Jeremías 3:12 - Tayta Diosninchi Isquirbichishan

¹² Chaymi gam aywashpayqui norte caj-läman ricacurcur willacunqui noga cayno nishäta: «¡Mana wiyacoj Israel nogaman cuticamuy! Cutimuptiqui manami rabyashaga chasquishayquichu. Manami rabyashallaga cacushäpäpischu. Nogaga cuyapäcojmi cä.

Jeremías 3:12 Iomraidhean Croise

Génesis 4:7

Allita ruraptiquega gamtapis allimi chasquishayqui. Mana allita ruraptiquega jucha ruray yargaycaj liyunnömi shuyaraycäshunqui usharishunayquipaj. Ichanga jucha rurayta ichipanquimanmi.»

2 Reyes 15:29

Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.

2 Reyes 17:23

Chaypitanaga Tayta Dios Israelcunata ñaupanpita jitariran profëtancunawan willacachishanno. Israelcunataga Asiriaman prësu aparan. Chaychönami canancamapis tiyarcaycan.

2 Reyes 17:6

Samaria siudäta binsiycur chayman yaycuptinmi ray Oseasga isgun wata ray caycaran. Nircurmi Salmanasarga Israel runacunata prësu charishpan Asiria nasyunman suldäruncunawan aparan. Asiriaman chayaycurmi Halah marcaman y Gozancho caycaj Habor mayu läduncho caycaj marcacunaman churaran chaycho tiyananpaj. Media runacunapa siudänincunamanpis churaran chaycho tiyananpaj.

2 Reyes 18:1

Elapa wamran Oseas Israel nasyunpa quimsa watana raynin caycaptin Acazpa wamran Ezequiasga Judäpa raynin cayta gallaycuran.

2 Crónicas 29:10

Chaymi cananga Israelpa Tayta Diosninwan alli parlacunäpaj yarpachacushcä. Chayrämi noganchïpaj rabyasha caycashanpita allchacanga.

2 Crónicas 30:9

Gamcuna Tayta Diosta yapay yarpashpayqui mañacuptiquega wauguiquicunata, wamrayquicunata prësu apaj juc-lä nasyun runacunapis cuyapashpan cachaycäramongami cay nasyunman cuticamunanpaj. Tayta Diosninchëga cuyapäcojmi, fiyupa allimi. Yäracuptinchëga manami wasguipämäshunchu.»

Salmos 103:17

Tayta Diosmi ichanga imaycamapis cuyan payta wiyacojcunataga. Alli caynenga ayca miraycamapis chaynöllami.

Salmos 103:8

Tayta Diosga cuyapäcojmi alli shongumi. Payga juclla mana rabyacoj, amatar cuyacojmi.

Salmos 103:9

Manami waran-waranchu piñacamanchi. Manami para-simrichu rabyashapis cacun.

Salmos 145:8

Tayta Diosga fiyupa alli, cuyapäcojmi. Payga juclla manami rabyacunchu. Payga fiyupa cuyacojmi.

Salmos 79:5

Tayta Dios, ¿imay-yajraj rabyashalla caycanqui? ¿Imayraj rabyashayqui päsacanga?

Salmos 86:15

Tayta Dios, chaypis gamga canqui alli shongumi, cuyapäcojmi, pasinsacojmi, cuyacojmi, rasun cajta rurajmi.

Salmos 86:5

Tayta Dios, gamga canqui allimi, imapitapis perdunajmi. Amatarmi cuyanqui gamman mañacamojcunataga.

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Isaías 31:6

Israelcuna, gamcunaga Tayta Diosta manami wiyacushcanquichu. Cananga paytana yapay wiyacuy ari.

Isaías 44:22

Conträ rurashayquicunata, jucha rurashayquicunata nogami ushacächishcä pucutayta illgächejnöpis. Yapay nogamanna cutimuy ari. Nogami gamcunataga salbashcä.»

Jeremías 11:6

Chaura Tayta Dios nimaran Judá nasyuncho caj siudäcunacho, Jerusalén cällicunachöpis cayno willacunäpaj: «Conträtuta rurar nishäcunata cumliy-llapa.

Jeremías 12:15

Israelpa bisïnun nasyun runacunataga tiyaycashanpita gargurcur cuyapäshämi. Cuyapashpämi cutichimushaj quiquincunapa nasyunninman, tiyashan pachaman.

Jeremías 23:8

Chaypa ruquenga jurangapaj ‹Israelcunapita mirar aywajcunata norte caj-lä nasyunpita cutichimoj, waquin nasyuncunaman mashtarishanpita shuntamoj Tayta Diospa jutincho jurä› nishpannami. Nircorga quiquincunapa nasyunninchönami tiyacongapaj.»

Jeremías 3:1

Tayta Dios cayno nin: «Capas juc runa warminwan raquicäcun. Capas chay warmi raquicashana cashpan juc runawanna camacan. Chayno caycaptin ¿rimir caj runanga chay warmita yapay amistapanmanchuraj? ¡Manami! ¡Chayno ruraptenga nasyunpaj fiyupa pengaymi canman! Ichanga gam Israelcuna jucwan-jucwan cacoj warminömi juc dioscunata adurashcanqui. Chayno carcurpis ¿Nogaman cutimuytachu munarcaycanqui?

