Jeremías 1:16 - Tayta Diosninchi Isquirbichishan

¹⁶ Chay siudäcunacho tiyaj runacunataga juchata rurashanpitami castigashaj. Paycunaga nogatami gongaycamasha. Juc-lä nasyun runacuna ‹diosnë› nishancunallapämi insinsutapis goshtachisha. Quiquincuna diosnincunata rurarcurmi adurasha.

Jeremías 1:16 Iomraidhean Croise

2 Reyes 22:17

Nogataga gongaycamashami. Nircurnami «diosnë» nishanpa ñaupancunacho insinsutapis saumachisha. Chayno rurarmi fiyupa rabyachimasha. Chaypitami cay particho tiyajcunapaj fiyupa rabyacurcushcä. Rabyashäga manami päsacangachu.

2 Crónicas 15:2

Asata tariparcur niran: «Ray Asa, Judäcuna, Benjamincuna llapayqui wiyamay. Tayta Diosman yäracuptiquega Tayta Diospis gamcunawanmi caycan. Pay munashanno goyaptiquega yanapäshunquimi. Payta gongaycäriptiquimi ichanga cachaycushunquipaj.

2 Crónicas 28:2

Chaypa ruquenga Israelpa raynincuna rurashanno juchallatana ruraran. Jundiypa ruracurcuran Baal-niraj ïdulucunata.

2 Crónicas 34:25

Gamcunaga nogata gongaycamashcanquimi. Nircurnami «diosnë» nishanpa ñaupancunacho insinsutapis saumachisha. Chayno rurarmi fiyupa rabyachimasha. Chaypitami cay particho tiyajcunapaj fiyupa rabyacurcushcä. Rabyashäga manami päsangachu.

2 Crónicas 7:19

Nogata gongaycamar laycunata mandamintucunata mana cumlir juc dioscunata adurar rispitaptiquimi ichanga

Isaías 2:8

Ïdulucunapis intërucho juntashami caycan. Runacunaga adurarcaycan quiquin rurarcur «diosnë» nishantami.

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Isaías 44:15

Chay guerutanami yantapaj sajtan. Waquinwanmi ninata ratarcachir mashacun. Waquinwannami tantata ruran. Waquin pedäsutanami jorgun «diosnë» nir ïduluta rurananpaj. Nircurnami adurashpan ñaupanman gongurpacun.

Isaías 65:3

Chay runacunaga imay örapis rabyaycächimanmi. Wertacunachömi dioscunapaj sacrifisyu uywacunata churan. Ladrillupita pergashan altarchömi insinsutapis rupachin.

Jeremías 10:15

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 10:3

Chay runacuna riguishanga manacajllami. Paycunaga munti guerutami mutun. Nircur llagllayta yachaj runawan ima-nirajtapis llagllachin.

Jeremías 11:12

Chaura Judá runacuna Jerusalén runacunaga adurashan dioscunaman aywanga. Ichanga chay diosnincunapis manami salbangapächu.

Jeremías 11:17

«Nogami gamcunapa munayniyoj Tayta Diosniqui cä. Nogami gam Israel runacunatawan Judá runacunataga churarä juc lantata lantajno. Cananmi ichanga camacächishcä juchayquipita castïgu chayashunayquipaj. Gamcunaga rabyachimashcanqui Baalta adurashpayquimi.»

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 16:11

Chaura gamna willanqui unay caj awiluncuna gongaycäramashpan mana yarpämashanta. Paycunaga juc dioscunata adurashpan sirbiran. Noga willapar yachachishätaga manami cumlirannachu. Nogata gongaycäramaran.

Jeremías 17:13

Gamllami canqui Israelcuna yäracunanga. Gamta gongaycushoj cäga canga fiyupa pengaychömi. Gamta manana sirbishoj cäga canga ñuchu allpacho jutita isquirbishan illgacäcushannömi. Mana chaquej chuya yacuno caycaptiqui cachaycushushayquipitami chaynöga canga.

Jeremías 18:15

Acrashä runacunami ichanga gongaycamasha. Mana rasun caj dioscunallapämi insinsutapis rupachin. Unay purishan nänicunapita pantaycärirmi juc-läpana purircaycan. Mana rejsishan nänipanami aywarcaycan.

Jeremías 19:4

Israelcunaga nogata cachaycäramashami. Cay partitapis mana rejsishamannönami ticrachisha. Cay jircachömi insinsutapis juc dioscunapäna rupachisha. Chay dioscunataga manami rejsiranchu quiquincunapis, ni unay caj awiluncunapis, ni Judäpa raynincunapis. Wamracunata wañuchirmi yawarninta intërucho mashtasha.

Jeremías 2:13

Acrashä runacunaga ishcay casta juchatami rurasha. Mana chaquej yacu pashtajno caycaptëpis Nogaman yäracaycämashanpita cachaycamasha. Y quiquincunami ïdulucunata adurasha sagra pösuncunata rurajno. Chay pösuncunaga yacuta manami juntachinchu.

