Jeremías 17:1 - Tayta Diosninchi Isquirbichishan

¹ Acrashan runacunata Tayta Dios cayno nin: «Judá runacuna, rumi shonguyquichömi juchayquicunaga isquirbiraycan fyërrupita rurasha sinsilwan, llauchi fyërru shucshuwan. Jucha rurashayquicunaga altarniquicunapa wagrancunachöpis isquirbiraycanmi.

Jeremías 17:1 Iomraidhean Croise

Proverbios 3:3

Ama imaypis gonganquichu cuyapäcoj cayta. Chaycunataga shonguyquiman sumaj churacuy.

Proverbios 7:3

Yachachishäcunataga imaypis mana gonganayquipaj umayquiman sumaj churacuy. Maquiquiman isquirbiy.

Isaías 49:16

Nogaga maquëchömi jutiquitapis isquirbiraycächë. Siudäniquipa pergancunatapis ricaycämi.

Jeremías 11:13

Judá runacuna, gamcunapaga siudäniquicuna cashanmanno achcami diosniquicunapis. Jerusalenpa cällincuna aypalla cashantanömi Baal diospaj saumachinanpaj altarcunatapis rurashcanqui.

Jeremías 2:22

Lijyawan may-jina mayllacuptiqui, maychica jabunwan mayllacur bäñacuptiquipis juchayquega jinallami caycan. Noga Tayta Diosmi chayno në.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Oseas 12:11

Galaadcho tiyajcunaga fiyu runacunami. Paycunaga manacajllami. Gilgalchömi törucunata pishtarcur rupachin. Chaypitami altarnincunapis chacracho rumi gotushacuna goturaycajno quëdanga.»

Oseas 7:2

Paycunaga manami tantiyacunchu llapan mana allita rurashancunata noga yarpaycashäta. Quiquincunapa juchallanmi intërunpa tumaparaycan. Imano juchan cashallantapis nogaga musyaycämi.

Oseas 8:11

«Efraín runacunaga achca altarcunatami rurasha juchanta raquinanpaj. Ichanga chay altarnincuna casha masta juchata ruranallanpämi.

Levítico 4:25

Juchapita sacrifisyupaj pishtashan uywapa yawarninman cüraga dëdunta töpachenga. Chaywannami uywacunata rupachina altarpa wagrancunata pichupanga. Puchoj yawartana rupachicuna altar chaquinman jicharenga.

Zacarías 7:12

Shonguncunatapis chucrucarcachiran asul rumi chucru cashanmannöraj. Chaynöga ruraran noga espiritöwan yachachishäcunata, laynëcunata willapashäta mana wiyacunanpämi. Chaycunataga willacachirä unay caj profëtäcunawanmi. «Chayno cashanpitami nogaga rabyacurcurä.

2 Corintios 3:3

Yachachishäno goyaptiquimi Jesucristo isquirbishan cartano caycanqui. Chaytanami nogacunaga runacunata musyaycächë. Chaytaga manami tintawanchu isquirbisha, chaypa ruquenga Cawaj Diospa Espíritu Santunwanmi. Manami läja rumicunachöpischu isquirbiraycan, chaypa ruquenga runacunapa shongunchönami.