Jeremías 3:14

Tayta Diosmi cayno nin: «Mana wiyacoj wamräcuna nogaman cuticamuy ari. Gamcunaga nogapami canqui. Nogami shuntamushayquipaj cada siudäpita jucta-cama, cada famillyapitana ishcayta-cama. Nircur Sionman cutichimushayquipaj.

Jeremías 3:18

Chay wichanga Israel runacunawan Judá runacuna juc pachallamanmi shuntacangapaj. Nircurnami norte caj nasyuncho tiyarcaycashanpita cutimonga unay caj awiluyquicunata partisyun goycushä chacraman.

Jeremías 3:22

Mana wiyacoj wamräcuna nogaman cuticamuy ari. Nogami allchacächishayqui mana wiyacoj cashayquipita.» Chayno niptin Israelcuna niran: «Nogacunaga cutimushcänami. Ñaupayquichönami caycä tayta. Nogacunapaga gammi Tayta Diosnë canqui.

Jeremías 3:5

¿Chaynöllachuraj rabyasha caycanqui? ¿Imaycamapis chaynöllachuraj rabyasha caycanquipaj?› nir. Chayno niycämashayqui örapis mana allicunataga rurarcaycarayquimi.»

Jeremías 3:7

Nogaga yarparä imano-aycano juchata rurasha cashpanpis yapay nogaman cutimunanpaj cashantami. Nishäga manami cutimushanachu. Chaytaga ricashami mana wiyacoj ñañan Judá nasyunpis.

Jeremías 30:11

Nogaga gamwanmi caycä imapitapis salbanäpaj. Maychöpis jitarishächo caycashayqui nasyun runacunataga llapantami wañuchishaj. Gamcunatami ichanga mana wañuchishayquipächu. Chaypa ruquenga rurashayquimanno castigayllami castigashayqui. Jina castigänillataga manami cachaycushayquipächu.

Jeremías 31:20

Israelcuna, gamcunaga acrashä runacunami canqui. Gamcunataga fiyupami cuyä. Fiyupa piñacurpis simrimi gamcunataga llaquiraycä. Shongöpis nanayparämi nanaycan. Gamcunataga fiyupami cuyapä. Noga Tayta Diosmi chayno në.

Jeremías 31:21

«¡Cuyashä Israelcuna cutimuyna ari! ¡Siudäniquicunamanna cutiy! Aywashayqui nänicho señal caycajcunata ashiy aywashallayquipa cutimunayquipaj.

Jeremías 31:8

Paycunataga norte caj-lächo caycaj nasyunpitami cutichimushaj. May-chaycho caycajtapis shuntamushämi. Paycunawanmi shamonga gapracuna, wegrucuna, itiyoj warmicuna, gueshyaj warmicunapis. ¡Fiyupa aypallami cutimonga!

Jeremías 33:26

Chayno nisha caycarga Jacobpita mirajcunawan, Davidpita mirajcunawan conträtu rurashäta manami imaypis gongashächu. Chayno Abrahampita, Isaacpita, Jacobpita mirar aywajcunata mandananpäga Davidpita mirajtami acrashaj. Acrashä runacunataga noga cuyapäshämi. Chaymi prësu aywashanpita cutichimushaj.»

Jeremías 4:1

Chayno niptinna Tayta Dios niran: «Israelcuna nogamanna cutimuyta munarga juchayquicunapita arpinticunquiman. Mana sirbej ïduluyquicunata jitariycuptiqui, Noga munashänöllana ruraptiqui,

Lamentaciones 3:22

Tayta Dios cuyacoj cashanga manami imaypis ushacanchu. Cuyapäcoj cayninpis manami ushacanchu.

Ezequiel 11:17

Mastapis cayno ninqui: ‹Tayta Diosmi cayno nin: «Nogami shuntamushayquipaj maymanpis mashtacächishä nasyuncunapita. Intërupita cutiycachimurmi Israel nasyuncho caycaj chacracunataga goycushayquipaj» nir.›

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Ezequiel 39:25

«Chaypitami, noga Tayta Diosga në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Levítico 26:40

«Mana wiyacamar conträ rurashanpita, nogapis contran ricacur contrancunapa nasyunninman apachishaj. Chaychörämi quiquin jucha rurashanpita, taytancuna jucha rurashanpita llaquiconga, juchancunapita arpinticonga.

Zacarías 1:4

Ama caynachu unay caj famillyayquicuna cashannöga. Paycunatami unay caj profëtacuna piñacuyparaj cayno willaparan: «Tayta Dios nin: Llutancho goyaycashayquipita cutimuyna ari» nir. Chaypis paycunaga manami wiyacuranchu, ni manami cachaycuranchu mana allita ruraycashancunatapis. Noga Tayta Diosmi chayno në.

Deuteronomio 30:2

Canan niycashäno llapan shonguyquicunawan, llapan buluntäniquicunawan gamcunapis wamrayquicunapis Tayta Diosta wiyacuptiquega