Jeremías 4:19 - Tayta Diosninchi Isquirbichishan

¹⁹ ¡Ay shongullau shongullau! ¡Llaquicuywanmi shongö tic-ticyaycan! Pillyapaj trompëta wagamojta, pillyapaj büllata ruraycämojtami wiyashcä. Chaymi jamaytapis manana tarëchu. Manami upällapis cacömanchu.

Jeremías 4:19 Iomraidhean Croise

Génesis 49:6

Nogaga manami paycuna parlacushancho cayta munächu. Paycunaga rabyacurcurmi runacunata wañuchiran. Asicunan-cashallami törucunapa ancuncunatapis cuchurgäriran.

2 Reyes 4:19

Chaycho caycashancho papäninta niran: «¡Ay umallau! ¡umämi fiyupa nanan!» nir. Chaura wamrapa papänenga juc uywayninta niran: «Maman cajman cutiraycachiy.»

2 Reyes 8:11

Eliseoga Hazaelta mana cachaypa ricaparan. Chaura Hazaelga jucajyacäcuran. Diospa profëtan Eliseoga wagacuran.

Salmos 103:1

Almantïmi Tayta Diosta alabashaj. Llapan shongöpami alabashaj.

Salmos 116:7

Cananmi ichanga, imatapis mana yarpachacuypana goyäcö. Nogataga Tayta Diosmi alli ricamasha.

Salmos 119:136

Yachachishayquicunata mana cumliptinmi nogaga fiyupa wagä.

Salmos 119:53

Yachachicuyniquita cachaycoj fiyu runacunaga fiyupami rabyachiman.

Salmos 146:1

¡Aleluya! ¡Tayta Diosga alabasha cachun! Llapan shongöpami Tayta Diosta alabashaj.

Salmos 16:2

Nogaga gamta nishcä: «Gammi canqui nogapa Tayta Diosnë. Gampita mas jucga manami nogapaj ima allipis canchu.»

Isaías 15:5

Shongömi fiyupa gayacun Moabta yanapänanpaj. Chaycho tiyaj runacunami gueshpir aywaconga Zoarcama, Eglat-selisiyacama. Luhitman wichänapami wagashpan aywangapaj. Llapan ushacashanpitami Horonaimman näni aywajpa aywashpan nanächicuypa gaparpaycanga.

Isaías 16:11

Chaymi shongöpis fiyupa llaquicur ushaycan Moabpäwan Kir-haresetpäga. Arpapa cuerdasninnöraj sicsicyaycan.

Isaías 21:3

Babiloniata Tayta Dios imanöpis castigananpaj cashanta musyarmi cuerpöcunapis manchariywan shiririn. Gueshyacunanpaj warmi nanaycho caycajnörämi nanächicuycäpis. Wiyashäga fiyupami llaquicaycächiman. Ricashäcunapis fiyupami manchariycächiman.

Isaías 21:4

Manami imano yarpachacuytapis camäpacönachu. Manchariyllawanmi fiyupa llaquicuycä. Pacha tardiyar chacänanta ñaupatacuna amatar munashäga canan ticracurisha fiyupa manchariypajmanmi.

Isaías 22:4

Chaymi nirä: «Ñaupäpita witicuy-llapa. Fiyupa llaquicurmi wagaj-aywä. Marcä mana alliman chayashanpita wagaycä. Ama shogamaychu-llapa.»

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Jeremías 23:9

Noga Jeremiasga, Tayta Diospa ñaupancho caycashpä, profëtacunapaj Tayta Dios parlashanta wiyashäpitami pasaypa turwatashano caycä. Intëru cuerpöpis sicsicyaycan. Fiyupa machasha runano, mana yarpänancama upyasha runano caycä.

Jeremías 4:21

¿Imaycamaraj wiyashaj pillyapaj trompëta wagamojta? ¿Imaycamaraj ricashaj conträcuna pillyapaj bandëran aptasha caycajtapis?

Jeremías 4:5

«Jerusalencho, Judächo tiyajcunata willay-llapa. Trompëtacunata tucashpayqui nasyun intërupa willacuy-llapa. Callpaypa gayacuy: ‹¡Llapanchi shuntacäshun! ¡Curalasha siudäcunaman yaycucushun!› nir.

