Jeremías 2:5 - Tayta Diosninchi Isquirbichishan

⁵ Tayta Diosga gamcunapaj caynömi nin: «¿Ima mana allitataj rurashcä gamcunapa unay awiluyquicuna cachaycamänanpäga? Mana bälej dioscunata adurajmi aywacuran. Chaymi quiquincunapis mana bälejna ricacuran.

Jeremías 2:5 Iomraidhean Croise

2 Reyes 17:15

Tayta Diospa laynincunata manacajman churaran. Unay caj famillyancunawan parlacushancunata mana bälichir mana cäsuranchu. Willapashancunatapis mana wiyacuranchu. Mana bälejcunata «diosnë» nir aduraran. Chaynöpami Israelcunapis imapäpis mana bälejnöna ricacuran. Mana rurananpaj Tayta Dios nisha caycaptinpis ñaupan nasyun runacunano ruraran.

Salmos 115:8

Chay ïdulucunanömi caycan chay ïdulucunata rurajcunapis. Chay ïdulucunanömi caycan chay ïdulucunaman yäracojcunapis.

Isaías 29:13

Tayta Dios nin: «Cay runacunaga shimillanwanmi sirbiman. Janan shongullami alabaman. Shongunchöga juctami yarparcaycan. Nogata aduraycämashanga caycan runacuna yarpaynillanpita nishancunallami. Paycunaga runa yachachishannöllami aduraycäman.

Isaías 44:9

Ïduluta rurajcunaga manami imapäpis bälinchu. Paycuna mas cuyayllapaj ïduluta rurashanpis manami bälinchu. Ïdulucunata adurajcunapis gaprami, yarpayniynajmi. Chaypitami pengaycho canga.

Isaías 46:12

Wiyamay rumi shongu runacuna. Gamcunaga manami salbasharächu caycanqui.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 12:2

Gammi paycunata cawachishcanqui. Paycuna rïcuyasha, alli tiyasha, mirasha. Paycunaga shimillanwanmi gamta alabashunqui. Shongunchömi ichanga ni imanillarpis mana yarpäshunquichu.

Jeremías 14:22

Juc dioscunaga manami mayganpis tamyata tamyachimunchu. Syëlupitapis quiquillanga manami tamyamunchu. Chaypa ruquenga gammi Tayta Dios tamyachimunqui. Ima-aycatapis gamllami camashcanqui. ¡Chaymi Tayta Dios gamllaman yäracaycämöcuna!

Jeremías 2:31

«Canan wichan caycaj runacunapis sumaj tantiyacuy Tayta Dios willacaycächishanta. Israelcuna, gamcunapäga ¿chunyaj jircachu cashcä? ¿Chacajno llantuy ñitishachu cashcä? ¿Imanirtaj nogapaj nircaycanqui ‹Nogacunaga manami pipa munayninchöpis cächu. Manami yapay gammanga yäracamushänachu› nir?

Jeremías 2:4

Jacobpita miraj Israel famillyacuna wiyaycäriy Tayta Dios imano nishantapis.

Jeremías 8:19

Marca-masëcuna intëruchömi llaquicur wagashpan nircaycan: «Sionchöga ¿mananachu Tayta Dios can? Rayninchëga ¿mananachu chaycho can?» nir. Chayno niptinmi Tayta Dios nin: «¿Imapätaj gamcuna rabyachimanqui mana sirbej ïdulucunata adurashpayqui, juc-lä runacuna ‹diosnë› nishan mana bälejta adurashpayqui?» nir.

Ezequiel 11:15

«Runa, Jerusalencho tiyarcaycajcunaga famillyayquicunapaj, Israel-masiquicunapaj caynömi nin: ‹¡Paycunaga Tayta Diospita caruchömi caycan! Cay nasyuncho caycaj chacracunaga noganchïpanami› nir.

Ezequiel 14:5

Chayno ruraptë Israelcunaga capaschari arpinticunmanpis ïdulucunata adurashanpita, nogata gongaycamashanpitapis› nir.

Jonás 2:8

Mana bälej ïdulucunata adurajcunaga gamta gongaycushurayquimi.

Mateo 15:8

« ‹Cay runacunaga shimillanwanmi sirbiman. Shongunchöga juctami yarparcaycan.

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Romanos 1:21

Tayta Diosninchi llapanpaj munayniyoj cashanta musyaycarpis paycunaga manami wiyacuranchu ni agradësicuranpischu. Chaypa ruquenga manacajcunallata yarpar mana allita rurashpanmi cawaran.

Deuteronomio 32:21

Mana dios caycaptin juc dioscunata adurashpanmi rabyachiman. Manacaj ïdulucunata adurashpanmi rabyachiman. Nogapis paycunata rabyachishaj juc marca runacunawan. Mana tantiyacoj runacunawanmi rabyachishaj.

1 Samuel 12:21

Ama yäracunquichu ïdulucunamanga. Chaycunaga manami imachöpis yanapäshunquipächu, salbashunquipächu.