Génesis 50:3 - Tayta Diosninchi Isquirbichishan

³ Mëdicucunaga chay ruraycho goyaran chuscu chunca (40) junaj. Chayno junajtarämi wañusha runapa cuerpun gotucänanta jampiyta ushaj. Israeltaga llapan Egipto runacuna lüturan ganchis chunca (70) junaj.

Génesis 50:3 Iomraidhean Croise

Génesis 50:10

Goren-ha-atad pampaman chayaran. Chayga caycan Jordán mayupa chimpanchömi. Chaychöga José fiyupa llaquicushpan lütur goyächiran ganchis junaj.

Génesis 50:4

Lütuyta ushashanpitana Josëga parlaran palasyucho caj mandajcunawan. Paycunata cayno niran: «Gamcunapaj rasunpa noga alli casha captëga nogapa ruquë faraonta ruwapaycamay ari.

Números 20:29

Aarón wañushanta musyaycur Israelcunaga juc quillacama llaquicur lüturan.

Deuteronomio 21:13

Prësu charishayqui öra jatirashan röpanta rucacachinqui. Chaypita papäninpäwan mamanpaj llaquicur juc quilla lüturcuptin chay warmiwan majachacanqui.

Deuteronomio 34:8

Moisés wañuptin Israelcunaga Moab pampacho quillacama lüturan. Chayno lüturan custumrin cashannömi.