Jeremías 3:21 - Tayta Diosninchi Isquirbichishan

²¹ «Chunyaj jircacunacho gaparashanmi wiyacaycan. Israelcunami wagashpan cuyapänanpaj mañacurcaycan. Paycunaga allipa aywarcaycashanpitami llutanpa aywacusha. Chaymi Tayta Diosnin caycaptë nogataga gongaycäramasha.

Jeremías 3:21 Iomraidhean Croise

Job 33:27

Chayrämi runa nenga: ‹Juchatami rurashcä, mana allicunatami rurashcä. Chaypis Tayta Diosga manami castigamashachu.

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

Proverbios 19:3

Mana tantiyaj runaga upa cayninwanmi llutanta ruran. Nircorga Tayta Diostana jitapan.

Isaías 15:2

Nebo, Medeba siudäcuna ushajpaj illgashanpitami Moab runacunaga fiyupa llaquiconga. Diboncho tiyaj runacuna wagaj aywanga puytush lömacho caycaj capillacunaman. Llaquicur llapanpis ajchan rutucusha, shapran jichcacusha carcaycanga.

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Isaías 57:11

«¿Pita manchacushpayquitaj nogata engañamashcanqui? ¿Pita rispitashpayquitaj nogata gongaycamashcanqui? ¿Unaypita-pacha mana rimacuptëchu gamcunaga mana rispitamanquichu?

Jeremías 12:12

Chunyaj lömacunapa intërupami contran fiyu runacunaga yuricarcamusha. Paycunami acrashä nasyun runacunata usharinäpaj sablëno caycan. Chaymi mayganpäpis manana alli goyay cannachu.

Jeremías 13:25

Israel runacuna, gamcunapaga chayno canayquipämi distïnuyqui. Chayno ruranätami gamcunaga munashcanqui. Noga Tayta Diosmi chayno në. Gamcunaga nogata gongaycamashpayquimi mana sirbej ïdulucunaman yäracushcanqui.

Jeremías 18:15

Acrashä runacunami ichanga gongaycamasha. Mana rasun caj dioscunallapämi insinsutapis rupachin. Unay purishan nänicunapita pantaycärirmi juc-läpana purircaycan. Mana rejsishan nänipanami aywarcaycan.

Jeremías 2:32

¿Jipash cashan wichan camaränanpaj ima-aycantapis churacushanta, jaticushanta warmi gongaycunmanchuraj? Acrashä runacunami ichanga ñaupatana gongaycamasha.

Jeremías 3:2

Galayasha jircacunata masqui ricay. Chay jircacunachömi juchata rurashpayqui dioscunata adurashcanqui. Chunyajcho jamarpaj Arabiacunanöpis caminu cantuncunacho juc mösucunata shuyaraj warminömi cashcanqui. Pï-maywanpis cacushpayqui, mana allita rurashpayquimi nasyunniquitapis ganrachishcanqui.

Jeremías 31:9

Arpinticusha carmi wagaraycar cutimonga. Noganami shogashpä chuya yacu aywaycajman pushashaj. Pampa nänillanpami pushamushaj imamanpis mana tacacänanpaj. Nogami cä Israelpa taytan. Israelga guechpa wamrämi.»

Jeremías 7:29

Jerusalén, gamcunapäga Tayta Dios fiyupa rabyashami caycan. Cachaycushurayquinami. Manami ricaytapis munashunquinachu. Chaymi ajchayquita ruturir jitariy. Chunyaj jirca lömacunacho llaquicuypajcunata cantay.› »

Ezequiel 23:35

Chaypitami noga Tayta Dios në: Nogata gongaycamashayquipitami, cacharisha pï-maywanpis puricushayquipitami castïguwan fiyupa ñacanquipaj. Chaynöga ñacanquipaj llapan juchayquicunapitami.»

Ezequiel 7:16

Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.

Oseas 13:6

Nogami micuyta tarichirä. Micuyniqui puchu-puchu captinnaga waquinpita mas alli-tucushpayqui nogata gongaycäramarayqui.

Oseas 8:14

Israelcunaga gongaycärishami paycunata pï camashantapis. Chaymi paycunaga capillacunallatana arurcaycan. Judá runacunana achca siudäcunata arur jatariycächin. Chay siudänincunamanmi nogaga ninata sindipaycoj-aywä. Chauraga llapan arushantapis ruparmi ushacurcongapaj.»

Miqueas 3:9

Rayta mandäshej Israelcuna, Jacobpita mirajcunapa mandajnincunapis canan nishäta wiyamay. Gamcunaga manami alli cajta rurayta munanquichu. Lay nishancunatapis manami cumlinquichu.

Números 22:32

Tayta Diospa anjilnenga niran: «¿Imanirtaj quimsa cuti bürruyquita magashcanqui? Nogami aywaycashayqui nänichöga chapashcä mana alli yarpayniquiwan aywaptiqui.

2 Corintios 7:10

Tayta Dios munashanno llaquicorga pipis arpinticunmi. Arpinticorga salbasyuntami tarin. Chayno salbasyunta tarishanchïpitaga manami llaquicunanchi canchu. Mana riguejcunami ichanga llaquicur wañuyman chayan.