Génesis 7:11 - Tayta Diosninchi Isquirbichishan

¹¹ Chay tamyaga gallaycuran mushoj wataman gallarej ishcay quilla chunca ganchis (17) junajnin caycaptinmi. Noëga caycaran sojta pachac (600) watayoj. Syëlucho yacuta chaparaycaj puncucunapis quichacäcuran. Tamyaycaptillanmi yacuga pacha rurinpitapis pashtacaramuran.

Génesis 7:11 Iomraidhean Croise

Génesis 1:7

Diosga chay nishannölla asulyaraycämojta camaran yacu ishcay pachaman raquicänanpaj. Waquin caj yacu quëdaran uracho, waquin cajnami janajcho.

Génesis 6:17

Nogami tamyachimushaj dilubyu tamyata. Chay dilubyu tamyaptinmi llapan puntacunata ñitinanyaj yacu juntanga. Allpa janancho cawaj cajcunaga intëru munducho shengaypa ushajpaj wañongapaj.

Génesis 7:6

Cay pachaman löcu tamya tamyamushan wichan Noëga caycaran sojta pachac (600) watayoj.

Génesis 8:14

Ishcay caj quillacho ishcay chunca ganchis (27) junajninna caycaptin intëru allpa jananpita yacu chaquishana caycaran.

Génesis 8:2

Chaura pacha rurinpita yacu pashtamojpis manana pashtamurannachu. Syëlupita yacu llojshimunanpaj quicharaycaj puncupis wichgacäcuranna. Chauraga tamyapis manana tamyarannachu.

2 Reyes 7:19

Rayta yanapaj suldäruga Diospa profëtanta nisha caran: «Nishayquitaga manami riguëchu. Syëlupa puncuncunata Tayta Dios quicharamuptinpis chaynöga manami canmanchu» nir. Chaura Eliseoga nisha caran: «Ñawiquipami ricanquipaj. Quiquiquimi ichanga mana micunquipächu.»

2 Reyes 7:2

Rayta yanapaj suldäruga niran: «Nishayquitaga manami riguëchu. Syëlupa puncuncunata Tayta Dios quicharamuptinpis chaynöga manami canmanchu.» Chaura Eliseo niran: «Ñawiquipami ricanquipaj. Quiquiquimi ichanga mana micunquipächu.»

Job 12:15

Pay mana tamyachiptenga usyawan llapanmi chaquicäcun. Fiyupa tamyachimuptenga intëru jircacunatami juchu apacun.

Job 28:4

Pipis mana purinan jircacho, siudäcunapitaga caruchömi mïnataga uchcun. Chaychönami wac-läman cay-läman caylintaycar wascawan warcuyllapa yaycun uchcunanpaj.

Job 38:16

«¿Gam yaycushcanquichu pacha rurin uchcuman? Chayno ¿ricashcanquichu lamar yacu maypita pashtaycämushantapis?

Job 38:37

¿Pitaj sumaj yachaj caycan ayca pucutay cashantapis musyananpaj? ¿Pitaj syëlucho caycaj ishtanquicunata cacharaycamunman tamyamunanpaj,

Salmos 33:7

Paymi shuntaran juc pachallaman aypalla lamar yacutapis.

Salmos 74:15

Gammi pashtachimushcanqui pucyutapis, yacutapis mayu cananpaj. Mana chaquej mayucunatana chaquichishcanqui.

Proverbios 3:20

Fiyupa yachaj munayniyoj cayninwanmi lamartapis raquisha; tamyamunanpäpis camacächisha.

Isaías 24:18

Casadurpita gueshpej cäga yagangapaj uchcumanmi. Uchcupita llojshirir gueshpej cajnami togllacho watacasha quëdanga. Fiyupa löcu tamyami tamyamongapaj. Cay pachata tucnarämojcunapis chucchongarämi.

Isaías 24:19

Cay pachaga fiyupa manchariypämi cuyurenga. Cuyurishpan ichic-ichiclla ruracäcongapaj.

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.

Jeremías 51:16

Räyuno busninwanmi syëlucho caycaj yacuta gaparächin. Pucutaytapis pampapita jatarachin. Tamyaycashan örami illguytapis achicyächin. Wayratapis wichgarächishanpitami gargaramun.

Ezequiel 26:19

«Noga Tayta Diosmi në: Pipis manana tiyashan siudäcunatano ragällantami cachaycushayquipaj. Lamarpita aypalla yacu llojshimur ñitishunayquipämi camacächishaj.

Malaquías 3:10

Charashayqui cajcunapa diesmunta ushajpaj apamuy Templöman. Chauraga wasëcho micuy cangami. Chayno rurashpayqui mä musyapämay. Chauraga syëlupa bentänancunatapis quichapäshayquimi gamcunaman mas alli bindisyunta churamunäpaj.

Mateo 24:38

Yacuwan llapanta ushacächinanpaj wallcallana pishiycashan wichanga micurcaycaran, upurcaycaran, majachacaycaran. Chayno cawaran Noé büquiman yaycushan junajyajmi.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

2 Pedro 3:6

Rimashpan yacupita cay pachata camashannöllami chaypita guepataga yacuwan jundiypa cay pachata ushariran.