Génesis 6:7 - Tayta Diosninchi Isquirbichishan

⁷ niran: «¡Imapäraj runata rurarä! Cananga rurashä runacunata ushajpaj illgächishaj. Illgächishaj llapan animalcunata garachaypa purejcunatawan päriypa purejcunatapis.»

Génesis 6:7 Iomraidhean Croise

Génesis 6:6

Chaymi Tayta Diosga runata rurashanpita pësacushpan

Génesis 7:21

Allpa janancho tiyaj cajtaga yacu ñitirmi llapanta wañuchiran. Runacunawan iwalmi wañuran manshu caj chucaru caj animalcunapis, garachaypa purejpis päriypa purejpis.

Génesis 7:4

Cananpita ganchis junajtami tamyata tamyachimushäpaj chuscu chunca (40) junaj, chuscu chunca (40) pagas mana chawayllapa. Chaynöpami llapan rurashäcuna cawaycajta cay pachapita illgächishaj.»

Génesis 8:21

Chayno rupachiptinmi Tayta Dios cajman jömuynin chayaran. Chaymi pay niran: «Runaga wamra cashanpita-pachami mana allita rurar goyan. Chaypis runapa juchanpitaga allpata manami ‹maldisyunädu cachun› nishächu. Cananpitaga llapan casta animalcunatapis manami ushacächishäpänachu canan rurashänöga.

Salmos 37:20

Fiyucunaga ushajpämi illgangapaj. Tayta Diosta chiquejcunaga gaushusha jachanömi rupanga. Goshtaynömi illgacäconga.

Proverbios 10:27

Tayta Diosta rispitar manchacojcunaga unaycamami cawanga. Fiyu runacunami ichanga pöcu timpulla cawanga.

Proverbios 16:4

Tayta Diosga yarpashanno cananpämi llapantapis camasha. Fiyu runacunapämi castïgutaga camasha.

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Oseas 4:3

Chayno captinmi cay nasyonga chaquiycanna. Cay nasyuncho tiyajcunana callpaynajno ricacurcaycan. Jirca animalcunapis, äbicunapis, lamarcho caj pescäducunapis wañurcaycanna.»

Amós 7:3

Chaura Tayta Diosga cuyapashpan niran: «Chaynöga manami cangapächu,» nir.

Amós 7:6

Chaura Tayta Diosga cuyapashpan niran: «Chaynöpis manami cangapächu» nir.

Sofonías 1:18

Tayta Dios jusganan junäga manami runata salbangapächu guellaynin ni gori charashanpis. Tayta Dios rabyasha caycashanga ninanörämi nasyun intëruta usharengapaj. Cay pachacho tiyajcunataga llapantami juc guepishtayllacho usharengapaj.

Sofonías 1:2

Tayta Diosga caynömi nin: «Munducho cajtaga ushajpämi illgächej-aywä.

Sofonías 1:3

«Illgächej-aywä runacunata, animalcunata. Chaynöllami illgächishaj äbicunata, pescäducunatapis. Fiyu runacuna mana alliman chayananpämi camacächishaj. Chaynöpami allpa jananpitaga ushajpaj runacunata illgächishaj.» Tayta Diosga caynömi nin:

Deuteronomio 28:63

Gamcuna alli cawanayquipaj, achcaman miranayquipaj yanapäshushpayqui Tayta Dios cushicushannöllami mana wiyacushayquipita ushacächishushpayquipis cushiconga. Mana munaycajtami tiyashayqui nasyunpitapis gargushunquipaj.

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.

1 Samuel 15:11

«Saulta ray churashäpita cananrämi pësacö. Payga nogata gongaycamasha. Nishäcunata mana cumlishachu.» Chaura Samuelga fiyupa rabyaran. Chay chacayga warayllata Tayta Diosta ruwacuran.