Génesis 42:21 - Tayta Diosninchi Isquirbichishan

²¹ Ichanga quiquin-pura cayno ninacurcaycaran: «Cananga wauguinchïta mana allita rurashanchïpitami castïgu chayaycämanchi. Noganchëga fiyupa llaquicuycajta ricaycarpis wauguinchïta manami cuyaparanchïchu. Ruwamashapis manami cäsuranchïchu.»

Génesis 42:21 Iomraidhean Croise

Génesis 41:9

Chayrämi faraonman bïnuta apapäga niran: «Cananrämi yarpärë carsilcho wichgarashäta.

Génesis 44:16

Chaura Judá niran: «Cananga ¿imanöpataj imatapis nishayqui ari, tayta? Nogacunaga manami imatapis niyta puydëchu mana suwa cashätaga. Tayta Diospis juchayojtachaj ricamasha. Cananga bäsuta charajwan llapanëmi gampa uywayniqui cashaj.»

Génesis 45:3

Wauguin cashanta willarmi José niran: «Nogaga Josëmi cä. ¿Papäninchi cawaycanrächu?» Josëpa ñaupancho caycashanta musyaycur wauguincunaga imata niytapis mana camäpacuranchu.

Génesis 50:15

Jacob wañushanpitanaga Josëpa wauguincuna cayno yarpar parlacuran: «Canan Josëga payta mana allita rurashanchïmannömi ayñita cutichimäshun» nir.

2 Samuel 12:13

Chaura Davidga jucha rurashanta tantiyacur Natanta niran: «Tayta Diospa contranmi juchata rurashcä.» Natán niran: «Gamtaga manami juchayquipita Tayta Dios castigashunquipächu. Manami wañunquipäpischu.

1 Reyes 17:18

Chaymi biyüdaga Eliasta niran: «Diosta sirbej, ¿imachötaj gamta rabyachishcä? ¿Gamga shamushcanqui juchäcunata yarpächimänayquipächu, wamräta wañuchinayquipächu?»

Proverbios 21:13

Pobri runa ruwacur mañacuptin mana cäsojtaga quiquintapis ruwacur mañacuptin Tayta Diosga manami cäsongachu.

Proverbios 28:17

Pitapis wañuchejcunaga gueshpi-gueshpillami wañunancamapis purenga. Chayno runapaga ama pipis faburnin cachunchu.

Jeremías 2:17

Chaynöga rurasha-cashunqui Noga Tayta Diosniqui caycaptë, caminunpapis pushaj caycaptë cachaycäramashayquipitami.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.

Jeremías 34:17

Chaypitami noga Tayta Dios në: Gamcunaga manami wiyacamashcanquichu. Chaymi mana cachaycushcanquichu hebreo-masiqui uywayniquicunatapis. Chaypitami cananga cachaycushayqui guërrawan, yargaywan, fiyu gueshyawan ushacänayquipaj. Chayno ruraptë canquipaj may-chaycho caj raycunapis ricacunanpämi. Noga Tayta Diosmi chayno në.

Jeremías 4:18

Quiquiqui mana allita rurashayquipitami chaynöga päsashurayqui. Fiyupa llaquicuycunaga gamcunaman chayamusha mana allicunata rurashayquipitami. Chayno yarpachacur llaquicuptiqui shonguyquipis nananrämi.»

Oseas 5:15

«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»

Números 32:23

Nishayquino mana cumlishpayquimi ichanga Tayta Diospa ñaupancho juchayoj ricacunquipaj. Chaura chay juchayquipita castigashunquipämi.

Mateo 7:2

Runa-masiquita jamurpar washanta rimashayquinöllami gamcunatapis Tayta Dios jusgashunquipaj. Runa-masiquita imanöpis ricashayquimannöllami Tayta Diospis ricashunquipaj.

Marcos 9:48

Infiernuchöga curucunapis manami wañunchu. Ni nina rataycajpis manami upinchu.

Lucas 16:28

Chaychöga pichgarämi wauguëcuna caycan. Paycunata willapaj aywachun ari cay noga ñacaycashäman manana shamunanpaj.›

Hechos 19:18

Waquin yäracojcunapis jucha rurashancunata mana pacaranchu.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

1 Juan 1:9

Mana pacaypa «Juchayojmi cä» nishami ichanga Tayta Diosninchi perdunamäshun. May-jina juchasapa captinchïpis payga alli carmi, cuyapäcoj carmi perdunamanchi.

Jueces 1:7

Chaura ray Adoni-bezec niran: «Cananga Diosmi fiyu cashäman-tupu fiyupa ñacaycächiman. Nogapis ñaupata ganchis chunca (70) raycunapa chaquinpa maquinpa maman dëduncunatami cuchuchirä. Chaura paycunaga puchupacunallata micurmi cawaj.» Ray Adoni-bezectaga aparan Jerusalenman. Chaychöna wañuran.