Jeremías 10:9 - Tayta Diosninchi Isquirbichishan

⁹ Paycunapa ïduluncunaga caycan Tarsispita apamushan guellaywan chapyashallami, Ufazpita apamushan goriwan chapyashallami. Chay ïdulucunataga llagllay yachajcunallami, ruray yachajcunallami rurasha. Murädupitawan puca tëlapita jirasha röpacunata jatiraycan. Chay ïdulucunaga llapanpis caycan yachaj runa rurashallanmi.

Jeremías 10:9 Iomraidhean Croise

1 Reyes 10:22

Raypa Tarsis büquincuna cada quimsa watacho juc cutillami chayamoj Hirampa büquincunawan iwal. Apamoj gorita, guellayta, marfilta, mönucunata, päbu riyalcunatapis.

2 Crónicas 9:21

Raypa büquincunataga Tarsisman apaj Hiram mandashan runacuna. Chay büquicunaga cada quimsa watacho juc cutilla chayamoj. Apamoj gorita, guellayta, marfilta, mönucunata, päbu riyalcunata.

Salmos 115:4

Tayta Diosta mana rispitaj runacunapa ïduluncunaga caycanmi goripitapis, guellaypitapis. Ïduluncunaga runa rurashallanmi.

Salmos 72:10

¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun! ¡Garaynincunata goycuchun Sabächo caycaj raycuna, Sebacho caycaj raycuna!

Isaías 23:6

Lamar cantuncho tiyaj runacuna, Tarsisman aywacuy-llapa; fiyupa wagay-llapa.

Isaías 40:19

¿Ïdulutachuraj ruranqui? Ïdulutaga tacay yachaj runallami ruran. Guellay tacayta yachajmi goriwan chapyan. Chayno guellaypita cadina wallgatapis jundiypa rurapan.

Ezequiel 27:12

Gampaga ima-aycayquipis fiyupa aypallami caran. Chaymi Tarsispita shamojcunapis gampita rantej. Imatapis goshayquipitana paycuna pägashoj-cashunqui guellayta, fyërruta, estañota, plömuta.

Ezequiel 27:7

Wayra tangar apananpaj shucullpipis casha Egiptucho burdashan lïnupitami. Chay tëlanami bandërayquino caycaran. Tolduyquicuna caran murädu tëlacunapita, puca tëlacunapitapis. Chay tëlacunataga Elisa partipa lädun lamar cantunpitami apamuran.

Daniel 10:5

Illajpita ricchacurishächo ricarä lïnu röpan jatisha y gori wachcuyoj runata.

Oseas 8:6

¡Samariacho caycaj töruga manami dioschu! Chaytaga ruray yachajllami rurasha. Chay törutaga acapa-acapami paquirengapaj.

Jonás 1:3

Ichanga Tayta Dios mandashanta rurayta mana munar Jonasga gueshpir aywacuran lamar cantuncho caycaj Jope siudäman. Chaychöna juc büquita tariran Tarsis siudäman llojshinanpaj caycajta. Chaura chayman aywacunanpaj pasäjinta pägaran. Nircur Tarsismanna büquiwan aywacuran.