Jeremías 12:6 - Tayta Diosninchi Isquirbichishan

⁶ Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Jeremías 12:6 Iomraidhean Croise

Job 6:15

Gamcunami ichanga amïgö caycarpis mana yanapämanquichu. Gamcunaga ragrapa yacu päsarejnömi caycanqui.

Salmos 12:2

Jucnin-jucninpis llullapänacun. Janan shongullami parlan.

Salmos 12:3

Janan shongulla parlajcunataga Tayta Diosmi ushajpaj illgächenga.

Salmos 69:8

Famillyäcunapäpis jäpami mana rejsishami cä.

Proverbios 23:8

Nircorga micushayquitapis gumitanquipämi. Cuyachicur alli shimillayquipa parlashayquipis yangami canga.

Proverbios 26:25

Alli shimillanpa imata nishuptiquipis ama riguinquichu. Shongunchöga yarpaycan llapan mana allicunallatami.

Isaías 31:4

Tayta Dios nimaran: «Juc liyun uyshata wañuycachiptin, llapan uyshërucuna shuntacaycur manchachinanpaj gaparpaptinpis liyonga manami manchacunnachu. Chaynömi shamonga munayniyoj Tayta Diosga Sión lömacho caycaj acrashan runacunata washänanpaj.

Jeremías 11:19

Uyshata pishtananpaj apaptin mana wagacushanno jaucami goyäcuycarä. Nogaga manami musyarächu conträ parlacurcaycashanta. Paycunaga ninacurcaycaran: «Alli wayuraycaj yörata muturiycärishun. Cay munducho manana cananpaj achurishun. Chaura paytaga manami pipis yarpanganachu.»

Jeremías 11:21

Anatot runacuna wañuchimayta munar «mana wañuyta munashpayquega Diospa jutincho amana willacuynachu» nimajcunapäga

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 9:2

¡Ojalä chunyajcho wasë canman chaycho tiyacunäpaj! Chauraga marca-masëcunata cachaycur caruchömi tiyacöman. Paycunaga llapanpis pasaypa juchasapallanami carcaycan. Paycunaga llapanpis Diostami chiquicurcusha.

Jeremías 9:3

Tayta Diosga nin: «Chay runacunaga lëchawan illapananpaj camaricusha caycajnörämi llullacunanpäga listu carcaycan. Cay nasyunchöga llapanpis llullallami; manami rasun cajtaga parlanchu. Paycunaga ‹rejsëmi› nirpis manami rejsimanchu. Waranllanta waranllantami mas piyur ricacuycan.

Jeremías 9:4

Amïgumanpis ama yäracuynachu. Ni wauguiquimanpis ama yäracuynachu. Amïgunwanpis llullapänacur lebantanacunmi. Chay wauguilla caycarpis engañanacunmi.

Jeremías 9:5

Jucnin-jucninpis engañanacunmi. Mayganpis manami rasun cajtaga rimanchu. Llullacuyllapämi yachacasha carcaycan. Jucha rurayllacho yachacasha carmi paycunaga mana wiyacunchu.

Mateo 10:21

«Noga-janan chiquirmi wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachengapaj wañuchinanpaj.

Marcos 12:12

Chayno nishanta wiyaycur mandajcunaga tantiyacuriran tincuchiypa Jesús willapar paycunata wiyachipaycashanta. Chaymi juclla prësu chariyta munaran. Ichanga aypalla runacuna chaycho caycajta manchacurmi aywacuran.

Juan 7:5

Chaynöga Jesusta wauguincuna niran payman mana riguishpanmi.

Hechos 16:22

Niptinmi llapan runacuna Pablupawan Silaspa contran ricacuran. Autoridäcuna niptinna Pablutawan Silastaga röpanta jorguparcur wiruran.

Hechos 18:12

Galión jutiyoj runa Acaya probinsyapa mandajnin caycänan wichanmi ichanga Pablupa contran Israel runacuna jatariran. Pabluta charircur Galionpa despächunman aparan.