Jeremías 42:14

capas yarpanqui: ‹Egiptuman tiyaj aywacushun. Chaychöga manami ricashunchu wañuchinacuyta. Ni manami wiyashunchu guërrapaj trompëtacuna wagamojta. Yargaypitapis chaychöga manami wañushunchu› nir.

Jeremías 49:2

Manapis aycällatanami Rabächo tiyaj Amón runacuna guërracho gaparpashan wiyacangapaj. Juchusha ragällanmi ricacongapaj. Llapan marcacunapis nina rupashallami quëdanga. Chayrämi Israelcunaga siudänincunata yapay shuntanga. Noga Tayta Diosmi chayno në.

Jeremías 50:22

«Intëru Babilonia nasyunchömi mayacaycan fiyupa guërra caycashan, llapanta illgarcaycächishan.

Jeremías 6:24

«Willapatami mayashcanchi. Chayta wiyaycurmi manchariyllawan callpaynajnöna ricacushcanchi. Cananmi ichanga nanaycho caycaj warminöraj llaquicunchi, nanächicunchi.

Jeremías 8:18

Llaquicuynëpäga manami ima jampipis canchu. Llaquicuyllawanmi shongöpis ushaycan.

Jeremías 8:21

Marca-masëcuna ñacashannömi nogapis ñacaycä. Llaquicuywan manchariymi nogataga mana cacharimanchu.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Lamentaciones 1:20

«Tayta Dios, fiyupa llaquicuycashäta ricäramay ari. Shongöpis fiyupami tic-ticyaycan. Pasaypa mana wiyacoj cashäta yarpäriptëga shongöpis fiyupami nanacuycun. Jawachöga wamräcunatami sabliwan wañuycächin. Cay rurichöpis wañuyga caycanmi.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Daniel 4:19

Chaura Beltsasar nir jutinta churapashan Danielga manchacasha may öra upällalla wiyaräcuran willapashancunapaj yarpachacushpan. Chaymi rayga niran: «Beltsasar, ama yarpachacuychu ni llaquicuypischu, suyñushä imapaj cashantapis willamänayquipäga.» Chayno niptinmi Beltsasar niran: «Tayta ray, suyñushayquega chayachun contrayqui cajcunaman.

Daniel 7:15

«Noga Daniel chaynöta ricaycushpä ima ruraytapis mana camäpacurächu. Chaynöcunata ricashäpitami fiyupa mancharisha caycarä.

Daniel 7:28

«Chayllanami casha suyñushäga. Chaynöta ricaycur noga Danielga fiyupa yarpachacur pasaypa almaynaj ricacurä. Ichanga chayno ricashäta manami pitapis ni juc shimillapis willaparächu.»

Daniel 8:27

Chaura, noga Danielga mayarä callpäpis mana cajtanöna. Chaynöpami gueshyarä achca junaj. Gueshyaycashäpita jatarcorga nasyuncho mandaj mandamashancunata ruraycarä. Chay suyñuynëcho ricashäpämi ichanga fiyupa llaquicur yarpachacuycarä tantiyayta mana camäpacur.

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Habacuc 3:16

Llapan chaycunata wiyarmi mancharirä. Shimi wirpäcunapis sicsicyacäcuran. Chaquëcunapis mana awantashpan sicsicyacäcuran. Intëru cuerpömi gotucäcuran. Chayno caycaptinpis, mana yarpachacuypami shuyaräshaj conträ yaycamojcunata Tayta Dios castiganancama.

Números 10:9

«Tiyaycashayqui nasyunniquiman chiquishojcuna wañuchishunayquipaj yaycamuptenga trompëtata tonädachiypa tucanqui pillyaj aywanayquicunapaj. Noga Tayta Diosniquimi yanapäshayqui. Gamcunata salbashayqui chiquishojcunapita.

Romanos 10:1

Ermänucuna, Tayta Diosninchïtami llapan shongöpa ruwacö Israel-masëcunapis salbacur Tayta Diospa ñaupanman chayananpaj.

1 Corintios 14:8

Guërraman aywarpis trompëtata mana tonädachiypa tucaptenga suldärucunapis manami camaricunmanchu pillyananpaj.

Gálatas 4:19

Wamräcuna, warmi gueshyacur ñacashannömi nogapapis gamcunapaj shongö nanaycan Jesucristo munashanno cawanayqui junajcama.

Jueces 5:21

Cisón ragrapa lloglla aywajmi chiquimajninchïcunataga apacusha. ¡Sumaj balurchay! ¡Mana guellanaypa aywashun!