Jeremías 2:17

Chaynöga rurasha-cashunqui Noga Tayta Diosniqui caycaptë, caminunpapis pushaj caycaptë cachaycäramashayquipitami.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Jeremías 4:12

Noga wayrächimushä wayraga cangapaj fiyu wayrami. Cananmi yarpäshaj paycuna imano jusgasha cananpäpis.

Jeremías 4:28

Cay pachachöga fiyupa llaquicuymi canga. Syëlupis chacacäcongarämi. Imano cananpäpis nishätaga manami cutiricushächu. Chayno cananpaj camacächishätaga rasunpami cumlishaj.

Jeremías 44:17

Chaypa ruquenga imanöpis ruranäcunapaj yarpaycashäcunanömi ruracushaj. Mana cachaypami insinsuta rupaycächishaj, bïnu ofrendata churaycäshaj Syëlupa Mamanpaj. Canancama rurarcaycashänöllami ruraycäshaj. Unay caj awilöcuna rurashanno, raynëcuna rurashanno, Judäpa siudänincunacho mandajcuna rurashanno, Jerusalenpa cällincunacho rurashannöpis rurarcaycäshämi. Chayno rurashäcuna wichanga micuynëcunapis puchu-puchumi caran. Llapanpis nogacunapäga allimi caj. Manami ima disigrasyapis chayamajchu.

Jeremías 5:29

Chayno rurarcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman? Noga Tayta Diosmi chayno në.

Jeremías 5:9

Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Jeremías 51:17

Runacunaga llapanpis upami, imatapis mana tantiyajmi. Ïduluncunaga ruraj runacunatapis pengacachinmi. Rurashan ïdulucunaga mana rasun cajmi, mana cawajmi.

Jeremías 7:17

Gamga ¿manachu ricanqui Judá siudäcunacho, Jerusalén cällicunacho imata rurarcaycashantapis?

Jeremías 7:18

Wamrancunami yantata shuntarcur apapan. Papänincunami ninata ratachin. Warmicunana jarinata chapun llapsha tantacunata rurananpaj. Nircurna ‹Syëlupa Maman› nishanpaj churan. Juc-lä runacuna ‹diosnë› nishanpäpis bïnuta tacshipan nogata fiyupa rabyachimänanpaj.

Jeremías 7:9

Gamcunaga suwacurcaycanqui, wañuchicurcaycanqui runa-masiquipa warminwan cacurcaycanqui, llullacuypa jurarcaycanqui, insinsuwan Baal diosta saumaycächinqui. Gamcunaga juc-lä runacuna «diosnë» nir adurashantami adurarcaycanqui.

Ezequiel 16:18

Cuyayllapaj achca culur röpayquicunataga jatipashcanqui chay rurashayqui ïdulucunatami. Nircorga saumachishcanqui nogapaj caj asëtïwan insinsöwan.

Ezequiel 24:14

Noga Tayta Diosmi chayno nishcä. Nishäga chaynömi canga. Quiquëmi chayno cananpaj camacächishäpis. Chaytaga manami cutiricushächu. Simrimi cumlishaj. Manami cuyapäshächu, ni pësacushäpischu. Imanöpis rurashayquipitami, imanöpis cashayquipitami castigashayquipaj. Noga Tayta Diosmi chayno në.»

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 8:6

¡Samariacho caycaj töruga manami dioschu! Chaytaga ruray yachajllami rurasha. Chay törutaga acapa-acapami paquirengapaj.

Joel 2:11

Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

Hechos 7:41

Chaura goripita ruraparan töru-nirajta. Nircur chay ïdulunta adurarna uywacunata rupachiran. Fistatapis cushicuyllawan ruraran.

Deuteronomio 28:20

«Tayta Dios maldisyunashuptiquimi ima rurashayquicunapis mana camacangachu ni ruracangapischu. Payta mana wiyacur llutancunata rurashayquipitami manapis aycällata llapayqui ushacanquipaj.

Deuteronomio 31:16

Tayta Diosga Moisesta niran: «Wañunayquipäga wallcanami pishin. Cay runacunaga mana allitanami ruranga. Tiyananpaj caycaj nasyuncho caycaj dioscunata adurarmi pirdicanga. Nogataga gongaycamanganami. Paycunawan conträtu rurashätapis manami cumlenganachu.

Josué 24:20

Tayta Diosta cachaycur juc dioscunatana aduraptiquega pay fiyupa mana allicunawanmi castigashunquipaj. Alli goyänayquipaj yanapäshushayquimannöllami castigashunquipäpis ushajpaj illgächishunayquicama.»

Apocalipsis 9:20

Chay castïgucunawan mana wañoj runacunaga mana alli ruraycashancunatapis manami cachariranchu. Chaypa ruquenga dyablucunata, ïdulucunata imaypis aduraran. Aduraran goripita, guellaypita, runsipita, rumipita guerupita rurasha caycashanta musyaycarmi. Chay adurashancunaga manami ricayta, wiyayta ni puriytapis puydinchu.