Jeremías 3:4 - Tayta Diosninchi Isquirbichishan

⁴ Guepatarämi nimarayqui: ‹Gamga canqui Papänëmi. Jipash captëpis yan'guëmi cashcanqui.

Jeremías 3:4 Iomraidhean Croise

Salmos 119:9

¿Imanöparaj mösuga juchata mana ruraypa cawanman? Gampa palabrayquita wiyacushpanmi juchata mana rurangachu.

Salmos 48:14

Paycunata willapanqui imaypis Tayta Dioslla Diosninchi cashanta. Payllami imaypis pushamäshunpaj.

Salmos 71:17

Tayta Dios, mösu cashäpita-pachami gamga willapämashcanqui. Canancamapis fiyupa allita rurashayquitami willacuycä.

Salmos 71:5

Tayta Dios gammanmi mösu cashäpita-pachapis yäracaycämö. Gammi imapitapis chapämashcanqui.

Proverbios 1:4

mana yarpachacoj mösucunata tantiyachinanpaj, yarpaysapa cananpaj.

Proverbios 2:17

Chay warmiga jipash cashanpita-pacha caj majantapis cachaycunmi. Tayta Diosta aunishantapis gongaycunmi.

Jeremías 2:2

Jerusalenman aywanäpaj, chaycho tiyajcunata noga willapänäpaj. Caynömi Tayta Dios nin: «Nogaga yarpaycämi ñaupa wichan Nogallata wiyacamar cawashayquita. Chayraj majachacasha jipashnömi cuyamarayqui. Micuy mana wayunan chunyaj chaqui jircapapis gatirämarayquimi.

Jeremías 2:27

Israelcunaga juc yöratami ‹taytä canqui› nircaycan. Jatun rumitana ‹mamä canqui› nircaycan. Nogatami ichanga manana ni ricäramaytapis munannachu. Juc-lällapana ticraräcunpis. Chayno carpis ima ñacaymanpis chayashpanga ‹¡Tayta salbaycamay ari!› niman.

Jeremías 3:19

«Israel, gamcunataga wamräno canayquitami yarparä. Intëru munducho caj nasyunpita mas alli caj nasyunta, mas alli caj chacratapis goycuytami yarparä. Nogaga yarparä ‹Papä› nimänayquitami, imaypis mana gongamänayquitami.

Jeremías 31:22

¿Imaycamataj puricunqui mana wiyacoj jipashno? Cay munduchöga noga Tayta Diosmi almiraypajcunata camacächishaj: Runanman warmi cutejnömi gamcunaga nogaman cutimunquipaj.»

Jeremías 31:9

Arpinticusha carmi wagaraycar cutimonga. Noganami shogashpä chuya yacu aywaycajman pushashaj. Pampa nänillanpami pushamushaj imamanpis mana tacacänanpaj. Nogami cä Israelpa taytan. Israelga guechpa wamrämi.»

Oseas 2:15

Chaycho gayaptë pay wiyamanga jipash cashpan wiyamashanno, Egiptupita llojshimushan öra imanömi caran, chayno. Chaypitaga yapaymi cutichishaj übas chacrancunata. Disigrasya päsashan Acor guechwatanami ticrachishaj bindisyunyoj cananpaj.»

Malaquías 1:6

Munayniyoj Tayta Diosga cüracunapaj nin: «Wamracunaga papäninta rispitanmi. Uyway runacunapis mandajninta rispitanmi. Noga gamcunapa papäniqui caycaptëga ¿imanirtaj mana rispitamanquichu? Gamcunapa mandajniqui caycaptëga ¿imanirtaj mana rispitamanquichu? Gamcunaga manacajmanmi churaycämanqui. Chaypis ninquiraj: ‹¿Imanöpataj manacajman churaycä?› nir.

Malaquías 2:14

Gamcunaga ninquiraj: «¿Imanir-raj mana chasquimanchïchu?» nir. Chaynöga caycan Tayta Diospa ricay ñawincho mösu car gam warmiwan majachacashpayqui aunishayquita mana cumlishayquipitami. Pay warmiqui caycaptinpis, payllawan tiyanayquipaj aunisha caycarpis cachaycushcanquimi.