noga unay nirä: ‹Murupacojnöpis alli cajllata ruray. Chauraga cuyanacurmi goyanquipaj micuyta alli shuntajnöpis. Chucru chacrata yapyajnöpis chucru shonguyquita pascacächiy. Cananmi noga Tayta Diosman yäracamunayqui. Chayrämi shamushpä gamcunaman bindisyunnëta churamushaj.›

Mateo 13:22

Waquin runacunaga casha rurincho caj allpanömi caycan. Paycunaga Tayta Diospa willacuyninta wiyarpis mas yarpachacun rïcu cayllapämi, imanöpis cawanallanpämi. Chaycunallapaj yarpachacurmi Tayta Dios munashanno mana cawannachu.

Mateo 13:7

Waquin caj murunashi chayasha cashacuna chaupinman. Cashacunaga rätu atayacäcuran. Chaura rïgu chayraj wiñaycämojta llallir garwashtaycächillar chaquirachisha.

Marcos 4:7

Waquin caj murunashi chayasha cashacuna chaupinman. Cashacunaga rätu wiñacurcuran. Chaura cashacuna chaupincho garwashtayllapa wiñamuptinshi wayuyninpis mana cashachu.

Lucas 8:14

Waquin runacunapa shongonga cashacuna rurincho caj allpanömi caycan. Paycunaga Tayta Diospa willacuyninta wiyarpis mas yarpachacun warannincuna imanöpis cawanallanpaj, rïcu canallanpaj y quiquin munashanno cawanallanpämi. Chaynöpami paycunaga caycan mana wayoj rïguno.

Lucas 8:7

Waquin caj murunashi chayaran cashacuna chaupinman. Cashacuna rurincho garwashtaycällar wiñamurshi chaquicäcuran.