Jeremías 23:26 - Tayta Diosninchi Isquirbichishan

²⁶ ¿Imaycamaraj chay profëtacunaga llullacuyllapa, quiquinpa yarpayllanpita willacurcaycanga?

Jeremías 23:26 Iomraidhean Croise

Salmos 4:2

Munayniyoj-tucoj runacuna, ¿imaycamaraj manacajman churaycämanqui? ¿Imaycamaraj manacajcunallata ashircaycanqui? ¿Imaycamaraj llullacuyllata munarcaycanqui? Selah

Isaías 30:10

Profëtacunatami nircaycan «Amana ricapacuynachu» nir. Profëtacunataga nircaycan: «Amana willapämaychu rasun cajta musyachishushayquita. Cushicuypaj cajcunallata willapämayga. Munashäcunallata willapämayga.

Jeremías 13:27

Nogaga gamcunata ricashcämi mañösa warmi runacunata chasquejno pengaypaj juc dioscunata adurashayquita. Ricashcämi puytush lömacunacho chacracunacho melanaypajcunata rurashayquitapis. ¡Ay imanöraj canqui Jerusalén runacuna! ¿Imaycamaraj chayno ganralla carcaycanqui?»

Jeremías 14:14

Chaura Tayta Dios nimaran: «Nogapa jutëcho chayno nishpan chay profëtacunaga llullacurcaycanmi. Chay runacunataga manami cachashcächu. Manami imatapis nishcächu; manami willapashcäpischu. Yarpayninpita jorgurcullarmi ‹ricachimasha› nir willacuycan. Chayno llullacuyllapami chay profëtacunaga runacunata willaparcaycan.

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Oseas 8:5

¡Samaria, gam adurashayqui törutaga fiyupami melanäcö! Chaytaga fiyupami rabyapaycä. Israelcuna ¿imaycamaraj jucha rurayta mana cachanquichu?

Hechos 13:10

niran: «¡Gamga dyablu munashantami ruraycanqui! ¡Chaymi Tayta Diospa contran caycanqui! ¿Imanirtaj Jesucristupa willacuyninta runacuna chasquicunanta michanqui?

2 Timoteo 4:3

Chayamongapämi Tayta Diosninchïpa willacuyninta runacuna mana wiyayta munanan timpu. Chaypa ruquenga paycuna achca yachachicojcunata ashenga quiquincuna munashan cajllata yachachinanpaj.

2 Pedro 1:21

Profëtacunaga manami quiquinpa yarpayllanpitachu isquirbiran. Chaypa ruquenga Espíritu Santu rimachiptinmi Tayta Diospaj willacuran.