Génesis 6:8 - Tayta Diosninchi Isquirbichishan

⁸ Noëtami ichanga Tayta Dios alli ñawinpa ricaran pay munashanno cawaptin.

Génesis 6:8 Iomraidhean Croise

Génesis 19:19

Manacajlla caycaptëpis gamcunaga achcapitanami cuyapämashpayqui salbamashcanqui. Chay caru puntacunamanga noga manami aywämanchu. Lätaycachaycaptillächari nogatapis taripamar wañuycachimanga.

Salmos 145:20

Tayta Dios imapitapis chapanmi payta rispitajcunataga. Fiyu runacunatami ichanga usharin.

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Proverbios 12:2

Alli runataga Tayta Dios allimi yanapan. Mana allita rurayta yarpajcunatami ichanga castigan.

Proverbios 3:4

Chayno alli cawaptiquega Tayta Diospis allimi ricashunquipaj; runacunapis rispitashunquipämi.

Proverbios 8:35

Nogata tarimaj cäga imaycamapis cushishami cawanga. Tayta Diospis allimi rican.

Jeremías 31:2

Tayta Diosmi nin: «Wañuypita gueshpej Israelcunata chunyajchöga amatar cuyashätami musyachirä. Paycunaga ñacaypita jamaycäriytami munaycaran.»

Ezequiel 14:14

Chay nasyuncho Noé, Daniel, Job tiyashpanpis paycuna quimsallanmi salbacunman alli runa cayninpa. Noga Tayta Diosmi chayno në.

Mateo 24:37

«Destinädu Runa cutimunä junäga caycanga unay Noé cawashan wichannömi.

Lucas 1:30

Anjilga niran: «María, ama manchacuychu. Tayta Diospa ricay-ñawincho allimi canqui.

Lucas 17:26

«Noga Destinädu Runa cutimunä wichanpis caycangapaj Noé caycänan wichan cashannömi.

Hechos 7:46

Tayta Diosga Davidta amatarmi cuyaran. Chaymi Davidga niran ‹Jacobpita mirajcuna adurashunayquipaj wasita rurachipäshayqui› nir.

Romanos 11:6

Cuyapar raquicusha manami imatapis allita rurashanpitachu. Imatapis allita rurashanpita raquicusha captenga cuyapar acrashan manami rasunpa cuyapar acrashannachu canman caran.

Romanos 4:4

Musyashanchïnöpis arupacur chasquishanchëga manami goycamashanchïchu; chaypa ruquenga callpanchïpa chaninmi.

1 Corintios 15:10

Ichanga Tayta Diosninchi cuyapämayninpami imano carpis apóstol caycä. Tayta Diosninchi manami manacajpächu cuyapämasha. Nogami waquin apostulpitapis mas willacushcä. Chayno willacushcä manami quiquilläpitachu. Chaypa ruquenga Tayta Diosninchïmi llapantapis camacächisha.

Gálatas 1:15

Chayno captëpis manaraj yuriptillänami Tayta Diosninchi cuyapämar acracamaran Jesucristupa alli willacuyninta willacur purinäpaj.

2 Timoteo 1:18

Chaynöllami Éfeso marcachöpis payga sumaj yanapämaranchi. Taytanchi Jesucristo payta cuyapaycuchun runacunata jusganan junaj.

Tito 2:11

Tayta Diosga llapan runacunata cuyapashpanmi llapan runacunata salbananpaj Jesucristuta cachamuran.

Tito 3:7

Juchasapa captinchïmi salbasha cananchïpis mana camacaranchu. Chaypis payga cuyapämashpanchïmi perdunamashcanchi. Chaymi yäracuycanchi imaycamapis Tayta Diosninchïpa ñaupancho cawananchïpaj.

Hebreos 4:16

Chayno caycaptenga mana manchacuypa amatar cuyacoj Tayta Diosninchïta mañacushun cuyapaycamänanchïpaj. Chaymi mañacushanchi öra yanapämäshun.

1 Pedro 3:20

Chay almacunaga Noé cashan wichan Tayta Diosta manami wiyacuranchu. Chaypis arpinticunanpaj Tayta Diosga shuyararan Noé büquita rurayta ushanancamami. Büqui rurayta usharcuptin büquiman pusaj runallami yaycuran. Paycunallami yacu janancho wampuypa salbacuran dilubyupita.

2 Pedro 2:5

Tayta Diosninchi manami perdunaranchu Noé cawanan wichan juchasapa runacunatapis. Diosninchi munashanno cawananpaj Noé willapaptinpis chay runacunaga manami wiyacuranchu. Chaymi llapan runacunata Tayta Diosninchëga dilubyuwan ushacächiran. Noëtawan ganchisllatami salbaran.