Hechos 1:9 - Tayta Diosninchi Isquirbichishan

⁹ Parlayta usharcuptin Jesustaga Tayta Dios cutichicuran. Apostulnincuna ricapaycaptin pucutay rurinpa yaycur illgacäcuran. Chaypitaga mana ricarannachu.

Hechos 1:9 Iomraidhean Croise

Salmos 68:18

Tayta Dios, prësucunata apacurcurmi janajman aywacushcanqui. Runacunanami garayniquita apapämusha-cashunqui. Mana wiyacojcunapis garayniquita apapämushurayquimi. Chaynöpami Tayta Diosga paycunawan iwal tiyanga.

Éxodo 19:9

Chayno willaptinmi Moisesta Tayta Dios niran: «Yanauyaycaj pucutay rurinpitami parlapäshayqui Israel runacuna wiyananpaj. Chaynöpami paycuna imaypis riguenga gamta parlapashäta.»

Éxodo 34:5

Chay puntamannami Tayta Diosga pucutaycho urämuran. Nircur Moiseswan caycaran. Chaycho jutinta willar

Isaías 19:1

Egipto imano cananpäpis Tayta Dios ribilashanta Isaías cayno willacuran: Masqui ricay Tayta Diosta. Egiptuman aywaycämun fiyupa cörrej pucutay jananchömi. Paypa ñaupanchöga sicsicyanmi Egiptucho caycaj ïdulucunapis. Egipto runacunapis fiyupami mancharin.

Daniel 7:13

«Nogaga suyñur jinalla ricapaycarä. Illajpita ricarä pucutaycho runa-niraj aywaycämojta. Payga aywasha Auquin cajman. Chayaptenga Auquinpa ñaupancama pushasha.

Marcos 16:19

Disïpuluncunata willapayta usharcuptinnami Jesucristuta Tayta Diosninchi syëluman pushacuran. Chaychönami Tayta Diospa derëchu caj-lädunman jamaycuran.

Lucas 21:27

Chaypitarämi Destinädu Runata ricamanga pucutay janancho achicyaypa-achicyar fiyupa munayniyoj aywaycämojta.

Juan 6:62

Chaura ¿ima ninquimanraj noga Destinädu Runa janajman cuticuycajta ricamarga?

Hechos 1:11

Yuriparcur niran: «Galilea runacuna, ¿imanirtaj syëlupa ricarpaycanqui? Syëluman aywacushanta ricashayquinöllami quiquin Jesús yapay cutimongapaj.»

1 Tesalonicenses 4:17

Nircurnami noganchi cawaycajcunatapis illajpita apacamäshun. Pucutay jananchönami Tayta Jesucristuwan llapanchi tincushunpaj. Chaypitaga paypa ñaupanchönami imaycamapis goyäshunpaj.

1 Timoteo 3:16

Llapanchïmi musyanchi Jesucristupa willacuynin llapanpitapis mas alli cashanta. Jesucristoga runami yuriran. Wañuptinna Espíritu Santu cawarachimuran. Anjilcunapis ricashpan aduraran. Willacuynenga maychöpis willacusha caran. May-chaychöpis paymanmi yäracuran. Syëluman cutirnami Tayta Diospa ñaupanman chayaran.

Apocalipsis 1:7

¡Jesucristoga pucutay jananchömi cutimonga! Chayno cutiycämojtami llapan runacuna ricanga. Payta wañuchejcunapis ricangami. Castïguta chasquinanpaj cashanta musyarmi may-chaychöpis runacuna mancharir waganga. Au chaynömi canga. Amén.

Apocalipsis 11:12

Chaynami chay ishcay profëtacunaga wiyaran «¡Cayman shamuy!» nir syëlupita gayacamojta. Chaymi contran runacuna ricapaycaptin pucutaycho syëluman aywacuran.

Apocalipsis 14:4

Paycunaga piwanpis mana cacojno limyumi caran. Imano ñacarpis Cashni uysha munashannöllami cawaran. Paycunaga micuy rimir yurimuptin apashan ofrendanöpis juchayoj runacunapita salbasha caycaran Tayta Diospaj y Cashni uyshapämi.