Jeremías 14:8 - Tayta Diosninchi Isquirbichishan

⁸ Gamllamanmi Israelcunaga yäracamö. Fiyupa llaquicurcaycaptëpis gamllami imapitapis salbamanqui. Cananga ¿imanirtaj cay nasyunchöga jäpano caycanqui? ¿Imanirtaj gorpa pachacojnölla caycanqui?

Jeremías 14:8 Iomraidhean Croise

Salmos 10:1

Tayta Dios ¿imanirtaj carullacho cacunqui? ¿Imanirtaj pacacunqui llaquicuycuna cashan öra?

Salmos 138:7

Ima mana allimanpis chayaptë Tayta Dios gammi yanapämanqui. Munayniyoj cashayquita musyachishpayquimi chiquimajcunapitaga salbamanqui.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 46:2

Chaymi ama manchacushunchu cay pacha intërupa rachicaycaptinpis, jircacuna lamarman tallpucaycaptinpis,

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 71:5

Tayta Dios gammanmi mösu cashäpita-pachapis yäracaycämö. Gammi imapitapis chapämashcanqui.

Salmos 9:9

Tayta Diosga imapita ñacaycajcunatapis chapanmi. Payga llaquicuycajcunata washanmi.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Isaías 33:2

Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Isaías 43:11

Nogallami Tayta Diosga cä. Nogallami salbacöga cä.

Isaías 43:3

Nogami cä gamcunapa Tayta Diosniqui, salbashojniqui. Gam Israelcunapa Santo Diosniquimi caycä. Gamcunata jorgamunäpäga ruquiqui churashcä Egiptutami, Etiopiatami, Sabätami.

Isaías 45:15

Israelcunata salbaj Tayta Dios gamga runa mana tantiyayta atipashancunatami, almiraypajcunatami ruranqui.

Isaías 45:21

Mä rimacuy. Imata yarpashayquitapis nimay. Jucniqui-jucniquipis tapunacur parlacuy: ¿Pitaj gallarinallanchöna niran cayno cananpäga? ¿Pitaj unayna willacachiran? ¿Manachu noga Tayta Dios chaycunataga willarä? Nogapita mas juc diosga manami canchu. Nogapita mas jucga manami canchu allita ruraj, imapitapis salbäga.

Isaías 63:8

Tayta Diosga niran: «Paycunaga acrashä runacunami. Paycunaga manami gongaycamangachu.» Chaymi Tayta Diosga salbaran.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 17:13

Gamllami canqui Israelcuna yäracunanga. Gamta gongaycushoj cäga canga fiyupa pengaychömi. Gamta manana sirbishoj cäga canga ñuchu allpacho jutita isquirbishan illgacäcushannömi. Mana chaquej chuya yacuno caycaptiqui cachaycushushayquipitami chaynöga canga.

Jeremías 30:7

Chaynöga canga fiyupa manchariypaj junaj chayamunanpaj captinmi. Chay junajnöga manami imaypis canyasharächu. Chay wichan Jacobpita mirajcunapäga fiyupa llaquicuymi cangapaj. Ichanga paycunata noga salbashämi.

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Joel 3:16

Sión lömapita-pacha Tayta Dios gayacamonga. Jerusalenpita-pachami räyuno busninta wiyacächimonga. Syëluwan cay pachapis sicsicyangami. Acrashan Israel runacunatami ichanga Tayta Dios ima-aycapitapis washashpan chapanga.»

Zacarías 9:12

«¡Gamcuna, prësu caycajcuna nasyunniquiman cutiyta yarpaycajcunaga cuticuyna-llapa! Cananga ñacashayquimannömi bindisyunta goshayquipaj mas allina goyänayquipaj.

Hechos 28:20

Gamcunataga gayachishcä tincunanchïpaj, willapänäpämi. Nogaga Tayta Dios unay aunishanman yäracushäpitami canan cadinawan wataraycä.»

1 Timoteo 1:1

Cuyay wamräno Timoteo: Noga Pablumi gamman cay cartata apachimö. Salbacoj Tayta Diosninchi, yäracuycashanchi Taytanchi Jesucristumi acramasha apostulnin canäpaj. Tayta Diosninchi y Taytanchi Jesucristo cuyapaycushunqui ari alli goyänayquipaj.

Jueces 19:17

Läsacho ricashpan auquenga caminanti runata tapuran: «¿Maypitataj shamushcanqui? ¿Maypataj aywaycanqui?» nir.