Jeremías 3:1 - Tayta Diosninchi Isquirbichishan

¹ Tayta Dios cayno nin: «Capas juc runa warminwan raquicäcun. Capas chay warmi raquicashana cashpan juc runawanna camacan. Chayno caycaptin ¿rimir caj runanga chay warmita yapay amistapanmanchuraj? ¡Manami! ¡Chayno ruraptenga nasyunpaj fiyupa pengaymi canman! Ichanga gam Israelcuna jucwan-jucwan cacoj warminömi juc dioscunata adurashcanqui. Chayno carcurpis ¿Nogaman cutimuytachu munarcaycanqui?

Jeremías 3:1 Iomraidhean Croise

Salmos 106:38

Paycunaga iticunapa yawarninta mashtaran. Chayga caran ollgu warmi wamrancunapa yawarninmi. Cananeo runacunapa diosnincunapämi wamrancunata rupachiran. Chaynöpami cay pachacho yawar mashtararan.

Isaías 24:5

Cay pachataga runacunami ganrachisha. Laycunata manami cumlishachu. Tayta Diospa mandamintuncunata mana wiyacushachu. Imaycamapis alli cananpaj parlashantapis manami cumlishachu.

Jeremías 2:20

«Unaypita-pachami gamcunaga nogapa conträ ricacurayqui. Manami wiyacamashcanquichu. Gamcunaga ‹Manami sirbishayquinachu› nimarayqui. Chayno nishpayquimi llapan puytush lömacunacho, rämasapa yöracunapa chaquincunachöpis guellaypaj cacoj warmino juchata rurashcanqui.

Jeremías 2:23

«¿Imanöpataj ninquiman: ‹Manami ganracushcächu. Manami aywashcächu Baalcunata adurajpis› nir? Chauraga guechwa pampacho imata rurashayquitapis mä yarpäriy. Rurashayquicunataga reconösiy ari. Manta camëllo wichaypa uraypapis cörricachajnömi cashcanqui.

Jeremías 2:7

Nogami gamcunata pushamurä ima-aycapis wayunan partiman, cay particho wayushan frütacunata micunayquipaj, chaycho ima-ayca alli wayojcunatapis micunayquipaj. Ichanga gamcuna chayaycamur alli chacräta ganrachishcanqui. Gamcunaga ticrachishcanqui cay nasyun quiquëpa caycaptin fiyupa melanäcunäpaj.

Jeremías 22:20

«Judá runacuna, yanapäshunayquipaj nasyun runacunaga llapannami ushacasha. Chaymi Líbano puntaman wicharcushpayqui wagay. Basán jircacunachöpis atay. Abarim parti puytush lömacunapitapis gaparpay.

Jeremías 3:22

Mana wiyacoj wamräcuna nogaman cuticamuy ari. Nogami allchacächishayqui mana wiyacoj cashayquipita.» Chayno niptin Israelcuna niran: «Nogacunaga cutimushcänami. Ñaupayquichönami caycä tayta. Nogacunapaga gammi Tayta Diosnë canqui.

Jeremías 3:9

Mana pengacuypami rumicunata, jatusaj yöracunata rispitar adurasha. Chayno rurarmi nasyunnintaga pasaypa ganrachisha.

Jeremías 31:22

¿Imaycamataj puricunqui mana wiyacoj jipashno? Cay munduchöga noga Tayta Diosmi almiraypajcunata camacächishaj: Runanman warmi cutejnömi gamcunaga nogaman cutimunquipaj.»

Jeremías 4:1

Chayno niptinna Tayta Dios niran: «Israelcuna nogamanna cutimuyta munarga juchayquicunapita arpinticunquiman. Mana sirbej ïduluyquicunata jitariycuptiqui, Noga munashänöllana ruraptiqui,

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Lamentaciones 1:2

Chacaycuna fiyupa llaquicushpan icchushanyajmi wagaycan. Cärancunapapis yacunörämi weguin jutuycan. «Cuyämi» nir gatirajcunaga manami maygallanpis canchu shogananpaj. Llapan yanasancuna ticraparmi chiquicarcärisha.

Ezequiel 16:26

Bisïnuyqui Egipto runacunawan amistäta rurar llapanwanmi cacushcanqui. Paycunaga sumaj jatusaj cuerpusapa runacunami. Chayno pï-maywanpis cacushpayquimi fiyupa rabyachimashcanqui.

Ezequiel 16:30

« ‹¿Pasaypa pirdicashachari caycarayqui au pï-maywanpis cacoj warmino pengaypaj ruranayquipäga?

Ezequiel 16:35

« ‹Chaymi pï-maywanpis cacoj Jerusalén, wiyamay:

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Oseas 1:2

Oseasta rimëru willapar Tayta Dios cayno niran: «Israelcunaga nogata mana cäsumashpan juc dioscunamanmi aywasha mañösa warminöpis. Cananga, gampis mañösa warmita ashicurcuy. Chay warmicho wamrayquicuna cachun.»

Oseas 2:2

«Israel nasyonga majänömi casha. Chaymi wamräcuna mamayquita niy ‹Gammi juchayoj canqui.› Cananpitaga pay manami nogapa warmënachu. Ni nogapis manami runannachu cä. Amana mañösa car pintacushancunawanpis pintacuchunnachu. Mañösa car wallgarashancunatapis cachaycuchunna.

Miqueas 2:10

Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.

Zacarías 1:3

Cananga acrashä runacunata cayno willapay: ‹Tayta Dios nin: Nogamanna cuticamuy-llapa. Chauraga nogapis gamcunata yapay yanapäshayquinami. Noga Tayta Diosmi chayno në.

Mateo 5:31

«Unayga runacunata Moisés niran: « ‹Runa warminpita raquicayta munarga warminta papilta firmapächun raquicashan musyacänanpaj› nir.

Deuteronomio 22:21

papäninpa wasin puncuman jorguycur siudächo tiyajcuna chay jipashta sajmaypa wañuchenga. Chayno wañuchenga Israel nasyuncho mana rurana caycaptin llutanta rurashanpita, manaraj majachacar jucwan puñushpan papäninta pengayman churashanpita. Chaynöpami chay-niraj jipashcunata illgächinqui.

Jueces 19:2

Chay warmi runanwan rimanacur cuticuran Belenman, papäninpa wasinman. Chaycho chuscu quilla tiyaycaptin