Génesis 49:3 - Tayta Diosninchi Isquirbichishan

³ «Rubén, gamga canqui guechpa wamrämi. Gamga mösullaraj caycaptëmi yurirayqui. Gamga mas rispitäduchari canquiman. Mas munayniyojchari canquiman.

Génesis 49:3 Iomraidhean Croise

Génesis 29:32

Leaga gueshyaj ricacur gueshyacuran ollgu wamrata. Chaymi niran: «Tayta Diosmi ricamasha llaquisha caycajta. Cananga runäpis masmi cuyamanga» nir. Chayno nirmi wamranpa jutinta churaparan «Rubén» nir.

Génesis 35:22

Chaycho tiyaycaptin wamran Rubenga papäninpa uywaycaj warmin Bilhawan puñucuycuran. Chayta mayaycur papänenga fiyupa rabyaran. Jacobpa ollgu wamrancuna caran chunca ishcay.

Génesis 35:23

Leacho cajcuna caran Rubén mayur, chaypita Simeón, Leví, Judá, Isacar, Zabulón.

Génesis 46:8

Egiptuman aywacoj Israel castacuna caynömi caran: Rubenmi caran Jacobpa guechpa wamran.

Génesis 48:18

papäninta cayno nishpan: «Ama chaynöga papä. Derëchu caj maquiquitaga mayur cajpa uman jananman churay.»

1 Crónicas 2:1

Israelpa wamrancuna caran: Rubén, Simeón, Leví, Judá, Isacar, Zabulón,

1 Crónicas 5:1

Rubenga Israelpa guechpa wamran car chasquinanpaj cajta manana chaquirannachu papäninpa chïnanwan puñucuycushanpita. Rubén chasquinanpaj cajcunataga chasquiran Josëpa wamrancunanami. Josëpis caran Israelpa wamranmi.

1 Crónicas 5:3

Rubenpa wamrancuna caran: Hanoc, Falú, Hezrón, Carmi.

Salmos 105:36

Egipto runacunapa guechpa wamrancunatapis Tayta Dios wañuchiran.

Salmos 78:51

¡Egipto runacunapataga guechpa ollgu wamrancunatapis jinanchömi wañurachiran!

Ezequiel 48:6

«Efraín trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Rubén trïbupaj.

Números 1:20

Cada trïbuta, cada castata, cada famillyata sinsur jutincunata apuntaran. Chaura musyaranna ishcay chunca watayojpita janaman, guërraman aywananpaj edäninchöna cajcunalla ayca ollgu cashantapis. Caynömi caran: Israelpa mayur caj wamran Rubén trïbupita 46,500.

Números 26:5

Israelpa mayur wamran Rubenpita mirajcunaga caran: Enoc casta, Falú casta,

Deuteronomio 21:17

Chayno mana cananpämi mana cuyashan warmipa wawan captinpis guechpa cay derëchunta entreganga. Chay derëchunta chasquerga waquin wauguincuna chasquishanpita ishcay cuti mastami chasquenga.

Deuteronomio 27:13

Ebal jircamanna wichanga Rubén trïbu, Gad trïbu, Aser trïbu, Zabulón trïbu, Dan trïbu, Neftalí trïbu runacuna. Paycunami chaypita nimonga Israelcuna Diosta mana wiyacorga maldisyunta chasquinanpaj cashanta.

Deuteronomio 33:6

Rubén trïbu runacunapaj niran: «¡Wallcajlla carpis Rubén trïbu runacunaga ama ushacächunchu!»

Apocalipsis 3:14

«Laodicea marcacho caycaj ermänucunata ricaj anjilpaj cay nishäcunata isquirbiy: Nogaga Tayta Dios aunishancunata cumlëmi. Imaypis rasun cajllatami në. Nogaga Tayta Dios llapanta camashan örapis caycarämi.